1vakorinto 3 - Nyamwezi New Testament 1951

¹ Nene, vadugu, nkakovolile kuyomba ninwe kitisi na va roho, sumbwa kitisi na va muvili, kitisi na velele mugati na Kristo. Namunwisaja na mavele, nkamulisizye na chakulya, kwisi mwavagi mutali kukikovola,

² byololo, ninga lelo mutali kukikovola; kwisi mutali muli va muvili.

³ Kunguno ulu lilimo mugati ninwe ivuva na vulekane, kinahe, mukavile va muvili, na

⁴ mukavile kusimiza mu mutindo gwa vanhu? Kwisi ulu ungi alihaya, Nene ndi wa Paulo; na ungi, Nene

⁵ ndi wa Apolo; mukavile vanhu? Apolo ali nani? na Paulo ali nani? Vakumba kunguno yavo inwe mwasanizaja, kila umo kitisi Mulungu wamupaga.

⁶ Nene nahambaga, Apolo wamwagilaga minzi; alisi Mulungu wamezaja.

⁷ Sisyo ninga mwenuyu alihamba ninga mwenuyu aliminzila minzi akavile na mupango, sumbwa Mulungu homwene alimezya.

⁸ Mwenuyu alihamba, nawe aliminzila minzi vali va mutindo gumo; alisi kila umo akupiwa musyahala gwakwe hanuma na milimo yakwe mwenekili.

⁹ Kwisi iswe tuli vatumami viye va Mulungu; inwe muli mugunda gwa Mulungu, numba ya Mulungu.

¹⁰ Ku kipimo cha kisa cha Mulungu hochene napivagwa, nene, kitisi muzenguzi wa masala, nagutulaga musingi, na ungi wazengaga higulya nago. Alisi kila umo ikomye kitisi alizenga higulya nago.

¹¹ Kwisi kuduhu munhu alikovola kutula musingi gungi, sumbwa gwenugu gwamalaga kutulwa, hogwene ali Yesu Kristo.

¹² Alisi ulu munhu alizenga higulya na musingi na dhahabu, ninga fedha, ninga mawe ga mupango, ninga

¹³ miti, ninga maswa, ninga mavulule, milimo ya kila munhu yikuvi welekela; kwisi lusiku lukuyifumbula, kwisi lukufumbulwa mu moto; na moto gukuyigema milimo ya kila munhu mutindo gwayo.

¹⁴ Ulu milimo hoyene munhu wazengaga higulya nago yikujama, akupiwa musyahala.

¹⁵ Ulu milimo ya munhu yikutimwa, akupiwa vufwililwa, sumbwa mwenekili akupiziwa, alisi kitisi mu moto.

¹⁶ Mukamanikizye ati inwe muli isengelo lya Mulungu,

¹⁷ na Roho wa Mulungu alikala muwinwe? Ulu munhu alilivipya isengelo lya Mulungu, Mulungu akumuvipya uyu; kwisi isengelo lya Mulungu lili isondo, nalyo muli inwe. Kuduhu munhu iyenge mwenekili.

¹⁸ Ulu umo mugati ninwe aliganika ali wa wenge mu liwelelo lyenili, ave muhumbu kigele ave wa wenge.

¹⁹ Kwisi wenge wa liwelelo lyenili vuli vuhumbu kumwa Mulungu; kwisi

²⁰ yitonilwe, Mwenuyu alivadima va wenge mu vuyengani wavo; na hangi, Guku alimanicha miganiko ga va wenge ati gali ga gele.

²¹ Kunguno yeniyi kuduhu munhu ikumilizye kunguno ya vanhu; kwisi gose gali ginwe;

²² ninga Paulo, ninga Kefa, ninga liwelelo, ninga genaya galize;

²³ gose gali ginwe; alisi inwe muli vamwa Kristo, nawe Kristo wa Mulungu.