Ruëëc 14 - RUAC KUƆTH IN RƐL RƆ

Cim-con kɛnɛ ciek Tim-naa

¹ Ɛ jɛn cu Cim-con wä kä Tim-naa kä cuɛ nya Pi-li-thɛt nɛn ɛn wi̱ni.

² Cuɛ ben kä cuɛ ben la̱r gua̱n kɛnɛ man i̱, “Ɣän cä nya Pi-li-thɛt kɛl nɛn kä Tim-naa. Kuënɛ jɛ ɣä ɛn täämɛ ala ciek.”

³ Kä cu gua̱n kɛnɛ man ɛ jiök i̱, “Ɛn duɔ̱ɔ̱r /cɛ cu thil mi dee a ciek kä nyi̱er maarädu, kiɛ rɛy nɛɛni kɔn, ɛ ni, bi wä go̱o̱r ni ciek rɛy ji̱ Pi-li-thɛt ti /ka̱n cuɛl?” Duundɛ ɣöö cu Cim-con gua̱n jiök i̱, “Kueni jɛ ɣä. Kɛ ɣöö bɛ lɔcdä jak kä tɛth agɔaa.”

⁴ Kui̱c gua̱n ɛ kɛnɛ man ɛn ɣöö bëë kä Kuoth Nhial ɛn ruac ɛmɔ. Kɛ ɣöö go̱o̱rɛ ni duɔ̱ɔ̱p kɛ kui̱ ji̱ Pi-li-thɛt. Kɛ ɣöö ɛn guäth ɛ mɔ ji̱ Pi-li-thɛt ruackɛ ji̱ I-thɛ-rɛl.

⁵ Ɛ jɛn cu Cim-con wä kä Tim-naa kɛnɛ gua̱n kɛ man, cuɛ ben rɛy ka̱a̱kni wal kɛ kui̱ kɔaŋ kä Tim-naa. Kä nɛnɛ, cu ruath luɔny ŋɛ̈ɛ̈ny kɛ jɛ.

⁶ Kä cu buɔ̱m yieekä Kuɔth Nhial ben kä jɛ, kä cuɛ lony rɛt kɛ tetkɛ ce̱tkɛ min la wut mi bum bum dɔdɛ̈ɛ̈l a rɛɛt. Kä thilɛ mi te tetädɛ. Cuɛ biɛt /kenɛ jɛ la̱r gua̱n kiɛ man ɛn min cɛ la̱t.

⁷ Cuɛ wä ruac kɛnɛ ciekdɛ, kä cuɛ lɔc Cim-con jak kä tɛth.

⁸ Kɛ kɔr kä mi tɔt mëë cɛ rɔ rit wee jɛ kuɛn. Cuɛ wä gekä, wëë cɔ̱w luɔny ëë dan gui̱l, kä cuɛ tuaar jek cɛ lät cɔ̱ɔ̱ni luɔny.

⁹ Kä cuɛ jɛ wa̱a̱t raar kɛ tetdɛ, kä cuɛ mi̱th ce̱tkɛ min go̱o̱rɛ. Kä cuɛ ben kä gua̱n kɛnɛ man, kä cuɛ kɛ moc kɛ tha̱a̱ŋdɛ, kä cukɛ jɛ cam. Kä /kenɛ jɛ la̱r kɛ i̱ no̱o̱ŋɛ jɛ rɛy cɔ̱ɔ̱ni luɔny.

¹⁰ Kä cu gua̱n wä, wee ciek gui̱l, kä cu Cim-con mi̱eth la̱t ɛn wi̱ni ce̱tkɛ min la ŋuɛ̈tni ja lät kuën.

¹¹ Kä mëë ci naath ɛ nɛn, cua wutni ti jiɛn diɔ̱k nööŋ ti bi ben te kɛɛl kɛ jɛ.

¹² Kä cu Cim-con kɛ jiök i̱, “A yɛ muɔcä kɛ mi bia mar. Mi wä yɛn ɛ wä mar. Kɛ ni̱n mi̱eth da̱ŋ bärɔw ti̱ti̱, ɣän bä yɛ moc kɛ luɔ̱ɔ̱t ti jiɛn diɔ̱k, kɛ thuruaali ti jiɛn diɔ̱k.

¹³ Kä mi wä yɛn tey a /cia bi mar, bia ɣä moc luɔ̱ɔ̱t ti jiɛn diɔ̱k, kɛ thuruaali ti jiɛn diɔ̱k.” Kä cukɛ jɛ jiök i̱, “Lar ma̱r ma̱ru, kɛ ɣöö ba̱kɔ jɛ liŋ.”

¹⁴ Kä cuɛ kɛ jiök i̱, “Kä mi cam naath cu mi̱eth ben thi̱n. Kä mi bum bum cu mi lim lim ben thi̱n.” Kä kɛ ni̱n diɔ̱k /ken kɛn ma̱r ma̱r luäŋ kɛ lär.

¹⁵ Kɛ ŋuaan ni̱ni cukɛ ciek Cim-con jiök i̱, “Pɛli cɔwdu kɛ ɣöö bɛ nɛy la̱r luɔt ma̱r ma̱ri, kiɛ ba̱kɔ ji̱ waŋ yɛnɛ ji̱ dhɔaarun. Ɛ ku yɛn nɛy cɔal ɛn wa̱nɛ kɛ ɣöö bia kɔ ben mac?”

¹⁶ Kä cu ciek Cim-con ben wiee nhiam cɔadɛ, wee i̱, “Ji̱n /ci nhɔk ni ɣä, lo̱ki ni ɣä. Curi ji̱ wecda moc kɛ ma̱r ma̱r, kä /keni ɣä la̱r luɔtdɛ.” Kä cuɛ jɛ loc i̱, “Nɛnɛ, ɣän /ka̱nɛ la̱r gua̱a̱r kiɛ maar, dëë ben la̱r ni jɛ ji̱?”

¹⁷ Cuɛ ben wiee nhiam cɔadɛ kɛ bärɔw ni̱ni min thuk kɛ mi̱eth kuën. Kɛ jɛn bärɔw ni̱ni cuɛ la̱r jɛ, kɛ ɣöö cɛ jɛ läŋ ɛlɔ̱ŋ. Kä cuɛ wä la̱t ji̱ wecdiɛn.

¹⁸ Kä cu ji̱ wec ɛ ben la̱t Cim-con kɛ bärɔw ni̱ni a /ken cäŋ ni kony i̱, “Ɛŋu mi lim ɛlɔ̱ŋ kä tuaar? Kä ɛŋu mi bum ɛlɔ̱ŋ kä lony?” Kä cu Cim-con kɛ jiök i̱, “Duŋ /ken yɛn ŋar kɛ ciekdä /ci yɛn luɔt ma̱r ma̱rädä dëë ŋa̱c.”

¹⁹ Kä cu buɔ̱m yieekä Kuɔth Nhial ben kä jɛ, kä cuɛ wä kä Ac-kɛ-lon cuɛ wutni ti jiɛn diɔ̱k wä näk wi̱c, kä cuɛ kuakiɛn ka̱n kä cuɛ luɔ̱ɔ̱t kɛnɛ thuruaali ben ka̱m nɛy tin ci ma̱r ma̱ri ŋa̱c. Kä cuɛ loc dhɔr gua̱n kɛ gak mi di̱i̱t.

²⁰ Kä cua ciek Cim-con lɔ̱ɔ̱ ka̱m määthdɛ, mi la raandɛ mi gɔaa ala ciek.