Biblia Todo Logo
Bìoball air-loidhne

- Sanasan -

2 Peteli 3 - Tesitamenti Umupwa 1965


Isiku lya vwinzilo vwa Chilisiti

1 Mwe vankundwa ishi nkuvasimbilʼukalata wa vuvili, muli vonti ve vavili nkuziyinzanya inyenyezyo zyinyu inzelu lwe nkuvakumbusyʼimwe,

2 ukuti mukumbuhaje amazwi ga vakuvwi avafinjile, ge vatalisilʼukugayanga, nululajizyo lwa vapositili vinyu, lwe lwakwe uMwene uMuposhi.

3 Kutaliha muzimanye ukuti mumanda ga kumpelela pe valiloleha ava kuholela uluholelo, ve valijenda mumpapilo zyavo.

4 Ve valiti: Luli kwoshi ulumfingwi lwa vwinzilo vwakwe? She pʼavatata vahafwila ṿwonti ṿili she shila inza she vwali lwe ṿikwandʼukupelwa shisitakwanduha.

5 She vayiseveyʼavene ukuluṿwa ukuti mwizwi lya Mulungu izya kumwanya zyalipo ukufuma he hali, ninsi ya pansi yifumile muminzi, yipezilwe muminzi.

6 Mwe mumwo insi ya lulwo yihananjiha lwʼidwiṿilwe muminzi.

7 Iyene nyene iya kumwanya niya pansi zye zilipo shinishi zyʼizwi lyakwe lizisenguye ukuti zihapwe umwoto pisiku lya vulonzi nilya kuvatupulʼavantu ve vatakumunyilʼuMulungu.

8 Ahene hoka nyene mwe vankundwa he mutaluṿwaje, ukuti kwa Mwene isiku lyoka lili fwe ngati maha 1,000, gope namaha 1,000 gali fwe ngati lisiku lyoka.

9 UwenʼuMwene atahaṿilʼukuleta zyʼafinzile, inza she vamo vakuti azihaṿizye, nkandi akuti sangapa sangapa kulʼimwe, shʼatakasime ukuti wumo ategaje ndah, nkandi ukuti vonti valufishilʼulupinduho.

10 Isiku lya Mwene nyene liliyinza fwe ngati mwiva. Ilelo pʼiya kumwanya yilisililishila nukujilima, pʼiṿiduvuho vwa tuntu twonti ṿilisopoha mumwoto, pe ninsi nimbombo zyonti zye zhi mumwo zilipwa mwa.


Vwe pakuti tuyisenganyaje

11 Ilelo she muwenyi ṿwonti ṿiniṿi ukuti ṿiliyenguha vovulo pe muvanje mwe vafinjile nkani mulujendo namuvunyilaMulungu,

12 lwe mukutontomela nukupalizya uvwinzilo vwʼisiku lya Mulungu, lye muli lilyo iya kumwanya yilipwa mumwoto nukusopoha niṿiduvuho vwa tuntu twonti yilipwa mwa nukuyenguha.

13 Nkandʼiswe she tumanyiiʼulumfingwi lwakwe tukutontomela kuya kumwanya impwa ninsi impwa, mwʼuvugolosu vulizenga mumwo.

14 Mwe mumwo lelo, mwe vankundwa, she mukutontomela kuli zinizi, mwe mumwo muyikungule ukuti mulolehaje ukuva mwe vasitamazota navasitaṿilema kuminso gakwe, muvanje muvwihalo.

15 Uvwenʼuvuzyihamulaha vwa Mwene vwe muvumanye ukuti vwe vupokwa, inza shʼuPavuli uwamwitu unkundwa avasimbiyʼimwe munjele zyakwe zyʼapelilwe,

16 inza shʼakuhonzya muvakalata vakwe vonti mwʼakuyanga izya nongwa zinizi. Zimo nyene ngomu ukuzisimishizya, zye vamo avasitakusambilila navasitakusimpʼahinza vakuzigalula, inza she vakugalula navakalata avamwavo, muli zinizi vakuyipelelʼukutupulwa.

17 Imwe lelo, mwe vankundwa, she muzimanyile nzila pe mwandaje uvutezyi vwa vasitankomelezyo vutahavasompole nukuvilula mwe mwasimfile.

18 Mukulaje lelo muvwila namuvumanyinsanyi vwa kumumanyʼuMwene witu nuMuposhi uYesu Chilisiti. Uwene ali nuvumwamu shinishi napisiku lyʼuvusitakusila vuliyanda.

Nyiha New Testament © British and Foreign Bible Society, 1965. 

Bible Society of Tanzania
Lean sinn:



Sanasan