Nɛ-ɣɛm-yaa 11 - RUAC KUƆTH IN RƐL RƆ

Nɛy tin cieŋ kä Jɛ-ru-tha-lɛm

¹ Täämɛ bööth nath ku kɛ cieŋ kä Jɛ-ru-tha-lɛm, kä cu duɔth nath gaakni yuɔr kɛ ɣöö ba dhɔr kɛl kä dho̱r da̱ŋ wäl ka̱n bɛ ben cieŋ kä Jɛ-ru-tha-lɛm wec in rɛl ɔ, bi duɔth dho̱ri da̱ŋ bäŋuan cu duɔth wi̱i̱nikiɛn.

² Kä cu naath nɛy tin ca nhɔk ɛn ɣöö bi wä cieŋ kä Jɛ-ru-tha-lɛm la̱r tɛ̈th lɔaac.

³ Ti̱ti̱ kɛ bööth wi̱i̱ni tëë cieŋ kä Jɛ-ru-tha-lɛm, duundɛ ɣöö rɛy wi̱i̱ni Juda cu ramɔ cieŋ kɛ kuakɛ wi̱i̱diɛn. Ji̱ I-thɛ-rɛl, kɛ bööth palä, kɛ ji̱ Lii-bay, kɛ la̱a̱t luaak Kuɔth, kɛ kuay la̱a̱tni Thɔ-lo-mon.

⁴ Kä Jɛ-ru-tha-lɛm cu ji̱ Juda kɛnɛ ji̱ Ben-ya-min cieŋ thi̱n. Kä cu ti̱ti̱ a kuay Juda. Ä-ta-yaa gat U-dhi-yaa gat Dhɛ-kar-yaa gat Ä-mɛ̈r-yaa gat Cɛ-pɛ̈t-yaa gat Maa-lä-lɛl kuɛ̈ɛ̈ Pɛ-rɛdh,

⁵ kɛ Mä-the-yaa gat Ba-ruk gat Kɔl-ɣo-dhɛ gat Ɣä-dha-yaa gat Ä-da-yaa gat Yo-ya-rib gat Dhɛ-kar-yaa kuɛ̈ɛ̈ Cilo.

⁶ Kä cu pek kuayni Pɛ-rɛdh tin cieŋ kä Jɛ-ru-tha-lɛm a nɛy ti kur ŋuan wi̱cdɛ jiɛn bäkɛl wi̱cdɛ bädäk ti la wutni köör.

⁷ Kä ti̱ti̱ kɛ kuay Ben-ya-min. Thɛ̈lu gat Mɛ-cu-lam gat Yo-wed gat Pɛ-da-yaa gat Ko-la-yaa gat Mä-the-yaa gat I-thi-el gat Yɛ-cɛ̈-yaa,

⁸ kɛ ji̱ maarädɛ ni Gɛ̈-bay kɛnɛ Thɛ̈-lay, nɛy ti kur bäŋuan wi̱cdɛ jiɛn da̱ŋ rɛw wi̱cdɛ bädäk.

⁹ Kä cu Yo-el gat Dhik-ri a bo̱o̱thdiɛn, cua guɔ̱ɔ̱r ɛ Juda gat Ɣɛ̈-thɛ-nua ɛn wi̱c.

¹⁰ Kä cu ti̱ti̱ a kuay bööthni palä. Yɛ-dɛ̈-yaa gat Yo-ya-rib kɛnɛ Ya-kin.

¹¹ Kɛ Thɛ-ra-yaa gat Ɣil-ki-yaa gat Mɛ-cu-lam gat Dha-dok gat Mɛ-ra-yoth gat Ä-ɣi-tub ti̱i̱t luaak Kuɔth.

¹² Kä cu nɛy tëë lua̱kɛ kɛ, kɛ la̱t luaak Kuɔth a nɛy ti kur bädäk wi̱cdɛ jiɛn da̱ŋ rɛw wi̱cdɛ rɛw. Cua Ä-da-yaa gat Yɛ-ro-ɣaam gat Pɛ-lɛ̈l-yaa gat Ɛ̈m-dhi gat Dhɛ-kar-yaa gat Pɛ̈c-ɣur gat Mɛ̈l-ki-yaa.

¹³ Kä cu gaatman tëë la bööth dho̱ri gua̱ni a wutni ti kur rɛw wi̱cdɛ jiɛn da̱ŋ ŋuaan wi̱cdɛ rɛw. Kä cua Ä-mac-thay gat Ä-dhar-el gat A̱-dhay gat Mɛ-ci-lɛ-moth gat I-mer,

¹⁴ kɛ gaatmani tin wutni köör ti buɔ̱m buɔ̱ɔ̱m ti kuɔ̱r kɛl wi̱cdɛ jiɛn da̱ŋ rɛw wi̱cdɛ bädäk. Cu bo̱o̱thdiɛn a Dhab-di-yel gat Ɣɛ̈-gɛ-do-lim.

¹⁵ Kä cu ti̱ti̱ a kuay ji̱ Lii-bay. Cɛ-mɛ̈-yaa gat Ɣɛ̈-cub gat Ɛ̈dh-ri-kɔm gat Ɣä-cɛ̈b-yaa gat Buni,

¹⁶ kɛ Cɛ̈-bɛ-thay kɛnɛ Yo-dha-bad bööth ji̱ Lii-bay tin ca ka̱m la̱t raar luaak Kuɔth.

¹⁷ Kä cu Mɛ̈-tɛ̈n-yaa gat Mika gat Dhab-di gat A-thap naath bo̱th kɛ pal tɛthä lɔaac, cua guɔ̱ɔ̱r ɛ Bak-bu-ki-yaa kɛnɛ Ɛ̈bda gat Cä-muwä gat Ga-lal gat Yɛ-du-thun.

¹⁸ Kɛn ji̱ Lii-bay diaal tin te kä Jɛ-ru-tha-lɛm kɛ nɛy ti kur rɛw wi̱cdɛ jiɛn bädäk wi̱cdɛ ŋuaan.

¹⁹ Kä cu ti̱ti̱ a kuay ga̱a̱ŋni thuɔk kal. Ɛ̈-kub kɛnɛ Tɛ̈l-mon kɛ gaatmani tin gaŋkɛ thok kal, cu kɛn a nɛy ti kuɔ̱r wi̱cdɛ jiɛn bärɔw wi̱cdɛ rɛw.

²⁰ Kä cu duɔth ji̱ I-thɛ-rɛl kɛnɛ ji̱ Lii-bay cieŋ rɛy wi̱i̱ni Juda, te ram ɔ rɛy kuaknikɛ.

²¹ Duundɛ ɣöö cu la̱a̱t luaak Kuɔth cieŋ kä O-pɛl. Cua kɛ guɛc lät ɛ Dhi-ɣa kɛnɛ Gic-pa.

²² Kä cu bööth ji̱ Lii-bay tin te kä Jɛ-ru-tha-lɛm a Udhi gat Bani gat Ɣä-cɛ̈b-yaa gat Mɛ̈-tɛ̈n-yaa gat Mika gaat A-thap, tëë la keet din, cukɛ la̱t luaak Kuɔth guɛc thi̱n.

²³ Kä kɛn te ruacdiɛn kɛ kuäär, kɛ ɣöö bakɛ rialikä kɛ ŋaani ba diit bo̱th tɔ̱ rɛy luaak Kuɔth kɛ cäŋ ɔ.

²⁴ Kä cu Pɛ-thɛ̈k-yaa gat Mɛ-ce-dha-bel gat Dhɛra gat Juda, ɛ läät kua̱r kɛ kui̱ nɛɛni diaal.

Nɛy tin te wi̱i̱ni tin kɔ̱kiɛn

²⁵ Cu nɛy ti ŋuan cieŋ wi̱i̱ni tin thieek kɛ ka̱a̱kiɛn, cu tha̱a̱ŋ ji̱ Juda cieŋ kä Kir-yath-ar-bä kɛnɛ wi̱i̱kɛ, kɛ Di-bon kɛnɛ wi̱i̱kɛ kɛ Yɛ-kab-dhel kɛnɛ wi̱i̱kɛ,

²⁶ kä cukɛ cieŋ wi̱i̱ni Yɛ-cuwä kɛnɛ Mo-la-dha kɛ Beth-pa-lɛt,

²⁷ kɛ Ä-dhar-caal kɛnɛ Ber-cɛ-ba kɛnɛ wi̱i̱kɛ,

²⁸ kä Dhik-lag kɛ Mɛ-ko-naa kɛnɛ wi̱i̱kɛ,

²⁹ kɛ Een-ri-mon kɛ Dhɔra kɛ Yar-muth,

³⁰ kɛ Dha-no-a kɛnɛ Ä-du-lam kɛ wi̱i̱kiɛn, kɛ La-kic kɛnɛ ka̱a̱kɛ kɛ Ä-dhe-ka kɛnɛ wi̱i̱kɛ. Cukɛ pua̱t nikä Ber-cɛ-ba cu mäni lo̱o̱l I-nɔm.

³¹ Cu ji̱ Ben-ya-min cieŋ kä Gabä a wä kä Mik-mac kɛnɛ A-yaa kɛ Beth-ɛl kɛnɛ wi̱i̱kɛ,

³² kɛ Ä-na-thoth kɛ Nob kɛ Ä-nan-yaa,

³³ kɛ Ɣa-dhor kɛ Rama kɛ Gi-ta-yim,

³⁴ kɛ Ɣa-did kɛ Dhɛ-bo-im kɛ Nɛ-ba-lat,

³⁵ kɛ Lod kɛnɛ Ono min la lo̱o̱l ta̱a̱thni.

³⁶ Kä cu tha̱a̱ŋ ji̱ Lii-bay tin te kä Juda wä cieŋ kɛɛl kɛ ji̱ Ben-ya-min.