1vakorinto 6 - Nyamwezi New Testament 1951

¹ Kinahe, ulu umo mugati ninwe ali nago muhayo na mwiye, aligima kuyangulwa hambele na venavo vakavile vagololoku, ngʼo ku vasondo?

² Ninga mukamanikizye ati vasondo vakuliyangula liwelelo? na ulu liwelelo likuyangulwa ninwe, kinahe, mukavile nʼisima kuyangula mihayo mido?

³ Mukamanikizye kitisi tulavayangule malaika? na haho munogwene genaya ga liwelelo lyenili.

⁴ Ulu muliyangula mihayo ya liwelelo lyenili, kinahe, mulivatula vayanguzi hovene vali gele isima mwivilingano?

⁵ Ndiyomba genaya kumuponda inwe nsoni. Kinahe, haduhu ninga umo mugati ninwe wa masala homwene alikovola kuyangula mugati na vaduguye?

⁶ Alisi mudugu alivula mudugu mwiye ku venavo vakasanizizye.

⁷ Lili ipuvyo ati muli na mbulano hamohene. Kuki mukavile kuzumya kudukiwa cha gele?

⁸ Kuki mukatogilwe kwivilwa? Sumbwa mulivaducha, na mulivivila vanhu, hangi muli vadugu.

⁹ Ninga mukamanikizye ati vigomu kusalika ngʼo vutemi wa Mulungu? Kuduhu muyengwe, ninga valava, ninga

¹⁰ visenga fimbulimbuli, ninga vasihya, ninga vasendani vagosya na vakima, ninga vivi, ninga vʼihuhu, ninga vakozya, ninga vadukani, ninga vadumuzi, kusalika

¹¹ ngʼo vutemi wa Mulungu. Na vamo mugati ninwe vavage va mitindo yeniyi; alisi mwagusilwe, na mwasondohivilwe, na mwagololilwe mu lina lyamwa Guku Yesu Kristo, na mu Roho ya Mulungu wiswe.

¹² Kuwane kuduhu kinhu cha mwiko; alisi ngʼo gose galivela. Kuwane kuduhu kinhu cha mwiko, alisi nene

¹³ kutemwa ngʼo ninga na kinhu kimo. Chakulya kili ku nda, na nda ku chakulya; alisi Mulungu akuzimangucha yeniyi na chenicho. Alisi muvili gukavile ku

¹⁴ valava sumbwa kumwa Guku, na Guku ku muvili; na Mulungu wamuhembukaja Guku, na alatuhembuche niswe mu nguzu yakwe.

¹⁵ Mukamanikizye ati mivili yinwe yili fivalango fyamwa Kristo? Kinahe, nafisole fivalango fyamwa Kristo nafivezye kuvi fivalango fya mulava?

¹⁶ Ninga hado ngʼo. Ninga mukamanikizye ati uyo alidimana na mulava ali muvili gumo nawe? kwisi

¹⁷ wayombaga, Venava vavili vakuvi muvili gumo. Alisi uyo alidimana na Guku ali roho yimo nawe.

¹⁸ Muvupele vulava. Kila vukenaguzi howene munhu aliwita vuli hanze na muvili; alisi uyo alita vulava aligukenagulila muvili gwakwe mwenekili.

¹⁹ Ninga mukamanikizye ati muvili gwinwe guli isengelo lya Roho Nsondo homwene ali mugati ninwe, homwene mwapivagwa na Mulungu?

²⁰ Na inwe mukavile nsavo yinwe venekili; kwisi mwagulagwa na mupango, kunguno yeniyi mumukumuche Mulungu mu muvili gwinwe na roho yinwe hoyene yili nsavo ya Mulungu.