1vakorinto 9 - Nyamwezi New Testament 1951

¹ Kinahe, nene nkavile munamiko? nene nkavile mutume? nkamuwine Yesu Guku wiswe? inwe mukavile

² milimo yane mu Guku? Ulu nkavile mutume ku vangi, ndi mutume kuwinwe, kwisi inwe muli lumanyilo lwa vutume wane mu Guku.

³ Kwenuko kuli kwitavuka kwane ku venavo hovene vambuzya.

⁴ Kinahe,

⁵ tukavile na luhusa kulya na kunwa? Tukavile na luhusa kujana mukima homwene ali mudugu kitisi vatume vangi, na vadugu vamwa Guku na Kefa?

⁶ Ninga nene duhu na Barnaba tukavile na luhusa kuleka kutumama?

⁷ Nani mulugaluga akuja mu vulugu ku garama yakwe mwenekili? nani alihamba mizabibu na akavile kulya fisumo fyayo? ninga nani mudima

⁸ idale na akavile kulya mavele gʼidale? Kinahe, ndiyomba genaya ku mutindo gwa vanhu? ninga ngʼhama yene yikavile kuyomba syenisyo?

⁹ Kwisi yitonilwe mu ngʼhama, Uleke kuyimumya ngʼombe hoyene yilipula.

¹⁰ Kinahe, Mulungu alisusuma kunguno ya ngʼombe? ninga aliyomba genaya kunguno yiswe? Ahene, gatonilwe kunguno yiswe, kunguno yilimudima mulimi kulima mwisigizyo, nawe mupuzi atumame mwisigizyo lya kupiwa ifungu lyakwe.

¹¹ Ulu twamuvivilaga inwe genaya ga roho, kinahe, gali mahanya ulu tuligimbula

¹² mafundo ga liwelelo hawinwe? Ulu vangi vali nalo luhusa lwenulo kuwinwe, niswe tukavile nalo munogwene? Alisi tukalutumilile luhusa lwenulu, sumbwa tuligavukilizya gose, ngena tuyihangilizye Mhola ya Chelu ya Kristo.

¹³ Mukamanikizye ati venava valivezya milimo ya mwisengelo vakulyaga ku genaya ga mwisengelo? navo valitumama hakuhozezya valivi

¹⁴ nʼifungu lyavo ku genaya ga hakuhozezya? Sisyo Guku wakindikaga ati venava valitanizya Mhola ya Chelu vakuzuvuka ku Mhola ya Chelu.

¹⁵ Alisi nene nkagatumilile genaya ninga hado; nane nkavile kutona genaya kigele gave syenisyo kuwane; kwisi yambelelile nafwe kukila munhu akwinje kwikumilizya kwane.

¹⁶ Kwisi ulu ndiyitanizya Mhola ya Chelu nkavile nago ga kwikumilizya, kwisi yilindima kwita sisyo; kwisi musyolo kuwane ulu nkavile kutanizya Mhola ya Chelu.

¹⁷ Kwisi ulu ndiyitumama yeniyi cha kutogwa ndi nago musyahala; alisi ulu yikavile cha kutogwa, nulu yili

¹⁸ syenisyo, napivagwa vukasika. Lelo musyahala gwane guli ki? Ati, ulu nditanizya Mhola ya Chelu nayitanizye vuduhu musyahala, ndeke kuvutumila vukovozi wane mu Mhola ya Chelu.

¹⁹ Nulu ndi munamiko ku vanhu vose, nivezaja musese wa vose kigele navagade vingi.

²⁰ Ku Vayahudi navile Muyahudi kigele navagade Vayahudi; kuwavo vali hansilili na ngʼhama navile kitisi hansilili na ngʼhama, nulu nkavile hansilili na ngʼhama, kigele navagade ava

²¹ vali hansilili na ngʼhama. Kuwavo vali vuduhu ngʼhama navile kitisi vuduhu ngʼhama, nulu nkavile vuduhu ngʼhama kumwa Mulungu, sumbwa hansilili na ngʼhama yamwa Kristo, kigele navagade ava vali

²² vuduhu ngʼhama. Ku va nguzu ndo navile wa nguzu ndo, kigele navagade va nguzu ndo; navile gose ku

²³ vose, kigele navapizye vamo ku nzila zyose. Nane ndivezya gose kunguno ya Mhola ya Chelu, kigele napiwe lusangi mugati nayo.

²⁴ Mukamanikizye ati venava valisiganilwa mu kupela myega, vose valipela myega, alisi umo duhu alipiwa vugade? Syenisyo inwe mupele myega kigele muvugade.

²⁵ Kila umo alisiganilwa aliyima gose. Lelo venavo kigele vagade ngala hoyene

²⁶ yikunyala, alisi iswe iyo hoyene kunyala ngʼo. Nene ndipela myega syenisyo, yikavile vuyaga; ndilasana

²⁷ syenisyo, ngʼo kitisi umo aligutula muyaga; alisi ndiguducha muvili gwane na kugutunya, ngena nene, homwene navatanizizye vangi, nakanwe.