Ŋi̱i̱c 6 - RUAC KUƆTH IN RƐL RƆ

¹ Kä cua̱ mi jiääk dɔ̱diɛn lɛni nɛn bä rɛy ɣɔaa, kä tëë kä naath ɛlɔ̱ŋ.

² Kuoth cɛ raan moc ria̱ŋ kɛ ti ŋuan kɛ luth, thilɛ mi dak kä tin diaal tin go̱o̱rɛ, kä /ken Kuoth ɛ moc buɔ̱m mi bɛ camkɛ, cua kɛ wä cam ɛ juɔ̱r. Nɔmɔ thilɛ jɛ luɔt, ɛ duer midi̱i̱t.

³ Dee raan tekɛ gaat ti kuɔ̱r kä bɛ tëk kɛ run ti ŋuan, ci di̱t ni ɣöö cɛ jääny kɛ tëk, mi /kenɛ tɛ̈th lɔaac jek, kä /ka̱n jɛ kony agɔaa, ɣän bä wee gɔaa ni gat mi ca thɔ̱r kä jɛ.

⁴ Kɛ ɣöö ɛn gat thilɛ jɛ luɔt, ce̱tdɛ kɛ mi /ka̱n jɛ dap, pa̱l kɛ jɛ ruëëc.

⁵ Kä jɛn bä /kenɛ cäŋ nɛn, kä thilɛ mi cɛ ŋa̱c. Kä te ni jɛn kɛ lɔ̱a̱ŋ kä wut ɛmɔ.

⁶ Ɛn wut ɛmɔ a cäŋ bɛ tëk kɛ run ti bathdɔɔr ti kɔ̱ŋ kä /ci lɔcdɛ tɛth. Kɛn diaal wäkɛ ɛn guäthɔ kɛlɔ.

⁷ Lät ran diaal lätdɛ kɛ kɛ ɣöö bɛ kɛ cam, kä ŋotdɛ /cɛ ni ro̱ŋ.

⁸ Ɛŋu mi jek ram mi pɛl ɛ kä ram mi dɔ̱a̱r? Kä ɛŋu mi jek ram mi dɔ̱a̱r jɛ kɛ ŋäcdɛ kɛ ciaŋ?

⁹ Gɔaa ni guec waŋ kä ram mi go̱o̱r ŋɔak ti/cɛ jek. Kä ɛn nɔmɔ thilɛ jɛ luɔt, ɛ wuɔ̱ɔ̱r kɔɔr jiɔam.

¹⁰ Kä tin diaal tin te thi̱n tekɛ kɛ ciööt ni wen, kä min ŋa̱ckɛ ni wen ɛ ɣöö, thilɛ ram mi ŋak ŋaknɔm kɛ ram mi bum ni jɛn kä jɛ.

¹¹ Kä mɔ ci ruac ɛlɔ̱ŋ ɔ, la thilɛ jɛ thuɔ̱k, kä la thilɛ ji̱ luɔt.

¹² Kä ɛŋa mi ŋäc mi gɔaa kɛ raan ni̱ni teekädɛ ti tɔt ti thiel luɔt ti, ti ci wä ti ce̱tkɛ ti̱eep ti? Kä ɛŋa mi dëë jɛ la̱t min bi lɔ̱ɔ̱ tuɔɔk kɔɔrɛ mɔ rɛy ɣɔaa?