1vakorinto 10 - Nyamwezi New Testament 1951

¹ Kwisi nditogwa vadugu, mumaniche ati vahenga viswe vose vavagi hansilili nʼilunde, na vose vavitagamu nyanza;

² na vose vogivagwa kumwa Mose mwilunde

³ na mu nyanza; na vose valyaga kiliwa kimo cha roho;

⁴ na vose vanwaga kinwiwa kimo cha roho, kwisi vanwaga kwitale lya roho holyene lyavalondaga, nalyo itale lyavagi Kristo.

⁵ Alisi Mulungu akatogezivilwe na vingi mugati navo, kwisi vazimangukivagwa mwibalangu.

⁶ Lelo genaya gakwilaga kuvi mukolani, ngena

⁷ tutamanilwe mavi, kitisi avo vatamanilagwa. Hangi muleke kuvi visenga fimbulimbuli kitisi vamo mugati navo, kitisi yitonilwe, Vanhu vikalaga kulya na kunwa na vavukaga kwisinya.

⁸ Hangi tuleke kuyanzana kitisi vamo mugati navo vayanzanaga, na ha lusiku lumo vagwaga fihumbi makumi avili na fidatu.

⁹ Hangi tuleke kumugemela Guku kitisi vamo mugati navo vamugemelaga, navo vazimangukivagwa na nzoka.

¹⁰ Hangi muleke kwingʼungʼula kitisi vamo mugati navo vingʼungʼulaga, navo vazimangukivagwa na muzimanguchi.

¹¹ Lelo genaya gavakwililaga kuvi mukolani, nago gatonilwe kutuhana iswe, hovene twafikaga ha mhelo ya matungo.

¹² Kunguno yeniyi uyo aliganika ati aliwima ikomye aleke kugwa.

¹³ Kuduhu igemelo lyamusikilile inwe sumbwa ga mutindo gwa vanhu, na Mulungu ali mujamu, homwene kuzumya ngʼo mugemelwe kukila nguzu zinwe; alisi hamohene nʼigemelo akuvezya muzigo gwa kufumila, kigele muvele kujama.

¹⁴ Kunguno yeniyi vatoneke vane, mupele kwisenga fimbulimbuli.

¹⁵ Ndiyomba kitisi na va masala, mugapime inwe venekili genaya ndihaya.

¹⁶ Kineneko cha luvango hochene tulikidosya, kikavile lusangi lwa magazi gamwa Kristo? Mukate hogwene tuligumegula

¹⁷ gukavile lusangi lwa muvili gwamwa Kristo? Kunguno mukate guli gumo, iswe hovene tuli vingi tuli muvili gumo, kwisi vose tulipiwa ifungu lya mukate gwenugu gumo.

¹⁸ Muvikomaje Visraeli venava hovene valifilya

¹⁹ fitambo vakavile nalo lusangi na hakuhozezya? Ndiyombaki lelo? ati cheniki chahozivilwe kili kinhu?

²⁰ ninga ati kimbulimbuli kili kinhu? Byololo, sumbwa cheniki vapagani valihozya, valiyihozezya migavo, ngʼo Mulungu, nane nkatogilwe muve na lusangi na migavo.

²¹ Mukakovolile kunwela kineneko chamwa Guku na kineneko cha migavo, mukakovolile kuvi na lusangi na kiliwa chamwa Guku na kiliwa cha migavo.

²² Ninga tulimwitila Guku ivuva? tuli nayo nguzu kukila uyu?

²³ Kuduhu kinhu cha mwiko, alisi gose gakavile kuvela, kuduhu kinhu cha mwiko, alisi gose gakavile kujamilizya.

²⁴ Kuduhu munhu akove genaya gakwe mwenekili, sumbwa genaya ga mwiye.

²⁵ Gose hogene galiguziwa

²⁶ mwigulilo mugalye vuduhu kuvi na himba; kwisi liwelelo lili lyamwa Guku na wokale walyo.

²⁷ Ulu umo wa venavo hovene vakavile kusanizya alimulalika, ninwe mulitogwa kujako, haho mugalye gose gatulilwe hambele ninwe vuduhu kuvi na himba.

²⁸ Alisi ulu umo alimuwila, Cheniki chahozivilwe, muleke kukilya kunguno ya mwenuyo homwene wamolekaja, na kunguno ya moyo.

²⁹ Moyo ndiyomba, gukavile gwako sumbwa gwa ungi, kwisi kunguno yaki luhusa lwane luyangulwe

³⁰ na moyo gwa ungi? Ulu ndigatumila na kalumbilo, kuki nadakilwe kunguno ya genaya ndigalumbila?

³¹ Kunguno yeniyi ninga mulilya ninga mulinwa, ninga mulita gangi, mwite gose ku lukumo lwa Mulungu.

³² Muleke kuvonya, ninga Vayahudi, ninga Vagriki, ninga

³³ ivilingano lya Mulungu; savasava kitisi nene ndivatomezya vose mu gose, nkavile kukova vusulu wane sumbwa wa vingi kigele vapiziwe.