Yɛdh 2 - RUAC KUƆTH IN RƐL RƆ

Ciöt Kuɔth kɛ Yɛdh-ki-el ala gök

¹ Kä cu jɔw ruac kɛ ɣä wëë i̱, “Gat ran, jiecni rɔ cuɔ̱ŋ, ɣän bä ruac kɛ ji̱.”

² Kä min cɛ ruac kɛ ɣä, cu Yiëë Kuɔth ben rɛydä kä cuɛ ɣä jakä cuŋ kɛ ciökä, kä cua̱ jɛ liŋ ruacɛ kɛ ɣä.

³ Kä cuɛ ruac kɛ ɣä wëë i̱, “Gat ran, ɣän ja̱kä ji̱ kä ji̱ I-thɛ-rɛl, ja̱kä ji̱ kä do̱r mi ci kac raar, mi ci ɣä lo̱k. Kɛn kɛ gua̱nikiɛn cikɛ ɣä duer duer mëëdan amäni walɛ.

⁴ Kɛn nɛy tin ja̱kä ji̱ kä kɛ kɛ nɛy ti jiäk ti bum wuɔ̱thkiɛn. Ɣän ja̱kä ji̱ kä kɛ, kɛ ɣöö bikɛ jiök i̱, ‘Mɛmɛ ɛ min ci Kuäär ni Kuoth Nhial ɛ lar.’

⁵ A cäŋ liŋ kɛn ɛ kiɛ /cikɛn ɛ liŋ, (kɛ ɣöö kɛ ji̱ thuɔk duëël mi ci kac raar), bikɛ jɛ ŋa̱c ɛn ɣöö ci gök kɔŋ te rɛydiɛn.

⁶ Kä ji̱n lö raan /cu dual kɛ kɛ, kä /cu dual kɛ rieetkiɛn. A cäŋ ca ji̱ go̱l ɛ thil lual kɛnɛ kuiy kä cieŋi rɛy jiɛthni, /cu dual kɛ rieetkiɛn. Kä /cu dual kɛ guecdiɛn, kɛ ɣöö kɛ ji̱ thuɔk duëël mi ci kac raar.

⁷ Ji̱n bi rieetkä la̱t kɛ, a cäŋ liŋ kɛn ɛ kiɛ /cikɛn ɛ liŋ, kɛ ɣöö kɛ ji̱ thuɔk duëël mi ci kac raar.

⁸ “Duundɛ ɣöö, ji̱n gat ran liŋ min la̱rä ji̱. /Cu bi lɛ kac raar ce̱tkɛ jɛn thok duëël ɛ ci kac raar ɛ. Lɛp thokdu kä cam min ka̱mä ji̱.”

⁹ Kä min cä guic cua̱ tet nɛn lotdɛ ni ɣä, kä te warɛgak mi ca gɔ̱r thi̱n rɛydɛ.

¹⁰ Kä cuɛ jɛ ɣär nhiamdä, ca jɛ gɔ̱r nhiamdɛ kɛnɛ jɔkdɛ. Kä tin ca gɔ̱r rɛydɛ kɛ rieet jiɛthä lɔaac kɛnɛ wiee kɛ pa̱r.