Yɛdh 4 - RUAC KUƆTH IN RƐL RƆ

Nyuɔ̱th Yɛdh-ki-el kɛ duɔ̱ɔ̱p in ba makni Jɛ-ru-tha-lɛm

¹ Kä cu Kuoth wee i̱, “Täämɛ lö gat ran käni thop kä läthni jɛ nhiamdu. Kä thuri wec Jɛ-ru-tha-lɛm thi̱n.

² Kä ku jɛ go̱l kɛ kɔ̱a̱k, kä täth päny mi go̱l jɛ, kä lätni ko̱o̱tni ti ba mak ni jɛ. Kä wilɛ kɛ wi̱i̱. Kä bi jɛ lätkä kɛmɛni, ti bi go̱o̱l ni jɛ kɛɛliw.

³ Kä moc rɔ tha̱a̱ŋ yieethä ala kal yieethä, kä läthni jɛ kamädun yɛnɛ wec. Kä ri̱t ni nhiamdu thi̱n, kä a jɛ gölkɛ, kä go̱l ɛ. Kä mɛmɛ bɛ la nyuuth kä ji̱ thuɔk duëël I-thɛ-rɛl.

⁴ “Kä tɔ̱ɔ̱cni kɛ pek caamdu, kä läthni duer ji̱ thuɔk duëël I-thɛ-rɛl puɔ̱ɔ̱nydu. Kä bi dueerkiɛn rut kɛ pek ni̱ni tin bi tɔ̱ɔ̱c kɛ ji̱ ɛn wi̱ni.

⁵ Kɛ ɣöö, bä ji̱ ka̱m ni̱n dueerikiɛn ala run, ɣän cä ji̱ moc ni̱n ti kur diɔ̱k wi̱cdɛ jiɛn bäŋuan (390) ti päär kɛ run duäcädiɛn ti bi ruut ni dueer ji̱ I-thɛ-rɛl.

⁶ Kä mi wi̱i̱ ti̱ti̱ wä thuk, bi rɔɔdu nyɔk kɛ tɔ̱ɔ̱c in rɛwdɛ, duundɛ ɣöö, bi tɔ̱ɔ̱c kɛ pek cuëëcdu. Bi duäc ji̱ Juda rut kɛ ni̱n ti jiɛn da̱ŋ ŋuaan. Kä päär ni̱en kɛl kɛ ruɔ̱n kɛl.

⁷ Kä bi guic ni go̱l Jɛ-ru-tha-lɛm kä tɛl yiatdu min latdi ruaacni go̱o̱kä kɛ kui̱ Jɛ-ru-tha-lɛm.

⁸ Kä nɛnɛ, ɣän bä ji̱ yian kɛ röök, kɛ ɣöö /ci rɔ bi ri̱et peek caam, kä /ci rɔ bi ri̱et peek cuëëc, amäni mi ci ni̱n tin ca go̱lni ji̱ thuk kɛn diaal.

⁹ “Täämɛ moc rɔ kɛ kuay bɛɛl da̱ŋ diɔ̱k, nuär, kɛ tɔ̱c kɛ dɛ̈ɛ̈r kɛnɛ ŋɔa̱a̱r tin di̱t amäni tin tɔatni, kä läthnikɛ kä duɔ̱ɔ̱r liɔmkɛ kɛɛl kɛn diaal kä lätni rɔɔdu kä jurayni kɛ kɛ. Kä bi jɛ cam kɛ pek ni̱ni ti (390) kur diɔ̱k wi̱cdɛ jiɛn da̱ŋ bäŋuan tin tekɛ ji̱ tɔ̱ɔ̱cä.

¹⁰ Kä bi la cami ni theemni jurayä mi (230) kur da̱ŋ rɛw wi̱cdɛ jiɛn da̱ŋ diɔ̱k kä gi̱ram, kɛ cäŋ kɛl kɛ gua̱a̱th in ca lar.

¹¹ Kä bi la maathi ni pi̱ ti ca thɛm, kä bikɛ la liir pi̱i̱ni da̱ŋ rɛw kɛ gua̱a̱th in ca lar.

¹² Kä bi mi̱ethdu cam ala pam pam bɛɛl gɛmɛkä, mi bi bul nhiam nath kɛ wär nath.”

¹³ Kä cu Kuoth Nhial wee i̱, “Ce̱tnikɛ ɛn ɛ bi ji̱ I-thɛ-rɛl juraynikiɛn cam ala ti jiäk rɛy dööri tin bäkɛ riaw thi̱n.”

¹⁴ Kä cua̱ wee i̱, “Kuäär ni Kuoth Nhial! Ɣän ni ŋuɛɛtädä amäni täämɛ /ka̱n rɔ met ya̱r kɛ mi̱eth kä mi ci li̱w kärɔa, kiɛ mi ca cam ɛ ley kä thil ri̱ŋ kä mi ci li̱w kärɔa mi ci thokdä met cop.”

¹⁵ Kä cuɛ ɣä jiök i̱, “Nɛnɛ ɣän bä ji̱ ka̱m wär ɣɔ̱ɔ̱k kɛ gua̱a̱th wäär nath, kɛ ɣöö bi mi̱ethdu rialikä kɛ jɛ.”

¹⁶ Kä cuɛ ɣä jiök i̱, “Gat ran ɣän bä mi̱eth ŋok kä Jɛ-ru-tha-lɛm. Kä bikɛ cam ni mi̱eth mi ca thɛm, kä bikɛ jɛ cam kɛ diɛɛr. Kä bikɛ math ni pi̱ ti ca thɛm, kä bikɛ kɛ math kä dualkɛ.

¹⁷ Kä bi mi̱eth kɛnɛ pi̱ dak, kä bikɛ pöc kɛ guecdiɛn kɛ rɔ̱, kä bikɛ thuɔ̱k kɛ kui̱ dueerikiɛn.”