Liib 18 - RUAC KUƆTH IN RƐL RƆ

Ciaŋ luɔ̱m mi jiääk

¹ Cu Kuoth Nhial Muthɛ jiök i̱,

² “Ruacni kɛ ji̱ I-thɛ-rɛl jiök nikɛ i̱, ‘Ɛ ɣän Kuoth Nhial Kuothdun.

³ /Cuarɛ guur ni lät ji̱ I-jëp, gua̱a̱th ëë cieŋɛ thi̱n. /Kä cuarɛ guur ni lät ji̱ Kɛ-naan gua̱th ɛ naŋä yɛ thi̱n ɛ, /cuarɛ guur ni ciɛŋkiɛn.

⁴ Bia luɔ̱th ni ŋuɔ̱t kä, kä bia la̱t ni min cä lar. Ɛ ɣän Kuoth Nhial Kuothdun.

⁵ Tiɛtdɛ ŋuɔ̱tkä kä ka̱pɛ laatkä, kɛ ɣöö ram mi bikɛ tit, bɛ tëk kɛ kɛ. Ɛ ɣän Kuoth Nhial.

⁶ “ ‘A thil ram mi bi rɔ thieek kɛ gua̱n maarädɛ i̱ bɛ jɛ ka̱n. Ɛ ɣän Kuoth Nhial.

⁷ /Cu lɔc guur jak kä jiäk kɛ känidu kɛ muɔr. Kɛ ɣöö ɛ muɔr /cu ta̱dɛ baaŋ guic.

⁸ Kä /cu ciek guur kän, kɛ ɣöö /ci lɔcdɛ bi jiäk.

⁹ Kä /cu nyimuɔɔr kän, nya ciek guur kiɛ nyimuɔɔr, ca dap cieŋ kiɛ läkä.

¹⁰ Kä /cu tɔ̱ɔ̱c kɛ nyiee ganku kiɛ nyier nyieetku, kɛ ɣöö ɛ pöcdu.

¹¹ Kä /cu tɔ̱ɔ̱c kɛ nya ciek guur, mi di̱ethkɛ guur, ɛ nyimuɔɔr.

¹² Kä /cu tɔ̱ɔ̱c kɛ nyimani guur, kɛ ɣöö kɛ wayniku.

¹³ Kä /cu tɔ̱ɔ̱c kɛ nyiman muɔr, ɛ muɔlen.

¹⁴ /Cu gulen lɔcdɛ jak kä jiäk kɛ tɔ̱ɔ̱cdu kɛ ciekdɛ, kɛ ɣöö ɛ muɔr.

¹⁵ /Cu tɔ̱ɔ̱c kɛ nya nyimuɔɔthu kiɛ nya dämuɔɔthu.

¹⁶ /Cu tɔ̱ɔ̱c kɛ ciek dämuɔɔr, kɛ ɣöö /ci bi thil luth kä gaat muɔr.

¹⁷ Kä /cu bi tɔ̱ɔ̱c kɛ ciek kɛnɛ nyadɛ kiɛ kɛ nya gatdɛ kiɛ nya nyaadɛ kɛ ɣöö dëë kɛ maar kɛ ji̱, tɔ̱tɔ̱ jäkɛ.

¹⁸ Cu nyiman ciekdu kän bä ala ciekdu kä te ciekdu te̱e̱kä.

¹⁹ “ ‘Kä /cu bi tɔ̱ɔ̱c kɛ ciek guäth in tekɛ riɛm, jɛn jiäkɛ.

²⁰ Kä /cu bi tɔ̱ɔ̱c kɛ ciek thiekädu a bi rɔ yär kɛ jɛ.

²¹ Kä /cu gat thöp kuoth Mo-lɛk kä gaatku, kɛ ɣöö /ci ciöt Kuɔthdu bi jiääk. Ɛ ɣän Kuoth Nhial.

²² /Cu tɔ̱ɔ̱c kɛ wut dɔ̱diɛn, lok Kuoth ɛ.

²³ A thil wut kiɛ ciek mi bi tɔ̱ɔ̱c kɛ le̱y ɛ buɔ̱m, bɛ ji̱ yär.

²⁴ “ ‘Kä /cu puɔ̱nydu yär kɛ duɔ̱p kɛl kä ti̱ti̱. Kɛ ɣöö kɛ kɛn dup tin ya̱r kɛ nɛy ti wa̱a̱ tuɔ̱k raar ti.

²⁵ Amäni mun bä cɛ jiääk, inɔ ca däk kɛ kui̱ dui̱rädɛ, kä ci mun nɛy tin ciäŋ thi̱n cu ŋɔak raar.

²⁶ Kɛ kui̱ ɛmɔ bia tit ni ŋuɔ̱tkä kɛnɛ ruaacnikä. Yɛn ji̱ I-thɛ-rɛl kɛ nɛy tin rööl tin ciëŋ rɛydun, bɛ thil ram mi lät tin ya̱rkɛ naath.

²⁷ Kɛ ɣöö kɛn ti̱ti̱ ca kɛ la̱t ɛ nɛy tëë ciaŋ kɛ mun ɛmɛ nhiamdun, kä ca mun jak kä jiäk.

²⁸ Kä mi wä yɛn mun jak kä jiäk, bɛ yɛ ŋɔak raar ce̱tnikɛ mëë cɛ nɛy tëë cieŋ thi̱n nhiamdun kɔn ŋɔak raar.

²⁹ Kä ɛn ram ɔ bi duɔ̱ɔ̱r la̱t ɔ kä ti̱n ya̱rkɛ naath, kɛn nɛy tɔ̱tɔ̱ bakɛ tuɔ̱k raar rɛy nɛɛnikiɛn.

³⁰ Kɛ kui̱ ɛ mɔ bia tit ni ŋuɔ̱tkä, kä /cuarɛ guur ni lät nɛɛni tëë kɔan mun ɛ mi ciɛŋ nhiamdun, kä /cuarɛ pua̱nykun ya̱r kɛ lätni kä duɔ̱ɔ̱r kä tin ya̱r kɛ naath. Ɛ ɣän Kuoth Nhial Kuothdun.’ ”