Bìoball air-loidhne

Petro 1 4 - Nyangbo New Testament

Ɛkpã Zazãna Ɔkɔ Owusoso Akaa

¹ Klisoɔ, gɛ Kristo abamɔ bɔtɔ nɛ ishupiɛ mɛɛ soɔ, wɔnɔ tsyɛ nɔ balɛ wɔnɔ ishu ɔkɔ ɛkpã zazãna ɛlɛ nɛidi, ɔmɔsɛ anunɔ gɛ amɔ bɔtɔ nɛ yɛishudzya mɛɛ, aŋã kibui kpa abha.

² Nɛ kibui ɛlɛ shu soɔ, agazã yɛ ɛkpã gɔgɔɛnɔ nɛ esiakpa abha nɛ anɔdzyrame yɛebui kpa tɛpɛpɛɛ ulũ, pɔ azã nɛkpã akɔ kɛgɛ Owusoso Akaa apɛ nɔ.

³ Ɔmɔsɛ nɔotizĩ kibè dzlolo nɛ ewuiɛ gɛ atɛ fala mɛ pɛ nɔbhɛtɛ kɛgɛ ibudì eleteɛ azatɔɖɔ abhɛtɛ mɛ, nɔzã nɛkpã nɛ kɛgɛ ishudzya pɛ ulũ, kanɔ mɛ same mɔmɔ, bunù bubuku, akpɛnɛ ebui bhɛbhɛtɛ, bunù ɔhakpɛkpɛ nɛ̀ ibudì ɛkɔ tishushù.

⁴ Kɛbhɛtɛ balɛibi nɛ kibui nɔnɔ shu so pɛ, nɔgɛ dɛmɛ ɔsɛ tɛ̀ nɔkpà plɛnɔ balɛ nɛ ɛkpã kpa zazãna ɛlɛ mɛ, kliso bakɔalà wɔnɔ.

⁵ Pɔ babà bhɛtɛ̀ akɔnta akɔ anunɔ gɛ abalɛ̀ eli akɔ kebhu kukulu nɛ̀ benunuɔ nɛ̀ bagɛ etsitsíɛ tsyɛ.

⁶ Ɔmɔsɛ kibui ɛlɛ shu baɖɔ kibui gbangbã ɔkɔ bagɛ etitsíɛ tsyɛ, sɛ tɛ̀ bekulù kebhu nɛ̀ alɛ nɛ banɔdzyrame ishupiɛ mɛ̀, pɔ nɛ ɔfɔfuĩa xɔnɔ mɛɛ, babazã asɛ Owusoso Akaa anà.

⁷ Ebuiɛ petee alɛ ɔtɔ̃kɔ tso ɔbà. Klisoɔ nɔkɔ wɔnɔ ekpeɖekpeɖeɛ mɛ adalɛ tɛ nɔŋã wɔnɔ ishu abha sɛ tɛ̀ nɔlà okulu Owusoso Akaa.

⁸ Kɛgɛ dɛ alɛ peteɛ, nu ɔsɛ nɔdɛmɛ nɔ nɛ̀ bagɔlɔ piapii, ɔmɔsɛ tɛdɛdɛmɛ nɔ dã ebui kpa bhɛbhɛtɛ gelee ulũ.

⁹ Nɔyɛkɛ agɔlɔ kpɛ bapãmɛ ɔkɔ tɛ̀ nɔtɛ zɔɖɔ kaɖɔ nɛ kɛlɛ shu.

¹⁰ Anɔ ka nyia ka alɔkɔ yɛdɔkɔkɔ gɛ ayɛkɛ tɛ̀ aplɛnɔ bagɔgɔɛ nɔ, gana tɛyɛyɛkɛŋã ibui gbangbã tɛbhɛbhɛtɛ mɛ tɛ̀ alɔkɔ aɖɔ Owusoso Akaa tibhui bhuibuɔ nɛ edzo gelee abha.

¹¹ Onupɛ anɔ teli aɖɔaɖɔɔ, abhɛtɛ ɛlɛ asɛ anɔ gɛ aɖɔ Owusoso Akaa nɛibui ana. Onupɛ anɔ teli adɛ axɔ̃ɛ, abhɛtɛ ɛlɛ nɛ̀ ohumiɛ gɛ Owusoso Akaa akɔɛ nɔ mɛ, sɛ tɛ̀ nɛ ebui petee mɛɛ, babà kpɛ Owusoso Akaa nɛinye nɛitití ɔganà Yesu Kristo abha. Ishu dadalɛ nɛ̀ ohumi ɔlɛ onu yɛ ɔyɛ odenɔ otsiɛ vɛnɔ tihɔɔ. Amen.

Bɔtɔ Nɛ Kristo Mɛzazã Shu

¹² Mɛɔbhia alɛ gɛ ɛdɛmɛ nɔ, tifefekeɖiɛ mɛ gɛ nɔgã tɛbhɛtɛ wɔnɔ ibì, asɛ gɛ onupɛ kibui gɛ ɛbhɛtɛ ibi kɛlɛ bà wɔnɔ abha ana.

¹³ Pɔ nɔmɔ same sɛ nɔɔtɔ̀ asɛ Kristo ana, sɛ tɛ̀ nɔbɔ mɔ same ɔfalanɔ kifu gɛ onupɛ bebebù yɛishu dadalɛ akasɛ.

¹⁴ Onupɛ bakwala ɔnɔ nɛ Kristo yɛtakpù tsyɛ elo, beyulà akɔ ɔnɔ, ɔmɔsɛ ishu dadalɛ Ɔfɔfuĩa nɛ̀ Owusoso Akaa otsiɖì wɔnɔ abha.

¹⁵ Onupɛ nɔmɔ ɔtɔɔ, kɛtɛ zã asɛ anɔ gɛeyì anɔ, ezĩ alo anɔ kpa nanà idi, alo asɛ anɔ gɛ akpɛ olugbũ nɛ ebui gɛ lagɛ kpà plɛnɔ yɛɛ mɛ.

¹⁶ Klisoɔ, onupɛ nɔmɔ bɔtɔ asɛ Kristoeyi ana, nɔ tɛkɔ kiwũi yi wɔnɔ, pɔ nɔkpɛ Owusoso Akaa nɛinye nɛitití sɛ nɔyɛkɛ kinye ɛlɛ nɛidi.

¹⁷ Ɔmɔsɛ kibeɛ na ɔkɔ kebhu kukulu, kɛlɛ kɛbà kpɛ esi edenɔ Owusoso Akaa bɔpã mɛ, kɛlɛ onupɛ kakpɛ esi nɛ̀ bɔlɔɔ pɔ, kɛlɛ kɛbà zã ɔkɔ bagɛ agɛ abhɛtɛ tɔɖɔ Owusoso Akaa yɛibui gbangbã nabhaa dza?

¹⁸ Kɛlɛ, “Onupɛ aba gagalĩ sɛ tɛ̀ bayɛkɛ banɔ dadalɛ elù nɛkpã pɔ, kɛlɛ kɛbà zã ɔkɔ bagɛ etinyi Owusoso Akaa nɛ̀ ebui kpa bhɛbhɛtɛ eleteɛ tsyɛ mɔ, dza?

¹⁹ Klisoɔ otsiɛ nɔ, bagɛ bamɔ ɔtɔ nɛ Owusoso Akaa tɛpɛpɛ ulũɔ, balɔkɔ balɛishu akɔ Agɛ yɛabhɛtɛ̀ alɛ pɛ aɖɔ kibui gbã tɛ̀ bazã ɛlɛ abha azabhɛtɛ ebui gbangbã.

« Roimhe

Air adhart »

Lean sinn:

Ceanglaichean taic

Sanasan