1vakorinto 1 - Nyamwezi New Testament 1951

¹ Paulo homwene witanagwa ave mutume wamwa Yesu Kristo ku kikowa cha Mulungu, na mudugu

² Sostene, kwivilingano lya Mulungu holyene liliko ku Korinto, avo vasondohivilwe mu Kristo Yesu, vitanilwe vave vasondo hamohene na vose hovene valilitana lina lyamwa Guku wiswe Yesu Kristo hosehose, Guku wavo na Guku wiswe.

³ Kisa kuwinwe na kuhola kufuma Mulungu Vava wiswe, na Guku Yesu Kristo.

⁴ Ndimulumbila Mulungu wane nsiku zyose kunguno yinwe, ku kisa cha Mulungu hochene mwapivilwe mu

⁵ Kristo Yesu, ati mugati nawe mwavile vasavi mu mihayo yose na masala gose;

⁶ kitisi vusangilwa wamwa Kristo wakindikagwa muwinwe.

⁷ Sisyo mukavile kudohelwa kipanwa, ulu mulilindila kukundukulwa kwamwa Guku wiswe Yesu Kristo,

⁸ homwene akumujamilizya inwe kusika mhelo muve vuduhu kimelo ha lusiku lwamwa Guku wiswe Yesu Kristo.

⁹ Mulungu ali mujamu homwene mwitanilwe nawe mu lusangi lwa Mwana wakwe Yesu Kristo Guku wiswe.

¹⁰ Lelo ndimuhana inwe vadugu mu lina lyamwa Guku wiswe Yesu Kristo, ati muyombe mutindo gumo, na vulekane vuve haduhu mugati ninwe; sumbwa muve hakimohene vuliko mwilome limo na mwisala limo.

¹¹ Kwisi napozezivilwe na va munumba yamwa Kleo kunguno yinwe, vadugu vane, ati vutongane vuliho mugati ninwe.

¹² Ndiyomba giki ati, kila umo mugati ninwe aliyomba, Nene ndi wa Paulo, nane wa Apolo,

¹³ nane wa Kefa, nane wa Kristo. Kinahe, Kristo wagavanivilwe? Paulo wakomelilwe kunguno yinwe? ninga

¹⁴ mogivilwe ku lina lyamwa Paulo? Ndimulumbila Mulungu kunguno nkamogizye munhu mugati ninwe,

¹⁵ sumbwa Kristo na Gayo; ngena umo ayombe ati mogivilwe ku lina lyane.

¹⁶ Hangi navogaja na va munumba yamwa Stefano, haho nkamanikizye ulu namogaja hangi ungi.

¹⁷ Kwisi Kristo akantumizizye kigele noje, sumbwa nayitanizye Mhola ya Chelu, ngʼo mu mihayo ya ngelo, ngena musigiti gudohiwe nguzu.

¹⁸ Kwisi muhayo gwa musigiti guli vuhumbu kuwavo hovene valizimila, alisi kuwiswe hovene tulipiziwa guli nguzu ya Mulungu.

¹⁹ Kwisi yitonilwe, Nkuyizimizya ngelo ya va ngelo; Na masala ga va masala nkugakana.

²⁰ Alisi kuhe wa ngelo? ali kuhe mumanicha fitabu? ali

²¹ kuhe muyombi wa liwelelo lyenili? Kwisi kunguno liwelelo mu ngelo yalyo likamumanikizye Mulungu mu ngelo yakwe, yamutogezaja Mulungu ku vuhumbu

²² wʼitanizyo kuvapizya venava valisanizya. Kwisi Vayahudi valivuzya migaka, navo Vagriki valikova wenge;

²³ sumbwa iswe tulimutanizya Kristo akomelilwe, ku Vayahudi lili ikwanuzyo, na ku vapagani vuli vuhumbu;

²⁴ alisi kuwavo vitanilwe, Vayahudi na Vagriki, Kristo ali nguzu ya Mulungu na ngelo ya Mulungu.

²⁵ Kwisi vuhumbu wa Mulungu vuli na ngelo kukila vanhu; na vusakazu wa Mulungu vuli na nguzu kukila vanhu.

²⁶ Kwisi mulwikomye lwito lwinwe, vadugu, ati mukavile vingi va ngelo ya muvili, ninga ngʼo vingi va

²⁷ nguzu, ninga ngʼo vingi vʼisima. Alisi genaya gavagi mahumbu ku liwelelo Mulungu wagasogolaga kuvaponda nago va ngelo nsoni; hangi genaya gavagi masakazu ku liwelelo Mulungu wagasogolaga kuvaponda

²⁸ nago va nguzu nsoni; na genaya gakavile nʼisima ku liwelelo, na hogene galivengeleziwa, nago gali ga gele, Mulungu wagasogolaga kugazimangucha genayo hogene

²⁹ gali na mupango; ngena muvili gwikumilizye hambele na Mulungu.

³⁰ Sumbwa kufuma kuwakwe inwe mulimo mu Kristo Yesu, homwene ali kuwinwe ngelo yilifuma kumwa Mulungu, na vugololoku, na vusondo, na

³¹ vukomozi, kigele yive kitisi yitonilwe, Homwene aliwikumilizya, ikumilizye mu Guku.