Yo-el 1 - RUAC KUƆTH IN RƐL RƆ

¹ Nɛmɛ ɛ jɛn ruac Kuɔth Nhial ëë ci ben kä Yo-el gat Pɛth-wel.

Mäk kɔaryɔam

² Liɛŋɛ nɛmɛ yɛn di̱t, liɛŋɛ jɛ yɛn tin diaal tin cieŋ wi̱i̱ muɔ̱ɔ̱n. Tëë kɛ mi ce̱tkɛ nɛmɛ mi ci kɔn tuɔ̱k kä yɛ, kiɛ kä guurikun?

³ Ɛn mɛmɛ la̱tdɛ jɛ gaatkun, kä bi gaatkun ɛ lɛ wä la̱t gaatkiɛn, kä bi gaatkiɛn ɛ lɛ wä la̱t ri̱c ɔ bi ben ɔ.

⁴ Ɛ jɛn ɣöö kɛn kɔaryɔamni bäkɛ bua̱a̱ni, buɔ̱n guurkɛ jɛ ɛ buɔ̱n ɔ, mi wä duɔth kä buɔ̱n in nhiam, ba ben dup ɛ buɔ̱n in dɔ̱ŋ.

⁵ Jiacɛ rɔ̱ kä wiee ɛ yɛn yɔ̱a̱ŋ kɔaaŋni, kä rötdɛ yɛn ma̱a̱th kɔaaŋni diaal, kɛ ɣöö ca kɔaŋ in kɛc ben poc ni thokdun.

⁶ Kɛ ɣöö ci döör mundä ben mac, kɛ ɣöö bumkɛ kä ŋuankɛ /ca kɛ dee luäŋ kɛ kuen. Kä moth lɛckiɛn ce̱tkɛ lɛc luɔny, kä te ka̱a̱p ti ce̱tkɛ ka̱a̱p luɔny.

⁷ Cikɛ bɛlkä dup, kä cikɛ köm jiɛn ŋɔ̱a̱pnikä kuɛ̈k piny, a cikɛ cua bo̱o̱r kɛ karkiɛn kɛɛl.

⁸ Rötdɛ, yɛn naath ce̱tkɛ nyam mi paar lia̱a̱ wutdä mi dee jɛ wä kuɛn.

⁹ Ca muc bɛɛl kɛnɛ kɔaŋ ŋok rɛy luaak Kuɔth Nhial. Kɛ kui̱c ɛmɔ, ci bööth palä tin la ji̱ la̱t Kuɔth Nhial lo̱ckiɛn jiath.

¹⁰ Ci ka̱a̱k diaal guaw, kä pär mun, kɛ ɣöö ci bɛl rɔɔl, kä ci kɔaŋ cu thil amäni liɛth bä.

¹¹ Yɛn puɔ̱ɔ̱r ka̱a̱kni kɛ yɛn pi̱eth a lo̱ckun jiɛth. Wiee ɛ kä parɛ bɛlkun kɛnɛ bua̱ckun, kɛ ɣöö thilɛ ti ba ŋɛr.

¹² Rɔɔl bɛl kɛnɛ jiɛn diaal tin tekɛ dɛy, a thilɛ mi kuiir kɛnɛ ci kɛ li̱w. Kä thilɛ tɛ̈th lɔaac kä naath bä.

Ciööl nath palä Kuɔth

¹³ Yɛn bööth palä tin lät wi̱i̱ yi̱kä, bia la̱thɛ bieyni jiɛthä lɔaac kä rötdɛ, kä thuɔ̱kɛ wäär kɛ bieyni jiɛthä lɔaac. Yɛn nɛy tin la la̱a̱t Kuɔthdä. Kɛ ɣöö /ca muc bɛɛl kɛnɛ kɔaŋ ŋok, rɛy luaak Kuɔthdun.

¹⁴ La̱tdɛ thëk mi thuɔ̱k, kä cɔalɛ duɔl matdä nath mi rɛl rɔ. A di̱t kɛnɛ ji̱ wec diaal matkɛ rɔ̱ luaak Kuɔth Nhial Kuothdun, kä la̱ŋɛ jɛ.

¹⁵ Ɛn cäŋ ɛmɔ! Bi bɛ̈cdɛ ku lɛ ce̱tkɛ ŋu, kɛ ɣöö cɛ thia̱k ɛn cäŋ Kuɔth Nhial ɛmɔ, kä bɛ ben ce̱tnikɛ cäŋ däkä Kuɔth in leny buɔ̱mdɛ ti diaal.

¹⁶ /Ciɛ mi̱th ɛn nëë thuk ni nhiamdan? Kä /ciɛ tɛ̈th lɔaac ɛn nëë thuk rɛy luaak Kuɔthdan?

¹⁷ Ci bɛl köt piny, thilɛ bɛl ti ba tɔ̱w, tëth tɔ̱wni bɛɛl kɛ ɣöö tekɛ baaŋ.

¹⁸ Kä ley ku muaarikɛn! Bun ɣɔ̱ɔ̱k kɛnɛ det ku cuc ni kɛn. Kɛ ɣöö thilɛ wal ti laak kɛn kɛ.

¹⁹ Ɣän la̱ŋä ni ji̱, lö Kuoth Nhial. Kɛ pɛ̈t mi ci pɛ̈t kɛ wal dɔaar, kɛ bo̱l maac mi ci jiɛn diaal waŋ.

²⁰ Amäni ley dɔaar guɛckɛ ni ji̱ bä. Kɛ ɣöö ci liɛl pi̱i̱ni kööt kä ci mac wal dɔaar waŋ.