Ŋi̱i̱c 8 - RUAC KUƆTH IN RƐL RƆ

¹ Kä ɛŋa mi ce̱tkɛ ram mi pɛl pɛl ɔ? Kä ɛŋa ŋäc luɔ̱ɔ̱tni ŋɔaani mɔ? La pɛl raan a jak kä doothɛ duɔɔth, kä la bathɛ ca̱r lɔaac mi jiääk.

Luthni kuäär

² Kä cua̱ wee luthni kuäär kɛ ɣöö ci rɔ yac nhiam Kuɔth.

³ Kä jiɛyni kɛ pɛ̈th gekä kua̱r. Kä /cu ŋot kɛɛl kɛ jɛ kɛ ɣöö bɛ la̱t ni min nhɔk lɔcdɛ jɛ.

⁴ Kɛ ɣöö thilɛ mi bääl ruac kua̱r, kä thilɛ ram mi dee jɛ thiec i̱, “Ɛŋu lätdi mɔ?”

⁵ Kä ram wä ruacdɛ wä luɔ̱th /cɛ riɛk bi jek, bi ram mi pɛl lɔcdɛ ciaŋ kua̱r kɛnɛ dupkɛ ŋa̱c.

⁶ Kɛ ɣöö te ti diaal kɛ gua̱th kɛnɛ dup tin la̱t kɛ kɛ, a cäŋ te raan kɛ rik kɛ.

⁷ Kä kɛ ɣöö kui̱c raan nhiam, thilɛ ram mi bi jɛ nyuɔth ta̱a̱ in bi tekɛ jɛ.

⁸ Kä thilɛ ram mi tëë /lua̱ŋ mi derɛ luuc ni yiëë jɔk, kä thilɛ ram mi te lua̱ŋ kɛ cäŋ li̱ethdɛ. Ce̱tdɛ kɛ ɣöö thilɛ ram mi la pa̱lkɛ wä kɛ cäŋ köör, inɔ /ci duer nɛy tin la la̱tkɛ jɛ bi päl.

⁹ Kä cua ti̱ti̱ diaal nɛn mëë cä tin tuɔɔk rɛy ɣɔaa ɛ mi car, ɛn ɣöö nɛy tin tekɛ buɔ̱m cuɔ̱ckɛ nɛy tin te pinydiɛn.

Dup Kuɔth ti ga̱ykɛ naath

¹⁰ Kä cua̱ kuɔ̱ny raam mi tekɛ duer nɛn, nɛy tin la bä kä wä kɛ gua̱th in rɛl rɔ, kua kɛ liak niɛ wi̱c in cikɛ ti jiäk la̱t thi̱n. Kä nɔmɔ thilɛ jɛ luɔt.

¹¹ Kä mi /ka̱n jiäk ran mal lat, la lo̱c nath a thiäŋ kɛ ca̱r lätni ti jiäk.

¹² A cäŋ ni mɔ la ji̱ dueeri dueer ti kur a lät ɔ kä jänykɛ kɛ tëk. Ŋotdɛ bɛ gɔaa kɛ nɛy tin luɔ̱thkɛ Kuoth.

¹³ Kä /cɛ bi gɔaa kɛ nɛy tin ji̱ dueeri, kä /ci kɛ bi jääny kɛ tëk, bi ni̱n teekädiɛn ce̱tnikɛ ti̱eep kɛ ɣöö /ca Kuoth luth.

¹⁴ Kä tëë kɛ mi thil luɔt bä mi ci tuɔɔk wi̱i̱ muɔ̱ɔ̱n. Ɛ ɣöö tëë kɛ ji̱ cuŋni ti jëkɛ ni min dëë jek ɛ ji̱ dueeri, kä jek ji̱ dueeri min dëë jek ɛ ji̱ cuŋni. Kä cua̱ lɛni lar bä thilɛ jɛ luɔt.

¹⁵ Kä ɣän cua̱ lar ni tëk mi gɔaa, kɛ ɣöö thilɛ mi gɔaa kɛ raan ɛn rɛy ɣɔaa ɛmɛ, ɛ ni ɣöö bɛ mi̱th kä bɛ maath, kɛ ɣöö bɛ tekɛ tɛ̈th lɔaac rɛy la̱tdɛ kɛ ni̱n teekädɛ diaal tin ci Kuoth kɛ ka̱m jɛ rɛy ɣɔaa.

¹⁶ Kä mëë cä ca̱rä la̱th kä pɛl kɛ ɣöö bä tin tuɔɔk rɛy ɣɔaa ŋa̱c, cua̱ jɛ jek ɛn ɣöö /ci raan dee niɛɛn kɛ wäär kɛnɛ cäŋdäär.

¹⁷ Kä cua̱ tin ci Kuoth kɛ la̱t nɛn. Thilɛ ram mi dee min ca la̱t wi̱i̱ muɔ̱ɔ̱n ŋa̱c. A cäŋ bi raan ti ŋuan la̱t, /cɛ luɔtdɛ dee met jek. A cäŋ laar raanɛ i̱ tëë kɛ pɛl, /cɛ luɔtdɛ bi met jek.