VaLoma 16 - Tesitamenti Umupwa 1965

Umulamu wa Pavuli

¹ Ilelo nkuvalajizyʼuFoyibe umwanawitʼumulindu we muvombezi wa mushivanza sha mu-Kenchileya,

² ukuti mumuposhele mwa Mwene inza shʼavafinjile vahondeyʼukuhonzya. Havili mumupanje honti henga mukwaga akupotwa. She wope ahatutulaga swe vinji, nane navanji.

³ Mundamushile uPilisika nuAkwila ve vanyamata avamwitu nane mwa Chilisiti Yesu.

⁴ Avene vatayipepelezizye ninsingo zyavo kuvulanzi vwane, ve te nene neka ne nkuvasalifwa nkandi niṿivanza ṿwonti iṿwa muvakunzi vovulo.

⁵ Mundamushile nishivanza sha munyumba yavo. Mundamushile nuEpeneti uwamwitu, we shitomolwa ukumwitiha uChilisiti mw-Asiya.

⁶ Mundamushile nuMaliya, wʼayikunguye nkani ukuvavombelʼimwe.

⁷ Mundamushile nuAndelonika nuYuniya, ve tulʼuluho lwoka nane, havili ve twali vakungwa poka nane, ve vakumusile muvapositili, havili vatalisile ukuva mwa Chilisiti lwʼine nchili.

⁸ Mundamushile uAmpilyati unkundwa wane mwa Mwene.

⁹ Mundamushile nuYulibani umunyamata wamwitu mwa Chilisiti nuSitahi unkundwa wane.

¹⁰ Mundamushile nuApele wulolesile nkani ukuva mwa Chilisiti. Mundamushile navantu va Alisitobuli.

¹¹ Mundamushile nuHelodiyo we tulʼuluho lwoka nane. Mundamushile navantu vonti va Nalikisi ve vali mwa Mwene.

¹² Mundamushile nuTilifena nuTilifosa ve vakuyikungula kumbombo ya Mwene. Mundamushile nuPelesi unkundwa, wʼayikunguye nkani kumbombo ya Mwene.

¹³ Mundamushile nuLufu umusavulwa mwa Mwene, nunyina we wʼumayi nane.

¹⁴ Mundamushile nuAsinkiliti nuFilego nuHelimi nuPatiloba nuHelima navamwitu vonti ve vali navo.

¹⁵ Mundamushile nuFilologi nuYuliya nuNeli numwanawavo umulindu nuolimpa navafinjile vonti ve vali navo.

¹⁶ Simulamunkane mwe vuvo vatupu nulufipʼulufinjile. Ṿikuvalamuhʼimwe niṿivanza ṿwa Chilisiti ṿwonti.

¹⁷ Nkuvasohʼine mwe vamwitu, ukuti musheve ve vakuvalumanya nukuvategʼamahonde, she vakusitʼukulandata insambilizyo zye musambilizilwe, ve muvapambataje.

¹⁸ Shʼavantu vanava vatakumuvombelʼuChilisiti uMwene witu, nkandi vwe vula vwavo vweka vwe vakuvuvombela. Mumazwi ga ntembwele namunjangʼinyinza vakuvahopʼavantu ve vatakusivʼizya mbivi.

¹⁹ Nkandi umushinzi winyu wukumusile mwonti. Zye nkuseshela nkanʼine. Ine nyene nkasime ukuti muzimanyinsanyaje nkani izya vwinza, havili ukuti muvanje mwe vadedevazu kuzya mbivi.

²⁰ UwenʼuMulungu nyene umuhatavwihalo atalihava ukumuhanyilʼuSetano kunsi kuṿinama ṿwinyu. Uvwila vwa Yesu Chilisiti uMwene witu vuvanje namwe.

²¹ UTimoti umunyamata wamwitu nuLuki nuYasoni nuSosipateli, ve tulʼuluho lwoka nane, vakuvalamuhʼimwe.

²² Nane ne Teleti ne nsimṿilʼukalatʼuno, nkuvalamushila mwa Mwene.

²³ NuGayi wʼatuposheleye munyumba yakwe nane nishivanza shonti, wope akuvalamuhʼimwe. NuElasiti umusungampiya munkayʼino nuKwaliti uwamwitu vakuvalamuhʼimwe.

²⁴ Uvwila vwa Yesu Chilisiti uMwene witu vuvanje namwe mwenti. Amen.

UkumutundumihʼuMulungu

²⁵ Wuyo wʼali namaha aga kuvagomwʼimwe, ukuholana nIvangeli lyane ninongwa zya Yesu Chilisiti, ukuholana nukukupulilwa kwa zya kukwilu zye zyazyihime shima amaha gonti lulwo;

²⁶ shinishi nyene pe zyinzilʼukuloleha apazelu muvakalata va vakuvwi inza shʼuMulungu wa shima alajizizye nzila ukuti zimanyishe, shʼatili mwʼavakunzi vonti vakonzelaje kuzya lwitiho;

²⁷ we Mulungu umuhatavumanyinsanyi weka; mwa Yesu Chilisiti ali nuvumwamu uvupiti shimashima. Amen.