Mɛ̈t 5 - RUAC KUƆTH IN RƐL RƆ

Ŋi̱i̱c Yecu kɛ naath wi̱i̱ pa̱a̱m

¹ Mëë ci Yecu bua̱n nɛn, cuɛ wä wi̱i̱ pa̱a̱m, kä cu nyuur, kä cu ji̱ kɔaarɛ ben kä jɛ.

² Cuɛ thokdɛ lɛp, kä cuɛ kɛ ŋi̱eec,

Tɛ̈th lɔaac in thuɔ̱k

³ Cu Yecu wee i̱, “Puɔ̱th akɛ nɛy tin ŋa̱ckɛ rɔ̱ ɛn ɣöö kɛ can rɛydiɛn, kɛ ɣöö kuäär nhial ɛ duŋdiɛn.

⁴ “Nɛy ti pär ca kɛ poth, kɛ ɣöö bakɛ bum.

⁵ “Nɛy ti mua̱l mua̱a̱l ca kɛ poth, kɛ ɣöö bi piny a duŋdiɛn.

⁶ “Nɛy ti näk buɔthkɛ kɛnɛ rɛw kɛ kui̱ cuŋni ca kɛ poth, kɛ ɣöö ba kɛ riäŋ.

⁷ “Nɛy ti kɔ̱c lo̱ckiɛn cakɛ poth, kɛ ɣöö bikɛ kɔ̱a̱c lɔaac jek.

⁸ “Nɛy ti buɔy lo̱ckiɛn cakɛ poth, kɛ ɣöö bikɛ Kuoth guic.

⁹ “Nɛy ti la̱a̱t malä cakɛ poth, kɛ ɣöö bakɛ cɔl i̱ gaat Kuɔth.

¹⁰ “Nɛy ti ca moc riɛk kɛ kui̱ ciɛŋä cuŋni cakɛ poth, kɛ ɣöö kuäär nhial ɛ duŋdiɛn.

¹¹ “Ca yɛ poth mi kueth naath yɛ, kä muɔckɛ yɛ rik, kä la̱tkɛ yɛ jiäk diaal, kɛ ka̱a̱cni kɛ kui̱dä.

¹² Dɔalɛ to̱k, kä a lo̱ckun tɛth, kɛ ɣöö mucdun cieŋ nhial ɛ mi di̱i̱t, kä cikɛ göök Kuɔth tëë wal moc rik inɔ.”

Milɛ kɛnɛ buay

¹³ “Yɛn lapɛ milɛ ji̱ wec muɔ̱ɔ̱n, kä mi ci wac milɛ thuuk, dëë wacdɛ nyɔk kɛ loc thi̱n i̱di? /Cɛ lɛ ŋot kɛ gɔɔy, kä ɛ ni ɣöö dëë jɛ yäk, kä dëë jɛ dɔny kä piny ɛ naath.

¹⁴ “Yɛn lapɛ buay ɣɔaa. Wec mi ca la̱t wi̱i̱ pa̱a̱m /ca jɛ dee tɛ̱̈ɛ̱̈.

¹⁵ /Ci naath mac dee dɔp kä la̱th kɛ jɛ thaar diëny, ba jɛ kuëŋ wi̱i̱kä duɔ̱ɔ̱r, kä mɛrɛ nɛy diaal tin te dueel.

¹⁶ Kɛ jɛn duɔ̱ɔ̱p ɛmɔ a buaydun buɔy nhiam nath, kɛ ɣöö bikɛ lätkun ti gɔw nɛn, kä bikɛ Guurun in te nhial liak.”

Ŋi̱i̱c kɛ kui̱ ŋuɔ̱t Muthɛ

¹⁷ “/Cuarɛ jɛ car i̱ ɣän ba̱a̱ kɛ ɣöö bä ŋuɔ̱t Muthɛ kɛnɛ ŋi̱i̱c göökni woc. /Cä bä kɛ wuɔ̱cdiɛn, ba̱a̱ kɛ ɣöö bikɛ a thuɔ̱ɔ̱k.

¹⁸ Kɛ ɣöö ɛpuc ɣän la̱rä jɛ yɛ, min ŋot nhial kɛnɛ piny thi̱n, thilɛ duɔ̱ɔ̱r kɛl kiɛ riet mi tɔt mi ba woc kä ŋut amäni mi ci ŋɔak diaal thuɔ̱k.

¹⁹ Kä ram mi lo̱k ŋut kɛl mi tɔt, kä nyuthɛ naath lo̱k ŋuɔ̱tni, ba jɛ cɔl i̱ mi tɔt cieŋ Kuäär nhial. Kä ram mi lät kɛ kä ŋi̱i̱cɛ kɛ, ba jɛ cɔl i̱ mi di̱i̱t cieŋ kuäär nhial.

²⁰ Kɛ ɣöö ɣän la̱rä jɛ yɛ, yɛn /cia bi met wä rɛy ciëŋ kuäärä nhial, ɛ ni mi leny ciaŋ cuŋnidun cuŋ ji̱ gɔ̱rä kɛnɛ ji̱ Pa-ri-thii.”

Ŋi̱i̱c Yecu kɛ kui̱ gaak

²¹ “Cia jɛ liŋ ɛn ɣöö ca jɛ la̱r nɛy tëë wal i̱, ‘/Cu raan näk, kä ram mi wä raan näk, ba jɛ naŋ guäth luɔ̱k.’

²² Kä ɣän la̱rä jɛ yɛ, ram mi wä ŋɛ̈ɛ̈ny kɛ gatman ro̱ŋɛ kɛ naŋ guäth luɔ̱k. Kä ram mi kueth gaatmani ro̱ŋɛ kɛ naŋ nhiam ji̱ luɔ̱k in di̱i̱t. Kä ram mi laar jɛ i̱, ‘Ɛ ji̱n dɔ̱a̱r!’ Ro̱ŋɛ kɛ yor maac mi thil pek.

²³ Kä mi tho̱pi mucdu wi̱i̱ yi̱kä, kä ci jɛ tim ɛn ɣöö te gatmuɔɔr kɛ mi gaakɛ kɛ ji̱,

²⁴ bänyni mucdu ɛn wi̱ni, kä wër, kɔanɛ loc maarä yɛnɛ gatmuɔɔr, kä bi ben bi mucdu ben thöp.

²⁵ “Latdɛ määth kɛ pɛ̈th yɛnɛ ram in gɔɔny ji̱, mi wiaa guäth luɔ̱k, kiɛ bɛ ji̱ naŋ nhiam kua̱r luɔ̱k, kä bi kuäär luɔ̱k ji̱ thöp yiëën, kä ba ji̱ la̱th dueel yieenä.

²⁶ Ɛpuc, ɣän la̱rä jɛ ji̱, /ca ji̱ bi met lony mi /keni pek yio̱o̱ni diaal thöp.”

Ŋi̱i̱c Yecu kɛ kui̱ dhöm

²⁷ “Cia jɛ liŋ ɛn ɣöö ca jɛ lar i̱, ‘/Cu dho̱m.’

²⁸ Kä ɣän la̱rä jɛ yɛ, ɛn ɣöö ram mi bɛɛc ciek kiɛ nyal, cɛ ku thuŋ dhɔm kɛ rɛy lɔaacdɛ.

²⁹ Kä mi ci waŋ cuëëcdu ji̱ jakä dui̱r, lɔl ɛ kä yäk ɛ. Ŋua̱n ni ta̱a̱ cuuŋä pua̱nydu kɛl jɔ̱ɔ̱r, kä yor pua̱nydu kɛɛliw maac mi thil pek.

³⁰ Kä mi ci tet cuëëcdu ji̱ jakä dui̱r, tɛm ɛ kä yäk ɛ. Ŋua̱n ni ta̱a̱ cuuŋä pua̱nydu kɛl jɔ̱ɔ̱r, kä yor pua̱nydu kɛɛliw maac mi thil pek.”

Ŋi̱i̱c Yecu kɛ kui̱ däkä ciëk

³¹ “Kä ca jɛ lar bä i̱, ‘Ram mi däk ciekdɛ, a jɛ moocɛ kɛ warɛgak däkä.’

³² Kä ɣän la̱rä jɛ yɛ, ram mi däk ciekdɛ a cäŋ /kenɛ mi jiääk la̱t, cɛ ciek ɛmɔ jak kä dho̱m mi ca ciek ɛmɔ nyɔk kɛ kuën. Kä ram mi kuɛɛn ciek mi kɛ̈ɛ̈ ɛn ram ɛmɔ cɛ dhɔm.” mi ɛ kui̱ dhöm. Kä ram mi kuɛɛn ciek ni kɛ̈ɛ̈ cɛ dhɔm.

Ŋi̱i̱c Yecu kɛ kui̱ yäcä

³³ “Kä cia jɛ liŋ bä ɛn ɣöö ca jɛ la̱r nɛy tëë wal i̱, ‘/Ci rɔ bi yac baaŋ, kä lätni min ci yac kɛ kui̱ Kua̱r ni Kuoth.’

³⁴ Kä ɣän la̱rä jɛ yɛ, /cu rɔɔdu yac ɛ tɛk, kɛ nhial, kɛ ɣöö ɛ jɛn kɔm nyuurä Kuɔth,

³⁵ kiɛ piny, kɛ ɣöö ɛ cääk ciöknikɛ, kiɛ kɛ Jɛ-ru-tha-lɛm, kɛ ɣöö ɛ wec Kua̱r in di̱i̱t.

³⁶ Kä /cu rɔ yac kɛ wi̱cdu, kɛ ɣöö /ci mi̱em kɛl dee jakä bo̱r kiɛ ca̱r.

³⁷ A mi latdi la ɣöö i̱, ‘Ɣɔ̱ɔ̱n’ kiɛ ‘Ëëy’. Kä mi latdi mi leny mɛmɛ bëë kä gua̱n jiäkni.”

Ŋi̱i̱c Yecu kɛ kui̱ cutdä

³⁸ “Cia jɛ liŋ ɛn ɣöö ca jɛ lar i̱, ‘Waŋ kɛnɛ waŋ, kɛ ley kɛ ley.’

³⁹ Kä ɣän la̱rä jɛ yɛ, /cu rɔ col kɛ ram mi ci ji̱ lät kä duer. Kä mi ci raan tha̱a̱ŋ cuëëcdu pat, lɛni jɛ lɛ riet pek in dɔ̱ŋ.

⁴⁰ Kä mi ci raan bi̱i̱du ka̱n kɛ luk, a jɛ kän bi̱i̱du in dɔ̱ŋ bä.

⁴¹ Kä mi ci raan ji̱ kok i̱ bi wä kɛɛl kɛ jɛ kɛ ja̱l mi räth kä ki̱lumi̱ti̱r kɛl, rep ja̱lu kɛ jɛ kɛɛl kɛ ki̱lumi̱ti̱ri da̱ŋ rɛw.

⁴² Moc ram mi lim ji̱, kä /cu ram mi kän duɔ̱ɔ̱r kɛ ŋua̱l kä ji̱ pen ŋua̱l.”

Ŋi̱i̱c Yecu kɛ kui̱ nhök ji̱ tɛ̈r

⁴³ “Cia jɛ liŋ ɛn ɣöö ca jɛ lar i̱, ‘Nhɔk gua̱n thieekädu, kä nyir gua̱n tɛ̈ru.’

⁴⁴ Kä ɣän la̱rä jɛ yɛ i̱, ‘Nhɔakɛ ji̱ tɛ̈run kä palɛ kɛ kui̱ nɛɛni tin muɔckɛ yɛ kɛ riɛk,

⁴⁵ kɛ ɣöö bi yɛn a gaat Guurun in te nhial kɛ ɣöö jakɛ cäŋdɛ kä lɛp kä nɛy ti jiäk kɛnɛ nɛy ti gɔw, kä jäkɛ nhiaal kä ji̱ cuŋni kɛnɛ nɛy ti thil cuŋ.

⁴⁶ Kä mi nhɔk yɛn ni nɛy tin nhɔakɛ yɛ, ɛ muc ŋu kä bia jek ɔ? Kä /cɛ jɛn min la̱tkɛ ɛ thuɔ̱ɔ̱l tho̱lbo̱kä bä?

⁴⁷ Kä mi nërɛ ni dämuɔɔri kärɔ̱, leny la̱tdun lät nɛɛni tin kɔ̱kiɛn i̱di? /Cɛ mäni jur inɔ bä?

⁴⁸ Kɛ kui̱ ɛmɔ bi yɛn gɔw ɛlɔ̱ŋ, ce̱tkɛ Guurun in te nhial.’ ”