3 Yohana 1 - Nyamwezi New Testament 1951

¹ Nene munamhala kumwa Gayo mutoneke, homwene ndimutogwa loleyene.

² Mutoneke, ndilomba ati welukilwe mugati na tose na uve mupanga, kitisi myuye yako yilelukilwa.

³ Kwisi nadehaga munogwene, aho vadugu vizaga na vasangilagwa kunguno ya hanayene hoyene yili muwako, isyo ulisimiza mu hanayene.

⁴ Nene nkavile na kudeha kungi kuhanya kukila kwigwa ati vana vane valisimiza

⁵ mu hanayene, Mutoneke, ulivezya kijamu mu gose

⁶ genaya ulivavezezya vadugu, navo vali vageni, hovene vasangilagwa hambele nʼivilingano mhola ya kutogwa kwako; na ukuvezya sisoga kuvafililizya mu lugendo

⁷ lwavo, kitisi yiligelanila hambele na Mulungu. Kwisi kunguno ya Lina lyenilo vafumaga vuduhu kuchanu. kula kinhu ku vapagani.

⁸ Kunguno yeniyi yilitudima kuvanukula vanhu kitisi venavo, kigele tuve vatumami vichavo va hanayene.

⁹ Nalitonelile ivilingano; alisi Diotrefe, homwene alikova kuvi muhanya mugati navo, akatudegelekile iswe.

¹⁰ Kunguno yeniyi, ulu niza, nkumwizukizya milimo iyo alitumama mugati na kututola mihayo mivi; na hangi yeniyi yikakwilile kuwakwe, mwenekili akavile kuvanukula vadugu, na venavo valikova kuvanukula alivahangilizya na kuvafumya mwivilingano.

¹¹ Mutoneke, uleke kukigilizya kavi sumbwa kasoga; homwene alita tusoga ali wamwa Mulungu; alisi homwene alita tuvi akamuwine Mulungu.

¹² Demetrio ali navo vusangilwaho vusoga ku vose na ku hanayene; na iswe vene tulisangilwa, naʼho ulimanicha ati vusangilwaho wiswe vuli wa lole.

¹³ Navagi nago mingi ga kukutonela veve, alisi nkatogilwe kukutonela na wino na kalamu.

¹⁴ Alisi ndisigizya kukuvona veve wangu, na haho tukuyomba hamohene mulomo ku mulomo. Kuhola kuveho hamohene naʼho. Vigisu valikugisya; uvagisye vigisu kila umo ku lina lyakwe.