Nɛ-ɣɛm-yaa 7 - RUAC KUƆTH IN RƐL RƆ

¹ Täämɛ mëë ci päny thuɔ̱k kɛ ta̱th kä cä thieknikɛ la̱th thi̱n kä cä ga̱a̱ŋ thuɔk luaak Kuɔth kɛnɛ këët din kɛ ji̱ Lii-bay kuany,

² kä cua gaatmaar Ɣä-na-ni kɛnɛ Ɣä-nɛ̈n-yaa jak kä rueec Jɛ-ru-tha-lɛm, ɛn Ɣä-nɛ̈n-yaa ɛ ram mi ŋäth Kuoth kä luthɛ jɛ ɛlɔ̱ŋ kä nɛy ti ŋuan.

³ Kä cua kɛ jiök i̱, “A thuk Jɛ-ru-tha-lɛm /ca lɛp amäni mi ci cäŋ leeth. Kä gua̱a̱th in ŋot ga̱a̱ŋ kɛ mi gäŋkɛ, ɛ thiekni te gääkä. Kä kuanyɛ yiëën kä nɛy tin cieŋ kä Jɛ-ru-tha-lɛm, a ram ɔ te guäthdɛ kä a ramɔ lot ni dhɔrɛ.”

⁴ Ɛn wec di̱tdɛ ɛlɔ̱ŋ, kä kuiy nɛy tin cieŋ rɛydɛ, kä thilɛ ti̱ec ti ca ni la̱t thi̱n.

Ciööt nɛɛni tëë luny jɔk pecä

⁵ Cu Kuoth ɛ la̱th lɔɔcdä ɛn ɣöö bä nɛy tin luɔ̱thkɛ kɛnɛ bööth kɛ naath ɛn ɣöö ba ciöötkiɛn gɔ̱r kɛ dho̱rkiɛn. Kä cua̱ bok ciöötni nɛɛni tëë luny jɔk pecä kɛ nhiam jek ca gɔ̱r i̱.

⁶ Ti̱ti̱ kɛ kɛn nɛy tëë luny jɔk pecä nɛy tëë ca pɛc ɛ Nɛ-bu-kad-nɛ-dhar kuäär Bɛ̈-bi-lɔn, tëë ci loc kä Jɛ-ru-tha-lɛm kɛnɛ Juda, tëë ci ram ɔ loc wi̱i̱dɛ.

⁷ Cukɛ ben kɛɛl kɛ Dhɛ-ru-ba-bɛl kɛnɛ Jɔ-cua kɛ Nɛ-ɣɛm-yaa kɛnɛ Ä-dhar-yaa kɛ Rɛ̈ɛ̈m-yaa kɛnɛ Nɛ̈-ɣä-ma-ni kɛ Mɔr-da-kay kɛnɛ Bil-can kɛ Mith-pɛ-rɛth kɛnɛ Big-way kɛ Nɛ-ɣum kɛnɛ Banaa.

Ciööt ji̱ I-thɛ-rɛl

⁸ Gaat Pɛ̈r-oc, kɛ nɛy ti bathdɔɔri rɛw wi̱cdɛ kuɔ̱r kɛl wi̱cdɛ jiɛn bärɔw wi̱cdɛ rɛw.

⁹ Kä gaat Cɛ-pɛ̈t-yaa kɛ kur diɔ̱k wi̱cdɛ jiɛn bärɔw wi̱cdɛ rɛw.

¹⁰ Gaat Araa kɛ kur bäkɛl wi̱cdɛ jiɛn dhieec wi̱cdɛ rɛw.

¹¹ Gaat Pɛ̈-ɣɛ̈th-mo-ab kä kuay Yɛ-cuwä kɛnɛ Yo-ab kɛ bathdɔɔri rɛw wi̱cdɛ kur bädäk wi̱cdɛ jiath kɛl wi̱cdɛ bädäk.

¹² Gaat Ee-lam kɛ bathdɔɔr kɛl wi̱cdɛ kur rɛw wi̱cdɛ jiɛn da̱ŋ dhieec wi̱cdɛ ŋuaan.

¹³ Gaat Dhɛ̈tu kɛ kur bädäk wi̱cdɛ jiɛn ŋuaan wi̱cdɛ dhieec.

¹⁴ Gaat Dhɛ̈-kay kɛ kur bärɔw wi̱cdɛ jiɛn bäkɛl.

¹⁵ Gaat Bi-nuwi kɛ kur bäkɛl wi̱cdɛ jiɛn ŋuaan wi̱cdɛ bädäk.

¹⁶ Gaat Be-bay kɛ kur bäkɛl wi̱cdɛ jiɛn da̱ŋ rɛw wi̱cdɛ bädäk.

¹⁷ Gaat Ɛ̈dh-gad kɛ bathdɔɔri rɛw wi̱cdɛ kur diɔ̱k wi̱cdɛ jiɛn da̱ŋ rɛw wi̱cdɛ rɛw.

¹⁸ Gaat Ä-do-ni-kam kɛ kur bäkɛl wi̱cdɛ jiɛn bäkɛl wi̱cdɛ bärɔw.

¹⁹ Gaat Big-way kɛ bathdɔɔri rɛw wi̱cdɛ jiɛn bäkɛl wi̱cdɛ bärɔw.

²⁰ Gaat A-din kɛ kur bäkɛl wi̱cdɛ jiɛn dhieec wi̱cdɛ dhieec.

²¹ Gaat A-ter kä kuay Ɣidh-ki-yaa kɛ jiɛn bäŋuan wi̱cdɛ bädäk.

²² Gaat Ɣa-cum kɛ kur diɔ̱k wi̱cdɛ jiɛn da̱ŋ rɛw wi̱cdɛ bädäk.

²³ Gaat Be-dhay kɛ kur diɔ̱k wi̱cdɛ jiɛn da̱ŋ rɛw wi̱cdɛ ŋuaan.

²⁴ Gaat Ɣa-rip kɛ kuɔ̱r kɛl wi̱cdɛ jiath kɛl wi̱cdɛ rɛw.

²⁵ Gaat Gib-yon kɛ jiɛn bäŋuan wi̱cdɛ dhieec.

²⁶ Cu ji̱ Beth-lɛ-ɣɛm kɛnɛ Nɛ-to-paa a nɛy ti kuɔ̱r kɛl wi̱cdɛ jiɛn bädäk wi̱cdɛ bädäk.

²⁷ Ji̱ Ä-na-thoth kɛ kuɔ̱r kɛl wi̱cdɛ jiɛn da̱ŋ rɛw wi̱cdɛ bädäk.

²⁸ Ji̱ Beth-ɛ̈dh-ma-wɛth kɛ jiɛn ŋuaan wi̱cdɛ rɛw.

²⁹ Ji̱ Kir-yath-ya-rim kɛnɛ Kɛ-pi-ra kɛ Bɛ-roth kɛ kur bärɔw wi̱cdɛ jiɛn ŋuaan wi̱cdɛ diɔ̱k.

³⁰ Ji̱ Rama kɛnɛ Gabä kɛ kur bäkɛl wi̱cdɛ jiɛn da̱ŋ rɛw wi̱cdɛ kɛl.

³¹ Ji̱ Mik-mac kɛ kuɔ̱r kɛl wi̱cdɛ jiɛn da̱ŋ rɛw wi̱cdɛ rɛw.

³² Ji̱ Beth-ɛl kɛnɛ Aay kɛ kuɔ̱r kɛl wi̱cdɛ jiɛn da̱ŋ rɛw wi̱cdɛ diɔ̱k.

³³ Ji̱ Nɛbo kɛ jiɛn dhieec wi̱cdɛ rɛw.

³⁴ Ji̱ Ee-lam kɛ bathdɔɔr kɛl wi̱cdɛ kur rɛw wi̱cdɛ jiɛn dhieec wi̱cdɛ ŋuaan.

³⁵ Ji̱ Ɣa-rim kɛ kur diɔ̱k wi̱cdɛ jiɛn da̱ŋ rɛw.

³⁶ Ji̱ Jɛ-ri-ko kɛ kur diɔ̱k wi̱cdɛ jiɛn da̱ŋ ŋuaan wi̱cdɛ dhieec.

³⁷ Ji̱ Lod kɛnɛ Ɣa-did kɛ Ono kɛ kur bärɔw wi̱cdɛ jiɛn da̱ŋ rɛw wi̱cdɛ kɛl.

³⁸ Ji̱ Thɛ-naa kɛ bathdɔɔri diɔ̱k wi̱cdɛ kur bäŋuan wi̱cdɛ jiɛn da̱ŋ diɔ̱k.

³⁹ Cu bööth palä kuay Yɛ-dɛ̈-yaa a wä nikä gaat Yɛ-cuwä a nɛy ti kur bäŋuan wi̱cdɛ jiɛn da̱ŋ bärɔw wi̱cdɛ diɔ̱k.

⁴⁰ Gaat I-mer kɛ bathdɔɔr kɛl wi̱cdɛ jiɛn dhieec wi̱cdɛ rɛw.

⁴¹ Gaat Pɛ̈c-ɣur kɛ bathdɔɔr kɛl wi̱cdɛ kur rɛw wi̱cdɛ jiɛn da̱ŋ ŋuaan wi̱cdɛ bärɔw.

⁴² Gaat Ɣa-rim kɛ bathdɔɔr kɛl wi̱cdɛ jiath kɛl wi̱cdɛ bärɔw.

⁴³ Ji̱ Lii-bay: Gaat Yɛ-cuwä a wä nikä Kɛ̈d-mi-el kar Ɣod-waa a nɛy ti jiɛn bärɔw wi̱cdɛ ŋuaan.

⁴⁴ Këët din: Kuay A-thap kɛ nɛy ti kuɔ̱r kɛl wi̱cdɛ jiɛn da̱ŋ ŋuaan wi̱cdɛ bädäk.

⁴⁵ Ga̱a̱ŋ thuɔk luaak: Kuay Cɛ̈-lum kɛnɛ A-ter kɛ Tɛ̈l-mon kɛnɛ Ɛ̈-kub kɛ Ɣä-ti-ta kɛnɛ Co-bay kɛ nɛy ti kuɔ̱r kɛl wi̱cdɛ jiɛn da̱ŋ diɔ̱k wi̱cdɛ bädäk.

⁴⁶ La̱a̱t rɛ̈y luaak Kuɔth: kɛ kuay Dhi-ɣa kɛnɛ Ɣä-thu-pa kɛ Tɛ̈-ba-oth.

⁴⁷ Kɛ Ke-roth kɛnɛ Thiya kɛ Pa-don.

⁴⁸ Kɛ Lɛ-ba-naa kɛnɛ Ɣä-ga-baa kɛ Cɛ̈l-may.

⁴⁹ Kɛ Ɣa-nan kɛnɛ Gi-del kɛ Gɛ̈-ɣar.

⁵⁰ Kɛ Rɛ-a-yaa kɛnɛ Rɛ-dhin kɛ Nɛ-ko-da.

⁵¹ Kɛ Gɛ̈-dham kɛnɛ Udha kɛ Pa-the-ɛ̈k.

⁵² Kɛ Be-thay kɛnɛ Mɛ-u-nim kɛ Nɛ-pu-cim.

⁵³ Kɛ Bɛ̈k-buk kɛnɛ Ɣä-ku-pa kɛ Ɣar-ɣur.

⁵⁴ Kɛ Badh-lith kɛnɛ Mɛ-ɣi-da kɛ Ɣar-ca.

⁵⁵ Kɛ Bar-koth kɛnɛ Ci-cɛ-ra kɛ Ta-mɛ̈k.

⁵⁶ Kɛ Nɛ-dhi-ɛ̈k kɛnɛ Ɣä-ti-paa.

⁵⁷ Gaat kuaanyni Thɔ-lo-mon. Kɛ gaat Tho-tay kɛnɛ Tho-pɛ-rɛth kɛ Pɛ-ri-daa.

⁵⁸ Kɛ gaat Yɛ̈-la kɛnɛ gaat Dar-kon gaat Gi-del.

⁵⁹ Kɛ Cɛ-pɛ̈t-yaa kɛnɛ Ɣɛ̈-til kɛ Po-kɛ-rɛth-ɣɛ̈-dhɛ-ba-yim kɛnɛ Am-on.

⁶⁰ La̱a̱t luaak Kuɔth kɛnɛ gaat kuaanyni Thɔ-lo-mon kɛ kur diɔ̱k wi̱cdɛ jiɛn bäŋuan wi̱cdɛ rɛw.

⁶¹ Kä cu nɛy ti̱ti̱ ben wi̱i̱ni ti̱ti̱, wec Tel-mɛ-lɛ̈k kɛnɛ wec Tel-ɣar-ca kɛ Kɛ-rub kɛnɛ A-don kɛ I-mer. Kä cuɛ thil mi nyooth jɛ ɛn ɣöö bä kuaykiɛn kä ji̱ I-thɛ-rɛl.

⁶² Cu kuay Dɛ-la-yaa kɛnɛ To-bi-yaa kɛ Nɛ-ko-da a nɛy ti kur bäkɛl wi̱cdɛ jiɛn da̱ŋ ŋuaan wi̱cdɛ rɛw.

⁶³ Kä gaat bööthni palä. Cua gaat Ɣɔ-bɛ̈-yaa kɛnɛ Ɣɛ̈-kodh kɛ Bar-dhë-lay (cɔalkɛ jɛ Bar-dhë-lay kɛ ɣöö, cɛ raan Gil-yad kuɛn).

⁶⁴ Kɛn mëë cikɛ ciöötkiɛn go̱r rɛy ciöötni tëë ca gɔ̱r kɛ dho̱rkiɛn, kä /ka̱n ciöötkiɛn jek, cua kɛ woc rɛy bööthni palä kɛ ɣöö /ci kɛn gɔw.

⁶⁵ Kä cu ruëëc kɛ pën mi̱eth kä tin rɛl gɔɔydiɛn rɔ̱ amäni mi cɛ tekɛ bo̱o̱th palä mi ci U-rim kɛnɛ Tu-mim yuɔr.

⁶⁶ Cu pek nath diaal kɛɛl a nɛy ti bathdɔɔri ti jiɛn ŋuaan wi̱cdɛ bäkɛl wi̱cdɛ kur diɔ̱k wi̱cdɛ jiɛn bäkɛl,

⁶⁷ a /ci kuaany wutni kɛnɛ män ti bathdɔɔri bärɔw wi̱cdɛ kur diɔ̱k wi̱cdɛ jiɛn da̱ŋ diɔ̱k wi̱cdɛ bärɔw, kɛnɛ këët din ti wutni kɛnɛ män ti kur rɛw wi̱cdɛ jiɛn da̱ŋ ŋuaan wi̱cdɛ dhieec te thi̱n.

⁶⁸ Tekɛ kɛ jio̱ŋko̱o̱ri ti kur bärɔw wi̱cdɛ jiɛn diɔ̱k wi̱cdɛ bäkɛl, kɛ ley la̱t kɔ̱kiɛn ti kur rɛw wi̱cdɛ jiɛn da̱ŋ ŋuaan wi̱cdɛ dhieec.

⁶⁹ Kä tekɛ kɛ thɔ̱a̱rɔa̱a̱li ti kur ŋuaan wi̱cdɛ jiɛn da̱ŋ diɔ̱k wi̱cdɛ dhieec kɛ muɔ̱li ti bathdɔɔri bäkɛl wi̱cdɛ kur bärɔw wi̱cdɛ jiɛn da̱ŋ rɛw.

⁷⁰ Cu tha̱a̱ŋ bööthni dho̱ri rɔ̱ mat lät. Kä cu rueec ro̱o̱m yio̱o̱ni moc kɛ da̱a̱p mi tekɛ ki̱luni bädäk kɛ nuth, kɛ took ti jiɛn dhieec kɛ bieyni bööthni palä ti kur dhieec wi̱cdɛ jiɛn da̱ŋ diɔ̱k.

⁷¹ Kä cu tha̱a̱ŋ bööthni dho̱ri ro̱o̱m yio̱o̱ni moc kɛ da̱a̱p mi tekɛ ki̱luni ti kuɔ̱r kɛl wi̱cdɛ jiɛn bärɔw kɛ yio̱w ti bathdɔɔri rɛw wi̱cdɛ kur da̱ŋ rɛw.

⁷² Kä cu pek in ca thöp ɛ duɔth nath a da̱a̱p mi tekɛ ki̱luni da̱ŋ wäl bärɔw, kɛ yio̱w ti bathdɔɔri da̱ŋ rɛw, kɛ bieyni bööthni palä ti jiɛn bäkɛl wi̱cdɛ bärɔw.

⁷³ Inɔ cu bööth palä kɛnɛ ji̱ Lii-bay kɛ ga̱a̱ŋ thuɔk luaak Kuɔth kɛ këët din kɛ la̱a̱t luaak Kuɔth kɛ ji̱ I-thɛ-rɛl diaal cieŋ wi̱i̱nikiɛn.