Ŋi̱i̱c 10 - RUAC KUƆTH IN RƐL RƆ

¹ Luaŋ ti ci li̱w dëë yio̱m riääkä thiäŋ kɛ ŋuäny mi jiääk. Inɔ bä, woc dɔ̱ɔ̱r mi tɔt ŋäc ŋɔaani kɛnɛ luth.

² Lät ram mi pɛl pɛl ni cuŋ, ku ram mi dɔ̱a̱r lɛ la̱t ni dueer.

³ Mi jäl dɔ̱a̱r dup /cɛ la cärɛ, la pekdɛ a ram mi cɛ la̱t dɔ̱ɔ̱rɛ.

⁴ Kä mi ci rueec gaak kɛ ji̱, /cu gua̱a̱thdu päl, kɛ ɣöö mi ci rɔ pa̱l piny, la gak mi di̱i̱t a kɔ̱c.

⁵ Tëë kɛ mi jiääk mi cä nɛn rɛy ɣɔaa a, ɛ duer mi ca la̱t ɛ rueec.

⁶ Ca nɛy tin dɔa̱a̱r la̱th gua̱thni tin di̱t, kä ca nɛy tin ria̱ŋ ria̱a̱ŋ la̱th gua̱thni tin kuiy.

⁷ Kä cua̱ kuaany lɛ nɛn ko̱t kɛ jio̱kni jiöŋkööri, ku ruëëc lɛ ja̱l kɛ ciökiɛn ce̱tkɛ kuaany.

⁸ Kä ram mi wä pul wä tɛt, bi pɛn ni jɛn thi̱n. Kä ram ɔ bi kal to̱l ɔ, bi thɔ̱l ɛ kac.

⁹ Kä ram mi tiath pääm, ba jɛ moc buɔ̱t ɛ kɛn. Kä ram mi bäk jiɛn, ba jɛ moc buɔ̱t.

¹⁰ Kä mi /ci ji̱o̱pdu moth, a /keni jɛ pat, go̱o̱rɛ ɣöö bi rɔ ŋɔac thi̱n ɛlɔ̱ŋ, duuŋdɛ ɣöö ku pɛl ji̱ la luäk thi̱n.

¹¹ Gaaŋi rɔ a /ken thɔ̱l ji̱ ni kac, /Ci rɔ dee lɛ gaŋ mi cɛ ji̱ kac.

¹² Ruac nɛɛni ti pɛl no̱ŋkɛ kɛ nhök, ku ruac nɛɛni ti dɔ̱a̱r kɛ lɛ näk.

¹³ Kɛ ɣöö tuk ruacdɛ ɛ dɔ̱ɔ̱r, kä guutdɛ ɛ yɔ̱ɔ̱ŋ mi jiääk.

¹⁴ Kä ram mi dɔ̱a̱r ŋuan ruaacnikɛ, kä thilɛ ram mi ŋäc mɔ bi tuɔɔk ɔ, kä ɛŋa dee jɛ la̱r mɔ bi tuɔɔk kɛ kɔrɛ mɔ?

¹⁵ Kä ram mi dɔ̱a̱r cuucɛ rɔ kɛ la̱t, kä kui̱cɛ duɔ̱ɔ̱p in dee wä kɛ jɛ wi̱c.

¹⁶ Riɛk akɛ ji̱ lö mun, mi kuäärɛ ŋuɛ̈t, kä ŋar ruëëckɛ amäni runwaŋ.

¹⁷ Puɔ̱th akɛ ji̱n mun mi kuäärɛ ram mi ŋäc ŋɔak, kä ŋar ruëëckɛ kɛ gua̱a̱th ŋarä, kä bumkɛ a /cikɛ math ni kɔaaŋ.

¹⁸ Kä ram mi puɔ̱ny duaal la lo̱ny duelɛ, kä mi /cɛ jɛ lät pɛnɛ rɛc.

¹⁹ Ŋar naath kɛ ɣöö ba to̱k dɔl, kä mathkɛ kɔaŋ kɛ ɣöö bi lo̱c nath tɛɛth, kä yio̱w kɛ kɛn no̱o̱ŋ ti diaalɔ.

²⁰ /Cu kuäär lat jɔ̱ɔ̱r a cäŋɛ ŋɛ̈r, kä cu ram mi riäŋ lat jɔ̱ɔ̱r rɛy dueelu, amäni mi dee diit jiɔam jɔwdu naŋ, a bi diit gɔ̱ɔ̱k min ci lat wä lar.