Liib 3 - RUAC KUƆTH IN RƐL RƆ

Muc malä

¹ “Kä mi wä raan mucdɛ wä nööŋ, ala luur nyuaakä kä ɣɔ̱ɔ̱kɛ, tut kiɛ ŋuɔ̱t ala mi thil diw nhiam Kuɔth Nhial.

² Kä a bukɛ kä a jɛ näkɛ thok kɛmɛkä ro̱mä kɛ Kuoth Nhial nath kɛ Kuoth, kä bi gaat Ä-ron tin la bööth palä riɛmdɛ kiɛth pëkni yi̱kä da̱ŋ ŋuaan.

³ Kä ɛn muc matdä ɛmɔ, ba muc mi waŋkɛ Kuoth Nhial kɛnɛ paarɛ kɛɛliw kɛ kɔali jiɛcdɛ diaal.

⁴ Kɛ rokɛ diaal kɛn kɔalikiɛn amäni go̱o̱k cua̱ny.

⁵ Kä bi bööth palä kɛ waŋ wi̱i̱ yi̱kä, kɛ kɛ muc tin waŋ, kä bi miɛl luurä mi̱eth ɛmɛ a mi tɛth lɔc Kuɔth Nhial.

⁶ “Kä mi wä mucdɛ a kɛl kä rɔɔmkɛ kiɛ böwnikɛ ala mi thil diw.

⁷ Kä mi wee thöp ni ruath rɔɔmä a jɛ nööŋɛ nhiam Kuɔth Nhial.

⁸ Bi jɛ buk kä bɛ cu näk thok kɛmɛkä ro̱mä kɛ Kuoth Nhial. Kä bi bööth palä riɛmdɛ kiɛth kui̱ni yi̱kä diaal.

⁹ Kä bikɛ cuŋkɛ ti̱ti̱ ka̱m Kuoth ala luur mi̱eth, thiɔlɛ kɛnɛ thiɔl jua̱a̱lɛ tɛmɛ ni ɣo̱o̱ydɛ kɛ paar jiɛcdɛ ni kɛɛliw.

¹⁰ Amäni rokɛ nikɛ kɔalikiɛn kɛnɛ go̱o̱k cua̱nydɛ.

¹¹ Kä bi bööth palä kɛ waŋ wi̱i̱ yi̱kä ala luur mi̱eth Kuɔth Nhial.

¹² “Kä mi wä raan mucdɛ a dɛl mi böw, a jɛ thöpɛ nhiam Kuɔth Nhial.

¹³ Bɛ jɛ buk kä bɛ cu näk thok duëël ro̱mä. Kä bi bööth palä riɛmdɛ kiɛth kui̱ni yi̱kä da̱ŋ ŋuaan.

¹⁴ Kä bɛ cuŋkɛ ti̱ti̱ thöp Kuoth Nhial ala luur mi̱eth, thiɔl jiɛcdɛ ni kɛɛliw.

¹⁵ Kɛɛliw amäni rokɛ kɛ thiɔliɛn kɛ kɛ go̱o̱k cua̱ny.

¹⁶ Kä bɛ kɛ waŋ wi̱i̱ yi̱kä ala luur mi̱th mi tɛth lɔc Kuɔth Nhial.

¹⁷ Kä ɛn nɛmɛ bɛ la ŋuɔ̱t kä gaat I-thɛ-rɛl, gua̱th ɛ bikɛ tëk thi̱n ɔ, ɛn ɣöö thilɛ ram mi bi thiɔl kiɛ riɛm cam, rɛy ri̱cnikiɛn diaal.”