Tay-täth 2 - RUAC KUƆTH IN RƐL RƆ

Ŋuɔ̱t mi gɔaa

¹ Kä kɛ kui̱du, ŋi̱i̱cni min ro̱ŋ kɛ luɔt ŋi̱i̱cä ruaacni Kuɔth ti cuŋ.

² Com wutni tin di̱t kɛ ɣöö bikɛ a nɛy ti pua̱tkɛ lo̱ckiɛn, ti luɔtkɛ ni jɛ, kä ŋa̱ckɛ ŋɔak, ti gɔw rɛy ŋäthä, rɛy nho̱kä, kɛnɛ rɛy dhi̱i̱lä.

³ Lätni jɛ män tin di̱t bä, kɛ ɣöö bikɛ cieŋ kɛ luth Kuɔth, /cikɛ bi a ji̱ luɔm kiɛ nhöök kɔaaŋni, kä bikɛ ŋi̱eec ni mi gɔaa,

⁴ kɛ ɣöö deekɛ män tin tɔatni bum kɛ ɣöö bikɛ cɔwkiɛn kɛnɛ gaatkiɛn nhɔk,

⁵ kɛ ɣöö bikɛ ŋɔak ŋa̱c, kä bikɛ a wiɛc wiɛɛc, kä bikɛ a la̱a̱t ciëëŋni ti gɔw, kä gɔw lo̱ckiɛn, kä liɛŋkɛ ruac cɔɔnikiɛn, kɛ ɣöö /ca ruac Kuɔth dee dhɔt.

⁶ Ce̱tkɛ ɛnɔ bä com ŋuɛ̈tni wutni kɛ ɣöö bikɛ rɔ̱ yien.

⁷ Nyoth rɔ rɛy ŋɔaani diaal ala nyuuth lätni ti gɔw, kä rɛy ŋi̱i̱cädu nyothɛ ɛ thuɔ̱k kä lotdi ni jɛ.

⁸ Lat ni ruac mi thuɔ̱k mi /ca dee cäkikä, kä bi nɛy tin lökɛ ji̱ pöc, kɛ ɣöö bɛ thil mi jiääk mi dee kɛn ɛ lar kɛ kui̱dan.

⁹ Lätni jɛ kuaany ɛn ɣöö bikɛ rɔ̱ ka̱m kua̱rkiɛn liŋ, kä bikɛ lo̱ckiɛn jakä tɛth rɛy ŋɔaani diaal. Akɛ /ci ŋaknɔm ŋak kɛ kɛ,

¹⁰ kä akɛ /ci kuel. Akɛ nyuɔthkɛ ni ciaŋ mi dëë ŋäthkɛ mi gɔaa, kɛ ɣöö rɛy ŋɔaani diaal tin la̱tkɛ bikɛ ŋi̱i̱c Kuɔth in la Käändan jakä mi gɔaa.

¹¹ Kɛ ɣöö ci puɔ̱th Kuɔth jɔɔc no̱ŋ ka̱n nɛy diaal.

¹² Jɛn puɔ̱th nyuuthɛ kɔn kɛ ɣöö banɛ tin /ci a nyin Kuɔth kɛnɛ di̱t lɔaac nyini ɣɔaa päl, kä ɛn täämɛ banɛ tëk kɛ tëk mi gɔaa, kɛ ciaaŋ mi cuŋ, mi la ciaŋ Kuɔth rɛy ɣɔaa ɛmɛ.

¹³ Min liɛpnɛ puɔ̱th kɛnɛ ŋa̱th, min la jɔac buɔyä Kuɔth in la Käändan in di̱i̱t kɛnɛ Yecu Kritho.

¹⁴ Jɛn cɛ rɔɔdɛ thöp kɛ kui̱dan, kɛ ɣöö bɛ kɔn luɛl kä jiäk diaal, kä bɛ kɔn jakä wiɛc wiɛɛc ti la nɛɛkɛ, ti di̱t lo̱ckiɛn kɛ lätni kä ti gɔw.

¹⁵ Lat ŋɔaani ti̱ti̱. Kä comkɛ kä luekɛ kɛ buɔ̱m kɛɛliw. A thil ram mi cany ji̱.