Biblia Todo Logo
Bìoball air-loidhne

- Sanasan -

Ruac Pɛli 26 - RUAC KUƆTH IN RƐL RƆ

1 Luth /cɛ rɔ lot kɛ dɔ̱a̱r ce̱tdɛ kɛ nhiaal kɛ mäy.

2 Lam mi thil luɔt /cɛ ji̱ näk, ce̱tdɛ kɛ dit mi wi̱el mi /ken gua̱th nyuurä jek.

3 La dua̱ckɛ jio̱k tuɔ̱ruɔ̱k kɛ waat kɛnɛ muul, kä dua̱ckɛ ram mi dɔ̱a̱r kɛ kɛɛt.

4 /Cu ruac dɔ̱rä loc, ɛ ni mi ɛ ji̱n dɔ̱a̱r ce̱tkɛ jɛ.

5 Loc ruac dɔ̱rä kɛ luɔc dɔ̱ɔ̱rä, bɛ kulɛ ŋa̱c ɛn ɣöö /cɛ pɛl.

6 Kä ram mi jäk ruac kɛ dɔ̱a̱r, ce̱tdɛ kɛ ram mi ci cio̱o̱kdɛ ŋok kä go̱o̱rɛ ko̱r.

7 Ruac pɛlä kä dɔ̱a̱r, ce̱tdɛ kɛ cio̱o̱k raam mi juɔ̱c.

8 Ram mi käm dɔ̱a̱r luth, ce̱tdɛ kɛ ram mi ci tetdɛ mi bɛc yian ŋuääkdɛ kɛ bi̱i̱.

9 Ruac pɛlä kä ram mi dɔ̱a̱r, ce̱tdɛ kɛ kuɔɔk tetdä raam mi yɔ̱ŋ kɔŋä.

10 Ram mi läät ram mi jäl kɛ duɔ̱ɔ̱p kiɛ dɔ̱a̱r, ce̱tdɛ nikɛ ram mi bär naath kɛ bäär.

11 Dɔ̱a̱r mi loc kä dɔ̱ɔ̱rɛ ce̱tdɛ kɛ jio̱k mi loc kä ŋökdɛ.

12 Ŋua̱n ni ram mi dɔ̱a̱r, kä ram mi ŋäc pɛlɛ kä rɔa.

13 Kä la ram mi duaal a wee i̱, “Lony a dup!”

14 Ce̱tkɛ min la thi̱i̱k rɔ a riy kui̱ kɛl, ɛ jɛn ta̱a̱ raam in duaal rɛy kölikɛ.

15 La duaal tetdɛ a la̱th rɛy tokä, kä bɛ jɛ dhal kɛ naŋdɛ thokdɛ.

16 La duaal a cär i̱ pɛl ni jɛn, kä nɛy da̱ŋ bärɔw ti cär agɔaa.

17 Kä ram cot rɔ rɛy gaak mi /cɛ tukdɛ ŋäc, ce̱tdɛ kɛ ram buɔth jio̱k mi jääl kɛ ji̱thdɛ.

18 Ram ŋar kɛ mac mi dëë jɛ näk,

19 ce̱tdɛ kɛ ram mi kaaŋ gua̱n thieekädɛ kä bɛ wee i̱, “Duŋdä muɔŋ!”

20 La li̱w mac mi thilɛ jɛ jiɛn, inɔ bä la gak a thil mi thilɛ lom.

21 Ce̱tkɛ min la mac jiɛn a dɔp kä rɔm mim mac, inɔ bä gua̱n gaak la rɔmɛ gak.

22 Kä ruac gua̱n luɔm comɛ ce̱tnikɛ kuän, la räthɛ ni jic ran.

23 Ruac mi jiäk kɛnɛ lɔc mi jiääk, ce̱tkɛ kɛ dhaar muɔ̱ɔ̱n mi ca rɔth kɛ ciɛk in bo̱r.

24 Ram mi lo̱k naath la kumɛ lo̱kdɛ, cɛ tɛ̱̈ɛ̱̈ ni mi jiääk lɔɔcdɛ.

25 A cäŋ ruacɛ agɔaa /cu ruacdɛ ŋäth, te rɛydɛ kɛ bärɔw ti jiäk.

26 Bɛ gakdɛ kum kɛ kac, kä ba dueerkɛ lat rɛy nath.

27 Kä ram mi tɛt kɔ̱a̱k bi pɛn ni jɛn thi̱n, kä ram mi lɛɛr päm bɛ loc kä jɛ.

28 Lɛp kacä mocɛ nɛy tin lo̱kɛ kɛ buɔ̱ɔ̱t, kä liak baaŋ no̱o̱ŋɛ da̱k.

Nuer Bible © Bible Society in South Sudan 1998,2012.

Bible Society in South Sudan
Lean sinn:



Sanasan