Ruac Pɛli 4 - RUAC KUƆTH IN RƐL RƆ

Pɛl lenyɛ ti diaal

¹ Gaatkä liɛŋɛ ruac guurun. Tiɛtdɛ kɛ agɔaa kä akɛ wä lɔɔcdun.

² Ɣän cä yɛ ka̱m ŋäc ŋɔaani mi gɔaa, /cuarɛ ŋi̱i̱cdä päl ruëëc.

³ Mëë ɛ ɣän dhɔl dhɔr gua̱a̱r kä ɛ ɣän kärɔa kä maar,

⁴ cuɛ ɣä ŋi̱eec wëë i̱, “Tit rieetkä ti̱ti̱ kɛ lɔcdu, käp kɛn luëëkä ti̱ti̱ bi tëk.

⁵ /Cu kɛ päl ruëëc kä /cu rɔ ri̱t go̱lä, kä ruaacnikä ti̱ti̱. Jek ŋäc ŋɔaani kä jek tiit lɔaac.

⁶ /Cu ŋäc ŋɔaani päl ruëëc, bɛ ji̱ tit. Nhɔkɛ bɛ ji̱ gaŋ.

⁷ Ŋäc ŋɔaani lenyɛ ti diaal, kɛ kui̱c ɛmɔ jek ŋäc ŋɔaani, kä tɔ̱ diaal tɔ̱ bi jek tɔ̱, jek tiit lɔaac.

⁸ Luthni jɛ, bɛ ji̱ kap nhial, bɛ ji̱ moc luth mi wi̱i̱ jɛ wä ka̱n.

⁹ Ba ŋäc puthä mi gɔaa wi̱i̱du, bɛ ji̱ moc kɛ cär ti ŋuan.”

¹⁰ Gatdä liŋ ruacdä kä nhɔk ɛ, dɔ̱ŋ bi run teekädu ŋuan.

¹¹ Ɣän cä ji̱ ŋi̱eec kɛ duɔ̱ɔ̱p pɛlä. Cä ji̱ nyuɔ̱th duɔ̱ɔ̱p cuŋni.

¹² Mi wi̱i̱ wä ja̱l, thilɛ mi bi ji̱ gaŋ. Kä mi wi̱i̱ wä riŋ, /ci kɔ̱th bi kɔ̱thikä.

¹³ Tit ruac, cu jɛ päl duɔ̱th. Kä gaŋɛ ɛ jɛn la tëkdu mɔ.

¹⁴ /Cu duɔ̱ɔ̱p ji̱ dueeri guur, kä cu duɔ̱ɔ̱p ji̱ jiäkni guur.

¹⁵ /Cu jɛ guur, pälɛ. Ri̱t rɔ thi̱n, wër kɛ duɔ̱ɔ̱p mi dɔ̱ŋ.

¹⁶ Kɛ ɣöö /cikɛ nin ɛ ni mi cikɛ duer la̱t. La jinkɛ amäni mi ca raan moc kɛ riɛk.

¹⁷ Kä la̱t dui̱rä thia̱kɛ kä kɛ ce̱tdɛ kɛ mi̱eth kua̱n kɛnɛ ma̱th kɔŋä.

¹⁸ Kä duɔ̱ɔ̱p ji̱ cuŋni ce̱tdɛ kɛ buay ɣɔaa, min la buɔy amäni cäŋ däär.

¹⁹ Kä duɔ̱ɔ̱p ji̱ dueeri ce̱tdɛ kɛ muth mi col ɛ cuc, kä kui̱c kɛn mɔ kɔ̱th kɛn kɔ̱a̱a̱th ikä kɛ jɛ mɔ.

²⁰ Gatdä tit ruacdä, liŋ ruacdä agɔaa.

²¹ /Cu kɛ jak kä mi bikɛ jiɛɛn waaŋdu, titkɛ rɛy lɔaacdu.

²² Kɛ ɣöö muɔckɛ nɛy tin cakɛ jek tëk, kä moocɛ kɛ pual pua̱a̱ny.

²³ Kä min di̱t ni jɛn tit nikɛ a bum kɛ rɛy lɔaacdu, kɛ ɣöö ɛ pul teekä.

²⁴ Kä /cu ruac däkä lat, ɛ laat jiäkni nɔ̱a̱n kɛ ji̱.

²⁵ Kä guic ni nhiamdu, /cu guäyni guic go̱lä.

²⁶ Kä tit duɔ̱pdu agɔaa kɛ ɣöö bi dupku diaal cu gɔw.

²⁷ Kä /cu rɔ ri̱t cuëëc kiɛ caam. Kä tit rɔ kä jiäk.