Hebrianɛ 5 - Nyangbo New Testament1 Bebu banɔlũazazã gbagbla ka nyia ka edenɔ banɔɛishi. Bedzui asɛ tɛ azã ishi akɔ Owusoso Akaa nɛ̀ banɔ, tɛ akɔ ɔdɔ̃ tɛ azapɔɛ ɔdɔ̃ nɛ ebui kpa ɛtakpu. 2 Banɔlũazazã gbagbla alɛ, alàdɔ fɔ̃ akɔ bagɛ nɛ balɛ ibui matimati mɛ pɛ batɔnɔ edzo bhlatɔ avɛɛ, gɛ yɛ tsyɛ bɔtɔ ɔlɛ lɛ yɛishu so. 3 Kɛlɛso eputɔ apɔɛ ɔdɔ̃ nɛ yɛebui kpa nɛ takpu, flogo pɛ apɔɛ nɛ banɔ bhlatɔ tsyɛ ɛtakpu. 4 Anɔ nanà etidzu yɛishu banɔlũazazã gbagbla, kɛlɛ sɛ Owusoso Akaa yɛedzui, asɛ idzu gɛ edzu Aron ana. 5 Kliso Kristo tsyɛ agɛbhɛtɛ yɛishu asɛ anɔ dadalɛ sɛ tɛ edzi banɔlũazazã gbagbla. Pɔ Owusoso Akaa etseɖe yɛasɛ, “Wonu Mɛeyianyɛ, oboɔ itsyina dzi Wɔakaa.” 6 Kɛlɛ azaɖɔ nɛ ɔkɔbhlatɔ tsyɛ asɛ, “Odzi banɔlũazazã tihɔ tihɔ, ɔmɔ asɛ Melxizedek ana.” 7 Nɛ kibeɛ gɛ Yesu azã kanɔ nɔ̀ mɛɛ, ekulu Owusoso Akaa pɛ akɔ yɛtakpu ɔgana ozĩ kpɛkpɛ ɔplɛnɔ ɛwɔ̃mɛ bibi mɛ ɔkɔ anunɔ gɛ abalà yɛebu edenɔ butsí mɛɛ. Elũ yɛtikukuluɔ, nɛ yɛishu esi zhizhinɔ gbangbã mɛ so. 8 Gɛ Owusoso Akaa Yɛeyi yɛedzi tsyɛ elo, akpasɛ batɔ̃ lulũ ɔgana bɔtɔ gɛ amɔ mɛ 9 gɛ badalɛ yɛishu piapi soɔ, ebedzi anunɔ abha gɛ bagɛ elũ atɔ̃ abagã pɛ babàmɔ tibubú tihɔɔ. 10 Kɛlɛ yɛenu anunɔ gɛ Owusoso Akaa edzu asɛ tɛ edzi banɔlũazazã gbagbla ɔmɔ asɛ Melxizedek ana. Nɔtɛ Shɛnɛ Ahɔɛ Nɛ Tɛyɛyɛkɛŋãa Shu 11 Ebuiɛ ekpè gɛ kɛlɛ sɛ tɛ bɔɖɔ nɛ alɛ shu, pɔ kinu kibui gagalĩ ɔkɔ alɛ mɛ tibubú, ɔmɔsɛ kɛbɔɛbɔɛ lũ nɔkpasɛ ɔdɔ̃. 12 Kibui gbã kinu, sɛ tɛ nodzi badɔ̃kasɛ flogo, pɔ kɛlɛ sɛ tɛ anɔ bhlatɔ teli edzinɔ kɛkpɛ gɛ Owusoso Akaa yɛibuiɛ kpɛ esiɛ pete akasɛ ɔnɔ. Kɛmɔlĩ kɛlɛ pɛ kɔ ɔnɔ, anɛ kɛŋaŋã gagalĩ! 13 Anɔ nyia anɔ gɛ aamɔ ɛmɔɔ, anuvɔ ete yɛeke nu gɛ etinyi bɔdɔ̃ kakasɛ nanà nɛibui dadalɛɛ shu. 14 Banɔ sheshè balɛ aŋã kɛŋaŋã gagalĩ, gɛ bakpala alɛ aganà ebui gelee mɛ soɔ benyi ibui gbangbã nɛ̀ kizizĩ. |
© (Active), Ghana Institute of Linguistics, Literacy and Bible Translation. All rights reserved.