2 Vakorinto 3 - Nyamwezi New Testament 1951

¹ Kinahe, tulivukizya hangi kwikumilizya? ninga tulifunda, kitisi vamo, barua zya lukumo zya kuvafilila

² inwe, ninga zya kupiwa ninwe? Inwe muli barua yiswe, yitonilwe mu myoyo ziswe, yilimanikiwa na

³ yilisomwa na vanhu vose; yigelaga ati inwe muli barua yamwa Kristo hoyene yatonilwe niswe, yikatonilwe na wino sumbwa na Roho ya Mulungu muzuvuku, yikavile mu mbao zya mawe sumbwa mu mbao zya myoyo zya vanhu.

⁴ Na isigizyo lyenili tuli nalyo

⁵ kumwa Mulungu mugati na Kristo; yikavile kitisi tulikovola muwiswe venekili kwiganika muhayo gumo kitisi guli muhayo gwiswe venekili, sumbwa kuvezya

⁶ kwiswe kulifuma kumwa Mulungu; homwene watuvezelezaja tuve vatumami va vuswanya vupya, ngena tuve va vutone sumbwa va roho, kwisi vutone vulivulaga, alisi roho yilizuvucha.

⁷ Alisi ulu vukumba wa lufu mikumo yavo yichembilwe mu mawe, wigelaga mu lukumo, sisyo ati vana vʼIsraeli vavagi vakakovolile kuwikomya vusyu wamwa Mose kunguno ya lukumo lwa vusyu wakwe, holwene lwingikaga hangi.

⁸ Kinahe, vukumba wa Roho vuleke kwingiha mu lukumo?

⁹ Kwisi ulu vukumba wa vuyanguzi wavagi na lukumo, haho vukumba wa vugololoku vulikwila muno na lukumo.

^10-11 Ahene, wenuvo wavagi na lukumo vuli gele lukumo ulu vulikolaniziwa navo howene wavagi na lukumo luhanya muno.

¹² Kunguno tuli nalyo isigizyo lya mutindo gwenugu

¹³ tuligima kuyomba ha pe, na tukavile kuvezya kitisi Mose homwene wikumbaga vusyu na ikumbilo, kwigela ngʼo vana vʼIsraeli vayikomye mhelo ya genayo hogene galingika.

¹⁴ Alisi miganiko gavo galambaga, kwisi kusika walelo yeniyi ikumbilo lyenili lilikala higulya na kusomwa kwa vuswanya wa kale vuduhu kwingiwa, kwisi mu Kristo lilingiwa.

¹⁵ Alisi kusika walelo yeniyi ikumbilo liliyikumba myoyo yavo, ulu Mose alisomwa.

¹⁶ Alisi aho valipiluka moyo kumwa Guku, ikumbilo lilingiwa.

¹⁷ Lelo Guku ali Roho, na henaho Roho ya

¹⁸ Guku yiliho, henaho hene vunamiko vuliho. Alisi iswe vose hovene tulilwilolela lukumo lwa Mulungu kitisi mwilole, na vusyu vukakumbilwe, tulikavukiziwa ku wikole wenuvu wene kufuma lukumo kusika lukumo, kitisi lukumo lwenulo lulifuma kumwa Guku homwene ali Roho.