Nɛ-ɣɛm-yaa 10 - RUAC KUƆTH IN RƐL RƆ

¹ Kä nɛy tin ca warɛgak thany ɛ rueec ni Nɛ-ɣɛm-yaa gat Ɣä-kɛ̈l-yaa gat Dhid-ki-yaa,

² kɛ Thɛ-ra-yaa kɛnɛ Ä-dhar-yaa kɛ Yir-mɛ-yaa,

³ kɛ Pɛ̈c-ɣur kɛnɛ Ä-mɛ̈r-yaa kɛ Mɛ̈l-ki-yaa,

⁴ kɛ Ɣɛ̈-tuc kɛnɛ Cɛ-bɛ̈n-yaa kɛ Mɛ̈l-uk,

⁵ kɛ Ɣa-rim kɛnɛ Mɛ-re-moth kɛ O-bad-yaa,

⁶ kɛ Da-ni-yel kɛnɛ Gi-nɛ-thon kɛ Ba-ruk,

⁷ kɛ Mɛ-cu-lam kɛnɛ Ä-bi-yaa kɛ Mi-ya-min,

⁸ kɛ Mɛ̈dh-yaa kɛnɛ Bil-gay kɛ Cɛ-mɛ̈-yaa, kɛn nɛy tɔ̱tɔ̱ kɛ bööth palä.

⁹ Kä ji̱ Lii-bay ɛ Yɛ-cuwä gat Ä-dhan-yaa kɛ Bi-nuwi kä gaat Ɣe-na-dad kɛnɛ Kɛ̈d-mi-el,

¹⁰ kɛ ji̱ maarädiɛn ni Cɛ-bɛ̈n-yaa kɛ Ɣo-di-yaa kɛnɛ Kɛ-li-ta kɛ Pɛ-la-yaa kɛnɛ Ɣa-nan,

¹¹ kɛ Mika kɛnɛ Rɛ-ɣob kɛ Ɣä-cɛ̈b-yaa,

¹² kɛ Dha-kur kɛnɛ Ce-reb-yaa kɛ Cɛ-bɛ̈n-yaa,

¹³ kɛ Ɣo-di-yaa kɛnɛ Bani kɛ Bɛ-ni-nu.

¹⁴ Kä bööth nath cua, Pɛ̈r-oc kɛnɛ Pɛ̈-ɣɛ̈th-mo-ab kɛ Ee-lam kɛnɛ Dhɛ̈tu kɛ Bani,

¹⁵ kɛ Buni kɛnɛ Ɛ̈dh-gad kɛ Be-bay,

¹⁶ kɛ Ä-do-ni-yaa kɛnɛ Big-way kɛ A-din,

¹⁷ kɛ A-ter kɛnɛ Ɣidh-ki-yaa kɛ Ɛ̈-dhur,

¹⁸ kɛ Ɣo-di-yaa kɛnɛ Ɣa-cum kɛ Be-dhay,

¹⁹ kɛ Ɣa-rip kɛnɛ Ä-na-thoth kɛ Nebay,

²⁰ kɛ Mag-pi-yac kɛnɛ Mɛ-cu-lam kɛ Ɣe-dhir,

²¹ kɛ Mɛ-ce-dha-bel kɛnɛ Dha-dok kɛ Ya-duwa,

²² kɛ Pɛ-lɛ̈t-yaa kɛnɛ Ɣa-nan kɛ Ä-na-yaa,

²³ kɛ Ɣo-ce-ya kɛnɛ Ɣä-nɛ̈n-yaa kɛ Ɣɛ̈-cub,

²⁴ kɛ Ɣɛ̈-lo-ɣec kɛnɛ Pila̱ kɛ Co-bek,

²⁵ kɛ Rɛ-ɣum kɛnɛ Ɣä-cab-naa kɛ Mä-the-yaa,

²⁶ kɛ Ä-ɣi-yaa kɛnɛ Ɣa-nan kɛ A-nan,

²⁷ kɛ Mɛ̈l-uk kɛnɛ Ɣa-rim kɛ Banaa.

Mat ruac

²⁸ Cu duɔth nath kɛ bööth palä kɛ ji̱ Lii-bay kɛ ga̱a̱ŋ thuɔk luaak kɛ këët din, kɛ la̱a̱t luaak Kuɔth kɛ nɛy diaal tëë ca rɔ̱ lɛ̈y go̱lä kä ji̱ wec kɛɛl kɛ mänkiɛn kɛ dhɔɔlkiɛn kɛ nyieekiɛn kɛ kui̱ ŋuɔ̱tni Kuɔth, nɛy diaal tin ŋa̱ckɛ ŋɔak kä dëë ruac liŋ,

²⁹ cukɛ rɔ̱ ma̱t gaatmani, kɛ nɛy tin luɔ̱thkɛ, cukɛ rɔ̱ mat rɛy lamä kɛnɛ ya̱c kɛ ɣöö bikɛ guɔ̱ɔ̱r ni ŋuɔ̱t Kuɔth tëë ci ja̱ŋ Kuɔth ni Muthɛ kɛ lat, kɛnɛ ɣöö bikɛ Luëëk Kuɔth Nhial ni Kuäära diaal tit, kä bakɛ la̱t kɛnɛ ciɛŋkɛ.

³⁰ Kä /canɛ nyieekɔn bi jak kä kuɛ̈nkɛ ɛ ji̱ muɔ̱ɔ̱n ɛmɛ kä /canɛ gaatkɔn bi jak kä kuɛ̈nkɛ nyieekiɛn.

³¹ Kä mi wä kɛn nɛy ti̱ti̱ bɛl ko̱kä wä nööŋ kɛ cäŋ lɔ̱ŋä ti ba ben kɔak, /canɛ kɛ bi kɔk kä kɛ kɛ cäŋ lɔ̱ŋä kiɛ kɛ cäŋ in /ci naath lät thi̱n. Kä kɛ bärɔw runi /ca bɛl bi pith kä ba ŋuäl diaal päl.

³² Kä cakɔ jɛ lar ɛn ɣöö bi ram ɔ kä kɔ taripdɛ a tho̱p kɛ kui̱ la̱t luaak Kuɔthda,

³³ kɛ kui̱ jurayä wec tharbëtdä kɛnɛ muc bɛɛl kɛ muc in waŋkɛ ni ciaŋ kɛnɛ muc ca̱ŋ lɔ̱ŋä kɛ tuk path kɛnɛ ni̱n ti̱mä tin ca mɛk, kɛ kui̱ mucni ti rɛ̈l kɛ rɔ̱, kɛnɛ kui̱ mucni dui̱rä tin luɛ̈lkɛ ji̱ I-thɛ-rɛl, kɛ kui̱ lätni diaal rɛy luaak Kuɔthda.

³⁴ Kä cuakɔ gaakni yuɔr bä kɔn bööth palä kɛ ji̱ Lii-bay kɛ naath, kɛ ɣöö ba ŋa̱c ɛ nɛy diaal ɛn ɣöö bi dhɔr kɛl jiɛn nööŋ rɛy Luaak Kuɔthda mɔ kɛ gua̱a̱th in ca lar kɛ ruɔ̱n, kɛ ɣöö bakɛ ben pɛt wi̱i̱ yi̱kä Luaak Kuɔth Nhial ni Kuothda, ce̱tnikɛ min ca gɔ̱r ɛ ŋuɔ̱t.

³⁵ Kä bakɔ key bɛɛlkɔ kɛnɛ key dɛɛni jiɛn diaal tin nhiam nööŋ rɛy Luaak Kuɔth Nhial run kä run.

³⁶ Ce̱tnikɛ min ca gɔ̱r rɛy ŋuɔ̱tni, bakɔ key gankɔ kɛnɛ ɣɔ̱ɔ̱kɔ kɛ key deetkɔ nöŋ bööth palä tin lät rɛy Luaak Kuɔthda.

³⁷ Kä bakɔ duel kuakni Luaak Kuɔthda kɛnɛ bööth palä nöŋ muc bɛɛl kɛnɛ dɛy jiɛn diaal tin nhiam, kɛ kɔaŋ kɛnɛ liɛɛth. Kä bakɔ ji̱ Lii-bay nöŋ wa̱l wa̱a̱li bɛɛlkɔ, kɛ ɣöö kɛ ji̱ Lii-bay la kɛn tɔ̱ la ma̱a̱t kɛ kɛ tɔ̱ rɛy wi̱i̱nikɔ diaal.

³⁸ Kä bi bo̱o̱th palä min la gat Ä-ron tekɛ ji̱ Lii-bay guäth in kän ji̱ Lii-bay wa̱l wa̱a̱li. Kä bi ji̱ Lii-bay wäl wääli wa̱l wa̱a̱likiɛn nööŋ Luaak Kuɔthda, rɛy duëël kuakni.

³⁹ Kä bi ji̱ I-thɛ-rɛl kɛnɛ ji̱ Lii-bay, muc bɛɛl kɛnɛ kɔaŋ kɛ liɛɛth nööŋ duëël kuakni guäth in te kuak rɛ̈y Luaak Kuɔth thi̱n, kɛnɛ bööth palä kɛ ga̱a̱ŋ thuɔk Luaak kɛ këët din. /Cakɔ Luaak Kuɔthda bi päl talaaŋä.