Ŋi̱i̱c 5 - RUAC KUƆTH IN RƐL RƆ

Luth ni Kuoth

¹ Tit rɔ kɛ wädu luaak Kuɔth. Kä gɔaa ni ɣöö bi wä liɛŋ thi̱n, kä ɣöö bi muc mi ce̱tkɛ muc nɛɛni tin dɔa̱a̱r thöp, tin kueckɛ ɣöö la̱tkɛ ti jiäk.

² /Cu pɛ̈th kɛ ɣöö bi duɔ̱ɔ̱r lat kɛ kui̱ Kuɔth mi /keni car agɔaa. Kɛ ɣöö Kuoth tëë nhial kä ji̱n ti̱i̱ piny, kɛ kui̱c ɛmɔ jak ni rieetku kä kui̱c.

³ Ce̱tkɛ min la raan la̱k a läk ikä kɛ ɣöö cɛ ca̱r ɛlɔ̱ŋ, Ɛ jɛn ce̱tkɛ ram mi dɔ̱a̱rɔ kɛ ruac mi di̱i̱t.

⁴ Kä mi tëë kɛ mi ci ya̱c Kuoth, lät ni jɛ kä jɛ. Kɛ ɣöö thilɛ jɛ tɛ̈th lɔaac kɛ dɔ̱a̱r. Cupni ya̱cdu kɛ rɔ.

⁵ Gɔaa ni ɣöö /cu rɔ yac kɛ mi ci bi la̱t.

⁶ A thokdu /ci ji̱ naŋ dui̱rä kä /cu jɛ lat nhiam jääkä Kuɔth ɛn ɣöö ya̱cdu ci lot ni jɛ. Cu Kuoth jak kä gak kɛ ji̱ a bɛ lätku tin ci la̱t riaw.

⁷ La̱a̱k ti ŋuan kɛnɛ laat ti ŋuan thilɛ kɛ luɔt. Kɛ kui̱c ɛmɔ luth ni Kuoth.

Ria̱ŋ thilɛ jɛ luɔt

⁸ /Cu ga̱a̱c mi wi̱i̱ can wä nɛn yɔaŋkɛ jɛ rɛy wec, mi wa thuɔ̱k kɛnɛ cuŋkɛ gak. Kɛ ɣöö gaŋ kɛ bo̱o̱th ɛ bo̱o̱th mi di̱t ni jɛn, kä ŋotdɛ te bööth ti di̱t ni kɛn wi̱i̱diɛn.

⁹ Kä te kuay muɔ̱ɔ̱n kɛ kɛ. Kä ku kuäär ŋɔak lɛ jek rɛy ka̱a̱kni.

¹⁰ Kä ram nhɔk yio̱w /cɛ bi ro̱ŋ kɛ kɛ. Kä ram nhɔk ria̱ŋ /cɛ jɛ bi jek. Kä ɛn nɔmɔ bä thilɛ jɛ luɔt.

¹¹ Kä mɔ ci ŋɔak ŋuan, la ŋuan nɛy tin camkɛ kɛ. Kä min jek gua̱ndiɛn ɛ, ɛ kɛ̈k kä ɣöö tëë kɛ ti ŋuan.

¹² Com ni ni̱en raam mi läät, a cäŋ cɛ cam ni mi tɔt kiɛ mi di̱i̱t. Kä ŋuan ŋɔaani raam mi riäŋ riäŋ, la pën kɛ jɛ ni̱en.

¹³ Ɣän cä mi bɛc bɛc mi jiääk nɛn ɛn rɛy ɣɔaa ɛmɛ. Ria̱ŋ mi no̱o̱ŋ riɛk kä ji̱ kɛ,

¹⁴ kä mi cikɛ bath kɛ duɔ̱ɔ̱p mi jiääk, mi cɛ tekɛ gat, thilɛ mi la bänyɛ jɛ.

¹⁵ Bi raan jiɛɛn ɛn rɛy ɣɔaa ɛ mi kɛ tetkɛ baaŋ, ce̱tnikɛ mëë daap man ɛ. Thilɛ mi bɛ naŋ kɛɛl kɛ rɔ kä tëë cɛ la̱t.

¹⁶ Kä ɛn nɔmɔ bä ɛ duer. Bi raan wä, ce̱tnikɛ mëë bëë kɛ, kä ɛŋu mi cɛ jek? Lätdɛ ni jiɔam ikä?

¹⁷ Thuukɛ ni̱nkɛ diaal rɛy muɔ̱th kɛ cuɔ̱c mi di̱t bɛ̈cdɛ kɛ gak.

¹⁸ Kä cua̱ jɛ ŋa̱c ɛn ɣöö gɔaa ni ɣöö bi raan min cɛ la̱t cam kä bɛ jɛ math rɛy ni̱ni tin tɔt tin ci Kuoth kɛ ka̱m jɛ rɛy ɣɔaa ɛmɛ. Kɛ ɣöö ɛ jɛn min ca ca̱k jɛ.

¹⁹ Inɔ bä nɛy tin ci Kuoth kɛ moc ria̱ŋ, kɛ ɣöö ɛ mi ca ca̱k kɛ, akɛ cam kɛ min ci kɛn ɛ la̱t. Ɛ muc Kuɔth.

²⁰ Kɛ ɣöö/cɛ ni̱n teekädɛ bi tit agɔaa, kɛ ɣöö ci Kuoth ɛ jak kä tɛth lɔcdɛ.