2 Vakorinto 2 - Nyamwezi New Testament 1951

¹ Alisi natungilizaja muwane ndeke kwiza hangi kuwinwe na misayo.

² Kwisi ulu ndimwitila inwe misayo, nani akundehelezya, sumbwa mwenuyu witilagwa misayo nane.

³ Na nene natonaga muhayo gwenugu, ngena, ulu ndize, nitilwe misayo navo hovene yilindima kuvadehela; namusanizaja inwe vose ati kudeha kwane kuli kudeha kwinwe vose.

⁴ Kwisi namutonelaga na vusatu wingi na lusungu lwa moyo na minsozi, yikavile kigele mwitilwe misayo, sumbwa kigele mukumaniche kutogwa hokwene nokalaga nako kuwinwe.

⁵ Ulu umo wasataja akampile nene misayo, sumbwa

⁶ nusu inwe vose (ndeke kuyomba na nguzu). Luduko ulo uyo wapivagwa na vingi lwakwilaga kuwakwe;

⁷ sumbwa yilimudima inwe kumuvonela kisa na kumuhulicha, ngena akindwe na misayo mingi.

⁸ Kunguno yeniyi ndimwikumbilizya kumuvonela kisa.

⁹ Kwisi kunguno yeniyi namutonelaga, kigele navumaniche

¹⁰ vujamu winwe, ulu mulidonhoka mu gose. Alisi munhu homwene mulimutondola muhayo, nene mwene, kwisi muhayo hogwene natondolaga, ulu natondolaga muhayo, natondolaga kunguno yinwe hambele na Kristo,

¹¹ kwigela ngʼo tuyengwe na Shetani, kwisi malome gakwe tuligamanicha.

¹² Lelo nizaga ku Troa kunguno ya kuyitanizya Mhola ya Chelu, na aho nalugulilagwa muzigo mugati na

¹³ Guku, nkawine kudeha mu moyo gwane, kunguno nkamuwine Tito mudugu wane; alisi nadahaja kuwavo, najaga ku Makedonia.

¹⁴ Alisi agongolwe Mulungu homwene alitupa vukinde hanahana mu Kristo, homwene alifumbula mugati niswe hosehose vumotu wa kumumanicha.

¹⁵ Kwisi iswe tuli vumotu vusoga wamwa Kristo hambele na Mulungu, muwavo hovene

¹⁶ valipiziwa, na muwavo hovene valizimila, kuwavo vumotu wa lufu ku lufu; ku vangi vumotu wa vupanga ku vupanga.

¹⁷ Na nani alikovola genaya? Kwisi iswe tukavile kitisi vingi, hovene valivukova vusulu ku muhayo gwa Mulungu, sumbwa mugati na welu wa moyo na mugati na Mulungu na hambele nawe tuliyomba mugati na Kristo.