Mɛ̈l 2 - RUAC KUƆTH IN RƐL RƆ

¹ “Kä täämɛ lö bööth palä, ruac ɛmɛ ɛ duŋdun.

² Mi wëë wä tey a /cia bi liŋ, kä /cia bi la̱th lɔɔcdun a bia ciötdä liak. Ɣän bä yɛ jäk kä kuëth, kä bä puɔ̱thdun jak kä kuëth. Kä cä yɛ ku thuŋ kuɛth, kɛ ɣöö /ka̱nɛ kɛ la̱th lɔɔcdun, ruac ni ɣän Kuoth Nhial in la Ruey Ɣɔaa.

³ Ɣän bä gaatkun däk, kä bä nhiamdun ki̱eth jiäk mucnikun. Kä bä yɛ woc nhiamdä.

⁴ Kä ŋa̱cɛ jɛ ɛn ɣöö ruac ɛmɛ ja̱k kä jɛ kä yɛ, dɔ̱ŋ bi mat ruacdä kɛ Lii-bay te wa̱nɔ, ruac ni ɣän Kuoth Nhial in la Ruey Ɣɔaa.

⁵ Kɛ ɣöö mat ruacdä kɛ kɛ, ɛ mat teekä kɛnɛ mal, cäkɛ ka̱m jɛ kɛ ɣöö bɛ ɣä luɔ̱th. Kä cuɛ ɣä luɔ̱th amäni ciötdä.

⁶ Kä cuɛ la̱t ni thuɔ̱k, cuɛ thil duer mi cuɛ la̱t. Kä cuɛ la̱t ni cuŋ, kä cuɛ nɛy ti ŋuan ri̱t dueeri.

⁷ Kä dee bo̱o̱th palä lat ni ŋäc, kä dee naath ruac thiec kä jɛ, kɛ ɣöö ɛ jääk Kuɔth Nhial in la Ruey Ɣɔaa.

⁸ Kä cia päl ni duɔ̱p, kä cia nɛy ti ŋuan jak kä la̱tkɛ dueer kɛ ruacdun. /Cia mat ruac kɛ Lii-bay yia̱r, ruac ni ɣän Kuoth Nhial in la Ruey Ɣɔaa.

⁹ Kä ɣän cä yɛ kuɛth kä bä yɛ jak kä lökɛ, kä yakɛ ɛ nɛy diaal, kɛ ɣöö /ka̱nɛ guɔ̱ɔ̱r ni dupkä. Cia nyoth ni ŋi̱i̱cdun.”

Thil ŋäthä ji̱ Juda

¹⁰ A /ci kɔn diaal kua̱ gaat wutdä? Kä /ciɛ Kuoth kɛl cak kɔn ɔ? Kä ɛŋu lo̱knɛ mat ruac gua̱nikɔn ɔ, kɛ thil ŋäthä kamni kɔn ɔ?

¹¹ Ci Juda thil ŋa̱th, kä lät ji̱ I-thɛ-rɛl kɛnɛ ji̱ Jɛ-ru-tha-lɛm ni dueer. Ci ji̱ Juda luak in nhɔk Kuoth Nhialɛ yia̱r, kɛ kuëndiɛn kɛ män ti palkɛ ni kuth kɔ̱kiɛn.

¹² Bi Kuoth Nhial ram in lät nɛmɛ woc rɛy ji̱ I-thɛ-rɛl, a cäŋ cɛ Kuoth Nhial in la Ruey Ɣɔaa thöp muc bä.

¹³ Kä bi nɛmɛ nyɔk kɛ lätni. Bi yi̱k Kuɔth Nhial kum kɛ mer. Kä bi wiee kɛ ɣöö /cɛ mucku bi nhɔk tetkädu.

¹⁴ Kä bi thiec i̱, “Ɛŋu cɛ kɛ nhɔk ɔ?” Ɛ ɣöö Kuoth Nhial ɛ neen kamdu yɛnɛ ciek ëë kuɛɛni ŋuɛɛtädu, mëë curi thil ŋa̱th kɛ jɛ, cäŋ ni mëë ɛ ciekdu kɛ ŋuɔ̱t.

¹⁵ Kä /ciɛ Kuoth ɛn nëë jakɛ kä kɛl? Kä ri̱ŋ kɛnɛ yiëë kɛ nyinkɛ. Kä ɛŋu kɛ kɛl ɔ? Kɛ ɣöö bɛ tekɛ gaat ti la nɛɛ Kuɔth. Inɔ tiɛtdɛ rɔ̱, athil ram mi thil ŋa̱th kɛ ciek ŋuɛɛtädɛ.

¹⁶ “Kɛ ɣöö ɣän lökä da̱k, ruac ni ɣän Kuoth Nhial ni Kuoth I-thɛ-rɛl, kä lökɛ ram mi kum mi jiäk piny ce̱tkɛ min la rɔ a kumi kɛ bi̱i̱, ruac ni ɣän Kuoth Nhial in la Ruey Ɣɔaa.”

Cäŋ luɔ̱k

¹⁷ Cia Kuoth Nhial cuc kɛ laatkun. Kä ŋuɔtdɛ larɛ jɛ i̱, “Cuuc nɛy ɛ i̱di?” Kɛ ɣöö laar yɛnɛ i̱, “Nɛy diaal tin la̱tkɛ dueer i̱ gɔwkɛ nhiam Kuɔth Nhial, Kä nhɔkɛ kɛ.” Kiɛ kɛ thiec i̱, “Jɛn a nikä ɛn Kuoth cuŋni?”