Ruac Pɛli 13 - RUAC KUƆTH IN RƐL RƆ

¹ Gat mi pɛl tiitdɛ ruac gua̱n, kä gat mi dhɔ̱ŋ dhɔ̱ŋ /cɛ luek a liŋɛ.

² Jek raan mi gɔaa kɛ ruacdɛ mi gɔaa, kä ram mi gua̱n nyuɔɔni jekɛ ni ko̱r.

³ Kä ram mi tiit thokdɛ gaŋɛ tëkdɛ, kä ram mi ruac ɛlɔ̱ŋ la no̱ŋɛ rɔ da̱k.

⁴ Kä ram mi duaal thilɛ mi jekɛ muundɛ, kä mun raam mi läät jekɛ ria̱ŋ thi̱n.

⁵ Kä gua̱n cuŋni lo̱kɛ mi la kac, kä gua̱n nyuɔɔni latdɛ ni nyin po̱cä kɛnɛ kac.

⁶ Kä cuŋ gaŋkɛ ram mi gɔaa, kä dueer bathkɛ ram mi jiääk.

⁷ Kä tëë kɛ ram mi caar rɔ i̱ tëë kɛ, ria̱ŋ kä thilɛ jɛ duɔ̱ɔ̱r, kɛ ram mi caar rɔ i̱ ɛ can kä riäŋɛ.

⁸ Kä ria̱ŋ ran käänɛ tëk ran, kä can /cɛ tëkdɛ gaŋ.

⁹ Kä ram mi gua̱n cuŋni ce̱tdɛ nikɛ mac mi bo̱l, kä ji̱ dueeri ce̱tkɛ kɛ lɛmbär mi ca bi̱i̱dɛ ka̱m raar.

¹⁰ Kä liak no̱o̱ŋɛ ni gak, kä pɛl tëë kɛ ram in nhɔk luek.

¹¹ Mi ci ria̱ŋ jek kɛ pɛ̈th, la riawɛ, kä ram mi took ria̱ŋ a kuiy la reepɛ rɔ.

¹² Mi ci min ŋääthi ɛlɔ̱ŋ dueer, la lɔcdu a jiɛth, kä mi ci min go̱o̱ri jek ɛ tɛ̈th lɔaac.

¹³ Kä ram mi lo̱k ruac no̱ŋɛ ni rɔ riɛk, kä ram mi luth luek ba culikä.

¹⁴ Ŋi̱i̱c raam mi pɛl ɛ cuut teekä, kä käänɛ raan dup li̱eth.

¹⁵ Ram mi tekɛ ca̱r jekɛ gɔɔy, kä ram thil ca̱r riawɛ.

¹⁶ Nɛy diaal tin tekɛ ca̱r lät kɛ pɛlä, kä dɔ̱a̱r lätdɛ ni dɔ̱ɔ̱rɛ.

¹⁷ Kä jääk mi jiääk no̱ŋɛ naath riɛk, kä jääk mi gɔaa luäkɛ naath.

¹⁸ Kä ram /ci luek liŋ tëëkɛ can kɛnɛ pöc, kä ram liŋ luek tëëkɛ luth.

¹⁹ Gɔaa ɣöö ci mi go̱o̱ri jek, kä päl dueeri jiäkɛ kä dɔ̱a̱r.

²⁰ Jek ram mi jäl kɛɛl kɛ nɛy ti pɛl, kä jek ram mi jäl kɛɛl kɛ nɛy ti dɔa̱a̱r riɛk.

²¹ Kä lät jiäkni guurɛ gua̱n dui̱rä, kä ram mi gɔaa jekɛ cuŋ.

²² Kä ram mi gɔaa bänyɛ gaat gankɛ ria̱ŋ, kä ria̱ŋ raam mi jiääk dothɛ kɛ nɛy tin gɔw.

²³ Ciɛk kak raam mi dɔ̱a̱r ɛlɔ̱ŋ, ku kui̱c ŋɔaanidɛ kɛ la dup.

²⁴ Ram /ci gatdɛ duäc /cɛ nhɔk ni jɛ, kä ram mi nhɔk gatdɛ nyuuthɛ jɛ kɛ ciaŋ.

²⁵ Mi̱th gua̱n cuŋni ce̱tkɛ lɔcdɛ, kä ram mi lät jiäk näk buɔthɛ.