1 Yohana 3 - Nyamwezi New Testament 1951

¹ Lolagi, kutogwa ki Vava watupile, iswe twitanwe vana va Mulungu, na tuli venava. Kunguno yeniyi liwelelo likavile kutumanicha, kunguno likamumanikizye mwenuyo.

² Vatoneke, lelo tuli vana va Mulungu, na yitali kufumbulwa isyo tulave. Tulimanicha ati henaho yikufumbulwa tukumwikola, kwisi tukumuvona kitisi ali.

³ Na homwene ali nalyo isigizyo lyenili kuwakwe, isondohye kitisi mwenekili ali musondo.

⁴ Homwene alita vukenaguzi aliyivinza ngʼhama, na vukenaguzi vuliyivinza ngʼhama.

⁵ Na mulimanicha ati mwenuyo wigelile, kigele aginje mavukenaguzi, na muwakwe muduhu vukenaguzi.

⁶ Homwene alikala mugati nawe akavile kukenagula, homwene alikenagula akamuwine ninga akamumanikizye.

⁷ Vana vane, kuduhu umo amupuvye inwe; homwene alita kigololoku

⁸ ali mugololoku, kitisi mwenekili ali mugololoku. Homwene alita vukenaguzi ali mwana wamwa Shetani, kwisi Shetani wakenagulile kufuma mbuki. Kunguno yeniyi Mwana wa Mulungu wigelile, kigele ayizimanguche milimo yamwa Shetani.

⁹ Homwene wavyalilwe na Mulungu akavile kukenagula, kunguno nguzu zya Mulungu zilimo muwakwe, nawe akakovolile kukenagula, kunguno wavyalilwe na Mulungu. Mwenumo vana va Mulungu na vana vamwa Shetani valifumbulwa.

¹⁰ Homwene akavile kwita kigololoku, akafumile kumwa Mulungu, na sisyo sisyene mwenuyo homwene akavile kumutogwa muduguye.

¹¹ Kwisi yili mhola hoyene mwayigilwe kufuma

¹² mbuki, ati twitogwe hamohene, ngʼo kitisi uyo Kaini homwene wavagi wamwa uyo Muvi na wamuvulagaga muduguye. Na kungunoki wamuvulagaga? Kunguno milimo yakwe yavagi mivi, alisi iyo ya muduguye migololoku.

¹³ Vadugu vane, muleke kukumya ulu liwelelo lilimugaya inwe.

¹⁴ Tulimanicha ati, twafumile mu lufu na twingilile mu vuzuvuku, kwisi tulivatogwa vadugu;

¹⁵ homwene akavile kuvatogwa, alikala mu lufu. Homwene alimugaya muduguye, ali muvulagi; ninwe mu limanicha ati, kuduhu muvulagi ali navo vuzuvuku wa hanahana muwakwe.

¹⁶ Mwenumo tulikumanicha kutogwa: mwenuyu wayipanaga myuye yakwe kunguno yiswe; na yilitudima iswe vene kuyipana myuye yiswe kunguno ya vadugu.

¹⁷ Alisi homwene ali nazyo nsavo zya mu liwelelo, na alimuvona muduguye ali na mafundo, na aligulambya moyo gwakwe hambele nawe, lumehoki kutogwa kumwa Mulungu kulikala muwakwe?

¹⁸ Vana vane, tuleke kutogwa mugati na mihayo ninga ngʼo na lulimi, sumbwa mugati na milimo na hanayene.

^19-20 Na syenisyo tukumanicha ati tuli va hanayene, na hangi tukuyihulicha myoyo yiswe hambele nawe ku kila muhayo kunguno yago myoyo yiswe yilituyangula, kwisi Mulungu ali muhanya kukila myoyo yiswe, na aligamanicha gose.

²¹ Vatoneke, ulu myoyo yiswe yikavile kutuyangula, tuli na vugimu hambele na Mulungu,

²² na icho tukukilomba hochene tukukipiwa, kunguno tuliyilindila mikumo yakwe na kwita yeniyo yilimutogezya.

²³ Na gwenugu guli mukumo gwakwe, tulisanizye lina lya Mwana wakwe Yesu Kristo, na twitogwe hamohene isyo watulagilaga.

²⁴ Na homwene aliyilindila mikumo yakwe alikala mugati nawe, na mwenekili muwakwe; na mugati na Roho yeniyo watupaga tulimanicha ati, alikala mugati niswe.