Lukasi 17 - Nyamwezi New Testament 1951

¹ Alisi wavawilaga vahemba vakwe, kili kigaka ati wivonya vukuleka kwiza, alisi musyolo ku mwenuyo homwene alivuleta.

² Kwisi yilimuvelela ulu mbe iwe lya kusyela litungwe mu nhingo yakwe na atagwe mu nyanza, kukila amuvonye umo mugati na venava vado.

³ Mwikomye inwe venekili! Ulu muduguyo alikukenagulila,

⁴ umuhane; ulu alinogoleka, umutondole. Na ulu alikukenagulila ka mpungati lusiku lumo na ka mpungati alisyoka kuwako na alihaya, Ndinogoleka, haho umutondole.

⁵ Vatume vamuwilaga Guku, Wongezye luhigi kuwiswe!

⁶ Alisi Guku wayombaga, Ulu mbe mwavagi na luhigi kitisi mbiyu ya haradali, mbe mukuguwila mukuyu ugu, Widubule henaha na wihambe mu nyanza, nago gukumudonhoka inwe.

⁷ Alisi nani mugati ninwe ali nawe mukumba alilima ninga alidima, homwene akumuwila ulu alifuma ku mugunda, Wegele itungo

⁸ lili na wikale? Kinahe, uyu kumuwila ngʼo, Uvezye chakulya nalye, winyepe na umboneche kusika nalyaga na nanwaga; na haho naʼho mwene ulye na unwe?

⁹ Kinahe, mwenuyo akumulumbila mukumba, kwisi

¹⁰ witaga genayo duhu walagilagwa? Sisyo inwe vene ulu mwamalaga kuvezya gose mwalagilagwa, muyombe, Tuli vakumba vakagelanilile, twitage genaya duhu twatondilwe kwita.

¹¹ Na yakwilaga aho wajaga ku Yerusalema ati wavitaga mugati na Samaria na Galilaya.

¹² Na aho wingilaga mu kaya mbati vasangaja nawe vagosya ikumi va

¹³ mbizi, hovene vimaga kule na vahamukaga, vuhaya,

¹⁴ Yesu, Kalondo, utuvonele kisa. Na aho wavavonaga, wavawilaga, Muje, mukiyoleche inwe venekili hambele na vahozya vahanya.

¹⁵ Na yakwilaga aho vajagako vapilaga.

¹⁶ Alisi umo mugati navo, aho wavonaga ati wapilaga, wasyokaga na wamukumukaja Mulungu na

¹⁷ muzwi muhanya, na wasukambaga na wakundamaga ha magulu gakwe na wamulumbilaga, na mwenuyu wavagi Musamaria.

¹⁸ Alisi Yesu witavukaga, uhaya, Kinahe, ngʼo ikumi wapizivagwa, kuhe avo kenda? Vakawinwe vangi hovene vasyokaga kumupa Mulungu

¹⁹ lukumo, sumbwa mugeni mwenuyu? Na wamuwilaga, Uvuke, uje, luhigi lwako lwakupizaja.

²⁰ Alisi aho wavuzivagwa na Vafarisayo, Vutemi wa Mulungu vuliza itungo ki? wavitavukaga, uhaya, Vutemi wa Mulungu vukavile kwiza mugati na kwilolela,

²¹ ninga vanhu kuyomba ngʼo, Lolaga henaha ninga kwenuko, kwisi lolaga, vutemi wa Mulungu vulimo mugati muwinwe.

²² Alisi wavawilaga vahemba vakwe, Nsiku zikwiza aho inwe mukutamanilwa kuluvona lusiku lumo lwa nsiku

²³ zya Mwana wa Munhu, na inwe kuluvona ngʼo. Na vakumuwila inwe, Mulole kwenuko! Mulole henaha! Muleke kujako na kupelelako.

²⁴ Kwisi kitisi lukuva lulikema na lulimulika kwilunde kufuma lwande lumo kusika lwande lungi, sisyo Mwana wa Munhu akuvi ha lusiku lwakwe.

²⁵ Alisi hambele aduke kingi na ataganiziwe na vuvyalwa wenuvu.

²⁶ Na kitisi yakwilage mu nsiku zyamwa Noa, sisyo sisyene yilave mu nsiku zya Mwana wa Munhu.

²⁷ Valyage, vanwage, vatolage na vatolagwe, kusika lusiku ulo Noa wingilaga mu lyato na likamilamasenga lizaga na lyavazimizizye vose.

²⁸ Na kitisi yakwilaga mu nsiku zyamwa Loto, valyage, vanwage, vagulage, vaguzale, vahambage, vazengage,

²⁹ alisi ha lusiku lwenulo Loto wafumaga mu Sodoma gwatonyaga moto na kibiriti kufuma kwilunde na gwavazimizizye vose;

³⁰ sisyo sisyene yikuviho ha lusiku lwenulo Mwana wa Munhu akufumbulwa.

³¹ Na ha lusiku lwenulo homwene ali ku numba higulya na fiseme fyakwe filimo mu numba aleke kwika kufisola; na homwene ali ku mugunda nawe mwene aleke kusyoka.

³² Mumwizukile mukima wamwa Loto.

³³ Homwene alikova kuzipizya myuye zyakwe akuzizimizya;

³⁴ na homwene akuzizimizya akuzipizya. Ndimuwila inwe, mu vuziku wenuvo vavili vakuvi valilala ha vulili vumo, umo akwanukulwa na mwiye akulekwa.

³⁵ Vakima vavili vakuvi valisya hamohene, umo akwanukulwa na mwiye akulekwa.

³⁶ Vavili vakuvi valiko ku

³⁷ mugunda, umo akwanukulwa na mwiye akulekwa. Na vitavukaga na vamuwilaga, Kuhe Guku? Nuyu wavawilaga, Uko mulambo guliko, kwenuko kwene mavesi gakwisumbyako.