Ruac Pɛli 8 - RUAC KUƆTH IN RƐL RƆ

Muc pɛlä

¹ Liɛŋɛ pɛlä cio̱tdɛ, ŋäc ŋɔaani cɛ jɔwdɛ kap nhial.

² Ni wuɔ̱thni päämni gekä duɔ̱p, kä cɛ cuɔ̱ŋ ni duɔ̱pni.

³ Gëëkni thiekni tin wä rɛy wec, cio̱tdɛ kɛ jɔw mi di̱i̱t.

⁴ “Ɣän cɔalä yɛ lö naath, kapä jɔwdä nhial kɛ ji̱ wec muɔ̱ɔ̱n.

⁵ Kä yɛn tin kui̱c ŋu, go̱rɛ pɛl. Kä yɛn dɔa̱a̱r tiɛtdɛ ŋɔak.

⁶ Liɛŋɛ jɛ, kɛ ɣöö ta̱a̱ kɛ ti gɔw ti bä lat. Kä bä lat ni tin la cuŋ.

⁷ Kä bä lat ni thuɔ̱ɔ̱k, kɛ ɣöö lökä ti jiäk.

⁸ Kä rieetkä diaal kɛ cuŋ. Thilɛ mi gɔ̱a̱ŋ rɛydiɛn.

⁹ Cuŋkɛ kä ram min ŋäckɛ, kä kɛ thuɔ̱ɔ̱k kä ram in tekɛ pɛl.

¹⁰ Käni ni laatkä kä ciɛk in bo̱r, kä käni ni pɛlkä kä da̱a̱p.

¹¹ Kɛ ɣöö pɛl gɔaa ni jɛn kä pääm tin di̱t kökdiɛn, kä tin diaal tin deri go̱r thilɛ mi dëë pa̱a̱r kɛ jɛ.

¹² Ɣän pɛl, ciëŋä kɛɛl kɛ tiit, kä ɣän nyuɔɔthä ŋäc ŋɔaani.

¹³ Kä ɣöö bi Kuoth Nhial luɔ̱th, lotdɛ ni ɣöö bi jiäk lo̱k. Ɣän lökä liak kɛnɛ kac kɛ duɔ̱ɔ̱p mi jiääk kɛ ruac däkä.

¹⁴ Luk mi gɔaa kɛnɛ luek kɛ nyinkä. Ɣän ta̱a̱ kɛ tiit lɔaac kɛnɛ buɔ̱m.

¹⁵ Ruec kua̱r kɛ ɣä, kä lat ruëëc thuɔ̱k kɛ ɣä.

¹⁶ Kä ruec bööth kɛ ɣä, kä ruac nɛy tin ŋa̱ckɛ ŋɔak wi̱c muɔ̱ɔ̱n kɛ ɣä.

¹⁷ Kä ɣän nhɔakä nɛy tin nhɔakɛ ɣä, kä nɛy tin görkɛ ɣä la ɣä a jëkɛ.

¹⁸ Kä ria̱ŋ kɛnɛ luth, kɛ lua̱ŋ kɛ gɔy bäkɛ kä ɣä.

¹⁹ Tin thöpä gɔw ni kɛn kä da̱a̱p mi ko̱k ko̱k, kä gɔw ni jɛn kä ciɛk in bo̱r.

²⁰ Ɣän ja̱a̱lä ni duɔ̱ɔ̱p cuŋni kɛnɛ dup thuɔ̱ɔ̱kni.

²¹ Kä ka̱mä nɛy tin nhɔakɛ ɣä ria̱ŋ, kä thiäŋ gua̱th tɔ̱ɔ̱wnikiɛn kɛ ti gɔw.

²² “Kɔŋ Kuoth Nhial cak ni ɣä kɛ nhiam kä lätkɛ diaal, kɔaŋ cak ni ɣä ni wal.

²³ Ni tukä kɔan cak ni ɣä kɛ nhiam, ɛ /ka̱n ɣɔw ni cak.

²⁴ Kɔaŋ dap ni ɣä, kä bäpdiitni, a /kenɛ ni tekɛ löli pi̱i̱ni.

²⁵ Dapkɛ ɣä ɛ /ka̱n pääm ni jak kä te wan ɔ.

²⁶ Ɛ /ken Kuoth mun ni cak kɛnɛ piny.

²⁷ Ɣän ta̱a̱ thi̱n mëë cak Kuoth pua̱a̱r, mëë lätdɛ dääk kui̱ bäpdiit.

²⁸ Ɣän ta̱a̱ thi̱n mëë lätdɛ pua̱a̱r nhial, mëë lätdɛ cuŋ bäpdiitni.

²⁹ Mëë lätdɛ pek baar, kɛ ɣöö /ci pi̱w pek in cɛ lar bi bäl. Ɣän ta̱a̱ thi̱n mëë nyothɛ cuŋ muɔ̱ɔ̱n.

³⁰ Ɣän ta̱a̱ gekädɛ ala läätdɛ mi te tiit. La ɣän lɔcdɛ a jak kä tɛth, kä tɛth lɔcdä nhiamdɛ ni ciaŋ,

³¹ tɛth lɔcdä kɛ ɣɔw, kä tɛth lɔcdä kɛ ji̱ wec muɔ̱ɔ̱n.

³² “Kä täämɛ liɛŋɛ ɣä gaatkä. Kɛ ɣöö puɔ̱th akɛ nɛy tin tiɛtkɛ rieetkä.

³³ Pɛlɛ kä liɛŋɛ ruacdä, /cuarɛ jɛ yiäk.

³⁴ Kɛ ɣöö tɛ̈th lɔaac akɛ ram mi liŋ ɣä, kä guic duɔ̱ɔ̱pdä ni ciaŋ, kä li̱pɛ thok dhɔaarä.

³⁵ Kɛ ɣöö ram ɔ ci ɣä jek ɔ cɛ tëk jek, kä bɛ tɛ̈th lɔaac jek kä Kuoth Nhial.

³⁶ Kä ram /ken ɣä jek, mocɛ rɔ buɔ̱ɔ̱t. Kɛ ɣöö tin diaal tin lökɛ ɣä nhɔakɛ ni lia̱a̱.”