Yɛdh 18 - RUAC KUƆTH IN RƐL RƆ

Bi ram ɔ dueerkɛ pɛn ni wi̱i̱dɛ

¹ Kä cu ruac Kuɔth Nhial ben kä ɣä ɛn ɣöö,

² ɛŋu lotdi mɔ kɛ cäät ɛmɛ kɛ kui̱ muɔ̱ɔ̱n I-thɛ-rɛl mɔ nyio̱o̱ki jɛ mɔ, mɔ ruac i̱ mɔ, “Ci diëëth dɛy naywali ti /ken buɔɔr cam, kä cɛ lɛc gan där kɛ wacdiɛn?”

³ Ce̱tnikɛ min tëkä, ɣän Kuäär ni Kuoth Nhial, ɛn cäät ɛmɛ /cia jɛ bi nyɔk kɛ la̱t kä I-thɛ-rɛl.

⁴ Bi yɛn ɛ dhil ŋa̱c ɛn ɣöö yiey diaal kɛ nyinkä, tëk diëëthni kɛnɛ tëk gan kɛ nyinkä. Jɛn ram ɔ bi duer la̱t ɔ bi li̱w ni jɛn.

⁵ Mi te raan kɛ cuŋ kä lätdɛ ni ŋut kɛnɛ thuɔ̱k,

⁶ mi /ci ram ɛmɔ bi mi̱th gua̱thni tin thöpkɛ muc kuthni baaŋ thi̱n, kä /cɛ kuth baaŋ thuɔk duëël ji̱ I-thɛ-rɛl bi guic, kä /cɛ ciek raam mi thieekɛ jɛ bi ka̱n, kä /cɛ bi tɔ̱ɔ̱c kɛ ciek kɛ gua̱a̱th tëë in kɛ buɔth.

⁷ Kä thilɛ ram mi bɛ yak, kä bɛ ram min tekɛ ŋua̱l kɛ jɛ luɔ̱c duŋdɛ, kä thilɛ ram mi bɛ mac, a bɛ moc ni ram mi näk buɔthɛ kɛ mieth, kä bɛ ram mi jäl juutdä moc kɛ bi̱i̱.

⁸ Kä /cɛ ŋua̱l tho̱p kɛ ɣöö bɛ duɔ̱ɔ̱r jek thi̱n, kä bɛ lätni kä mi jiääk lo̱k, kä latdɛ luk kam nɛɛni tin go̱o̱ny kɛ thuɔ̱k,

⁹ kä guurɛ ni ŋuɔ̱tkä, kä kääpɛ luëëkä agɔaa, kä lätdɛ kɛ ŋa̱th mi thuɔ̱k, jɛn ram ɛmɔ ɛ gua̱n cuŋni. Ɛ puc, jɛn ram ɛmɔ bɛ tëk, ruac ni ɣän Kuäär ni Kuoth Nhial.

¹⁰ “Kä mi tëë kɛ gat mi gua̱n köör, kä ɛ nääk nath,

¹¹ mi bɛ ŋɔak ti̱ti̱ la̱t (a cäŋɛ ni mëë /ken gua̱n duɔ̱ɔ̱r kɛl la̱t thi̱n) mi wëë mi̱th kä ri̱ŋ tin thöpkɛ kuth guääyni, kä bɛ tɔ̱ɔ̱c kɛ ciek raam mi thieek kɛ jɛ,

¹² kä bɛ ga̱y kɛnɛ can yɔŋ, kä macɛ naath, kä /cɛ ŋua̱l luc gua̱ndɛ, kä palɛ kuth guäyni a lätdɛ nyuɔɔn ti jiäk,

¹³ kä tho̱pɛ ŋua̱l kɛ ɣöö bɛ rëëp jek thi̱n. Jɛn ram ɔ bɛ tëk? Jɛn /cɛ bi tëk. Cɛ kɛn nyuɔɔn ti̱ti̱ diaal dhil kɛ lätni, kɛ thuɔ̱k bɛ dhil li̱w, bi riɛmdɛ pɛn ni wi̱i̱dɛ.

¹⁴ “Duundɛ ɣöö mi te raan kɛ gat, mi nɛɛn dueer diaal tin ci gua̱n kɛ la̱t, kä /kenɛ guɔ̱ɔ̱r ni duɔ̱ɔ̱p gua̱n,

¹⁵ kä jɛn /kenɛ mi̱th kɛ ri̱ŋ tin ca thöp kuth guäyni, kä /ken ɛ kuth guäyni ji̱ I-thɛ-rɛl pal, kä /ken tɔ̱ɔ̱c kɛ ciek raam mi thieek kɛ jɛ,

¹⁶ kä thilɛ ram mi cɛ duer duer, kä lucɛ ŋua̱l gua̱ndɛ, kä /cɛ naath mac, ɛ tho̱pɛ mi̱eth nɛy tin näk buɔthkɛ, kä mocɛ nɛy tin te juutdä kɛ bi̱i̱,

¹⁷ kä lo̱kɛ la̱t kä mi jiääk, kä /cɛ rëëp jek kä ŋua̱l in cɛ thöp, kä kääpɛ ŋuɔ̱tkä kä tiitdɛ luëëkä, jɛn ram ɛmɛ ɔ /cɛ bi li̱w kɛ dueer gua̱n, ɛ puc jɛn bɛ tëk.

¹⁸ Kɛ ɣöö ci gua̱n ti jiäk la̱t, kä cɛ dämani mac, kä cɛ ŋɔak ti jia̱k jia̱a̱k la̱t rɛy nɛɛnikɛ, bɛ li̱w kɛ kui̱ dueerikɛ.

¹⁹ “Kä ŋotdɛ thiec yɛn i̱, ‘Ɛŋu /ci gat dee li̱w ɔ kɛ kui̱ dueeri gua̱n?’ Kä jɛn gat mi cɛ la̱t ni ŋuɔ̱t kɛnɛ thuɔ̱k, kä cɛ luëëkä, diaal tit agɔaa, jɛn bɛ dhil tëk.

²⁰ Kä bi ram in ci dueer la̱t li̱w. Kä /ci gat bi cuuc kɛ kui̱ dueeri diëëthnikɛ, kä /ci diëëth bi cuuc kɛ kui̱ dueeri gankiɛn. Kä bi cuŋ raam mi lät cuŋ a ni nyinkɛ, kä bi dueer raam mi lät dueer a ni nyinkɛ.

²¹ “Duundɛ ɣöö mi ci ji̱ dueeri rɔ̱ ri̱t kä dueerkiɛn diaal tëë ci kɛn kɛ la̱t, kä bikɛ ŋuɔ̱tkä diaal luɔ̱th, ɛ bikɛ la̱t ni min la ŋut kɛnɛ cuɔ̱ɔ̱ŋ, ɛ puc /cikɛ bi li̱w, bikɛ tëk.

²² Thilɛ duer kɛl kä dueer tëë cikɛn kɛ la̱t mi ba nyɔk kɛ ti̱em kɛ kui̱diɛn. Kɛ kui̱ cuŋni tin ci kɛn kɛ la̱t, bikɛ tëk.

²³ Ɛ dëë lɔcdä ku gɔaa kɛ lia̱a̱ ji̱ dueeri ɛ /cä dëë ku go̱r ni ɣöö bikɛ rɔ̱ ri̱t kä dupkiɛn tin jiäk kɛ ɣöö bikɛ tëk? Ruac ni ɣän Kuäär ni Kuoth Nhial.

²⁴ Kiɛ mi ci nɛy tin la̱tkɛ cuŋ rɔ̱ ri̱t lätni cuŋnikiɛn, ɛ la̱tkɛ ni dueer kɛnɛ jiäk tin la̱tkɛ ɛ ji̱ nyuɔɔni, kɛn dëë kɛ tëk? Thil ɛ la̱t cuŋä kɛl kä lät cuŋnikiɛn mi ba lɛ tim. Kɛ kui̱ thil ŋäthä mi lätdɛ ni jiäk kɛnɛ dueer tin cikɛn kɛ la̱t, bikɛ li̱w.

²⁵ “Kä ŋotdɛ ruac yɛn i̱, ‘Min lät Kuäär ni Kuoth ɛ /ciɛ cuɔ̱ɔ̱ŋ.’ Liɛŋɛ jɛ lö thok duëël I-thɛ-rɛl. /Cikɛ lätkun kɛn tin /ci tɔ̱ a thuɔ̱ɔ̱k tɔ̱?

²⁶ Mi ci ji̱ cuŋni rɔ̱ ri̱t lätni cuŋnikiɛn, ɛ cikɛ la̱t ni dueer, kɛn bikɛ li̱w, kɛ kɛn dueer bakɛ näk tɔ̱.

²⁷ Kɛ rɛwdɛ, mi ci ji̱ dueeri rɔ̱ ri̱t kä lät dueerikiɛn, a wäkɛ la̱t ni ŋuɔ̱t kɛnɛ thuɔ̱ɔ̱k nhiamdä, bikɛ tëkdiɛn kän.

²⁸ Kɛ kui̱ kä ɣöö ci kɛn thuɔ̱k ŋa̱c, kä cikɛ rɔ̱ ri̱t duɔ̱pnikiɛn kɛnɛ päliɛn kɛ dueer diaal tëë cikɛn kɛ la̱t, ɛ puc bikɛ tëk, /cikɛ bi li̱w.

²⁹ Kä ŋotdɛ ruac thok duëël I-thɛ-rɛl i̱, ‘Min lät Kuäär ni Kuothɛ /ciɛ cuɔ̱ɔ̱ŋ.’ Kɛn lätkä /cikɛ cuŋ lö thok duëël I-thɛ-rɛl? /Cikɛ lätkun kɛn tin /ci tɔ̱ a thuɔ̱ɔ̱k tɔ̱?

³⁰ “Kɛ kui̱ ɛmɔ ɣän bä ji̱ luk lö thok duëël I-thɛ-rɛl, yɛn diaal bä yɛ luk ce̱tnikɛ duɔ̱pkun, ruac ni ɣän Kuäär ni Kuoth Nhial. Rietdɛ rɔ̱ kä dueerkun diaal, kiɛ bi dueerkun yɛ däk.

³¹ Kä wuɔcɛ dueer tin ci yɛn kɛ lät kä ɣä, Kä gɛ̈rɛ cärkun kɛnɛ lo̱ckun akɛ puɔth! Ɛŋu bia li̱w ɔ lö thok duëël I-thɛ-rɛl?

³² Kɛ ɣöö ci lɔcdä dëë tɛɛth kɛ lia̱a̱ ran, rietdɛ rɔ̱ bia cu tëk, ruac ni ɣän Kuäär ni Kuoth Nhial.”