Ŋi̱i̱c 12 - RUAC KUƆTH IN RƐL RƆ

¹ Car cääkdu kɛ ni̱n ŋuɛɛtädu, a /ken ni̱n rikä ni ben. Kɛ ɣöö ci run thia̱k tin bi ruac thi̱n i̱, “/Ka̱n tɛ̈th lɔaac jek thi̱n.”

² A /ken buay ca̱ŋ kɛnɛ pay kɛ kuɛl ni wä muth kä /ken pua̱r ni thil kɛ kɔr dɛmä nhial.

³ Mi wëë tetku wä lath kä /ci ciöku ŋot kɛ buɔ̱m, kä /ci lɛcku lɛ nyuëy agɔaa, kä /ci waŋdu lɛ guic agɔaa.

⁴ Mi wëë ji̱thku wä di̱w, /ci jɔw ɣɔ̱a̱t kɛnɛ thom bi liŋ. Kä bi jiöthkiɛn diaal ji̱ ker.

⁵ Bi dual kɛ gua̱th tin luɔc luɔɔc, kä bi dual kɛ ja̱l duɔ̱pni. Min ci wi̱cdu low, kä ci ja̱l ku buɔ̱m, kä ci lɔc mi̱eth ku thil. Inɔ bi raan cu wä dhɔrɛ min do̱raar, kä bi naath cu pa̱r duɔ̱pni.

⁶ Timɛ a /ken kuat cikä min bo̱r ni puɔ̱t, kiɛ bi tuɔ̱k dääpä tiath, kiɛ a /ken dep dhar pi̱i̱ni ni puɔ̱t puɔ̱ɔ̱ny pa̱a̱ny,

⁷ a bi mun loc muun ce̱tkɛ ta̱a̱dɛ mëë wen, kä bi yiëë loc kä Kuoth ëë ŋun jɛ.

⁸ Kä cu ŋi̱i̱c wee, ɛ mi thil luɔt, kɛn diaal thilɛ kɛ luɔt.

Thuɔ̱k ruac

⁹ Kä ŋi̱i̱c /ci duŋdɛ a pɛl kä rɔa, cuɛ naath nyuɔ̱ɔ̱th kɛ ŋäc ŋɔaani ti cɛ luɔtdiɛn gɔ̱r kä cuɛ nyin ŋi̱i̱cä rialikä ni kuurä.

¹⁰ Kä cuɛ go̱r ɛn ŋi̱i̱c ɛn ɣöö bɛ rieet ti gɔw ti luɔtkɛ rɔ jek, kä cuɛ gɔ̱r ni thuɔ̱k rieetni.

¹¹ Kä ruac nɛɛni tin pɛl mothɛ ce̱tdɛ nikɛ yɔ̱ɔ̱t in la yiëën deet jɛ a cuaac ni det, kä laat ŋi̱i̱cä tin cɛ ma̱a̱t thilɛ mi wany kɛ ce̱tkɛ nikɛ thöt ti ca pua̱t puɔ̱ny kä duɔ̱ɔ̱r.

¹² Kä gatdä tit tin kɔ̱ŋ kä ti̱ti̱. Ɛn ɣöö bi buɔkni ti ŋuan la̱t thilɛ jɛ pek, kä kuën buɔkni cucɛ puɔ̱ny ran.

¹³ Kä täämɛ ti diaal ca kɛ liŋ. Kä nɛmɛ ɛ jɛn thuɔ̱k ruac, luthni Kuoth, kä tit lueekɛ. Kɛ ɣöö nɔmɔ ɛ jɛn la̱t nɛɛni diaal.

¹⁴ Kɛ ɣöö bi Kuoth ti diaal luk, amäni tin ca ŋäc, mi gɔaa kiɛ mi jiääk bɛ kɛ luk.