Liib 11 - RUAC KUƆTH IN RƐL RƆ

Ley ti dëë cam

¹ Ɛ jɛn Cu Kuoth Nhial Muthɛ kɛnɛ Ä-ron jiök i̱,

² “Jiökɛ ji̱ I-thɛ-rɛl i̱, ti̱ti̱ kɛ kɛn tin tëk tin bia mi̱th thi̱n kä le̱y diaal tin cieŋ wi̱i̱ muɔ̱ɔ̱n.

³ Bia le̱y diaal tin tekɛ barkakni da̱ŋ rɛw kä nyɔakɛ wal bia kɛ cam.

⁴ Kä le̱y tin nyɔakɛ wal kä thil kɛ barkakni da̱ŋ rɛw, /cia kɛ bi cam. Ce̱tkɛ thɔ̱rɔ̱l, nyɔkɛ wal kä thil ɛ jɛ barkak. Jiäkɛ kɛ yɛ.

⁵ Amäni kuŋɛ̈k bä nyɔkɛ wal kä thil ɛ jɛ barkakni da̱ŋ rɛw, jiäkɛ kɛ yɛ.

⁶ Lëërcandak nyɔkɛ wal kä thil ɛ jɛ barkakni da̱ŋ rɛw jiäkɛ bäkɛ yɛ.

⁷ Kä kundhur tëë kɛ barkakni da̱ŋ rɛw, kɛ ɣöö /cɛ wal nyɔk, jiäkɛ kɛ yɛ.

⁸ Kɛn le̱y ɛ tɔ̱ cuarɛ kɛ cam, kä cuarɛ ri̱ŋdiɛn thiap mi ci duɔ̱ɔ̱r li̱w kɛ ɣöö jiäkɛ.

⁹ “Kä yɛn camɛ rɛc diaal tin te rɛy bäpdiit kɛnɛ rɛy kiɛri kä tekɛ kuac kɛnɛ nyim,

¹⁰ kä kɛn tin diaal tin tëk rɛy pi̱i̱ni, kä thil kɛ ji̱th kɛnɛ nyim, cuarɛ kɛ cam, jiäkɛ kɛ yɛ.

¹¹ Kä kɛ ɣöö jiäkɛ kɛ yɛ, /cuarɛ ri̱ŋkiɛn cam, kä /cuarɛ kɛ thiap.

¹² Kä /cuarɛ tin diaal tin tëk rɛy pi̱i̱ni kä thil kɛ ji̱th kɛnɛ nyim cam.

¹³ “Kä ti̱ti̱ kɛ diit tin cia bi cam kɛ ɣöö kɛ diit ti jiäk. Cuɔr, kui̱k cuɔr, nyoŋgol, kue̱y,

¹⁴ manliɛɛth kɛ cätdiɛn,

¹⁵ wuɔ̱t, käät,

¹⁶ jakɔa̱a̱k kɛ cätdiɛn, wawaw,

¹⁷ mulguc, bo̱o̱ŋ,

¹⁸ ŋök rialbɛɛk, rumputh,

¹⁹ ŋabrɔkɛdhɔ̱t, bolwijua̱t, jiec, wɛrwɛri.

²⁰ “Kä kɔ̱a̱m diaal tin tekɛ gɔ̱k kä jäl kɛ ciök ŋuaan kɛ tin pär /ci kɛ ro̱ŋ kɛ mi̱eth.

²¹ Kä tin dëë cam kä kɛn kɔ̱a̱m ti tekɛ gɔ̱k ti kä jäl kɛ ciök ŋuaan, kɛ tin tekɛ ciök rɛw ti kac kɛ kɛ.

²² Rɛydiɛn camɛ ra̱a̱kni kɛ cätkiɛn, kɛ diɛɛri kɛ cätkiɛn, kɛ yɔŋyɔŋni kɛ cätkiɛn.

²³ Kä ɛ ni ɣöö kɛn kɔ̱a̱m diaal tin tekɛ gɔ̱k kä tekɛ ciök ŋuaan /cikɛ ro̱ŋ kɛ mi̱eth.

²⁴ “Kä kɛ kɛn ti̱ti̱ bapua̱nykun ya̱r, kɛ ɣöö mi wä raan pua̱nykiɛn wä thiap bɛ jiäk amäni thiaŋ.

²⁵ Kä ram mi wä kɛl wä käp kä ri̱ŋkiɛn, a jɛ lak bieynikɛ, kä bɛ jiäk mäni thiaŋ.

²⁶ Kä le̱y diaal tin tekɛ barkak mi /kenɛ bakdäär kä /ci wal nyɔk /cɛ rɔ lot kɛ mi̱eth, kä ram ɔ wä ri̱ŋkiɛn wä thiapɔ, bɛ jiäk.

²⁷ Kä le̱y diaal tin jäl kɛ ciök ŋuaan kä jäl kɛ ŋuul cio̱kdɛ jiäkɛ, kä ram ɔ bi ri̱ŋdiɛn guëërɔ bɛ jiääk mäni thiaŋ.

²⁸ Ɛn ram ɔ wä kɛ nyɔt ɔ, a jɛ lak bieynikɛ, kä bɛ jiääk mäni thiaŋ kɛ ɣöö kɛ le̱y ti jiäk /ca rɔ lot kɛ mi̱eth.

²⁹ “Kä ti̱ti̱ kɛ tin /ca rɔ lot kɛ yɛ i̱ dëë cam kä tin diaal tin la muɔl piny, lo̱o̱kuɛ̈ɛ̈t kɛnɛ kun kɛ ke̱r ke̱r kɛ cätkiɛn,

³⁰ lo̱o̱kuɛ̈ɛ̈t kɛnɛ gaany ke̱r ke̱r thɔa̱a̱l kɛ nyuɛ̈ɛ̈nyga̱w.

³¹ Kɛn ti̱ti̱ diaal kä muɔl piɛny jiäkɛ kɛ mi̱eth kä ram mi wa ri̱ŋ duɔ̱ɔ̱rä wä thiap a cäŋ cɛ li̱w bɛ jiääk ɛn ram ɛmɔ mäni thiaŋ.

³² Kä mi wä kɛl li̱w kä kɛ, kä bɛ pɛn kä duɔ̱ɔ̱r cɛ jiääk ɛn nɔmɔ, kä nyin cieŋ, ɛ jiath kiɛ ɛ bi̱i̱ kiɛ köl kiɛ dua̱l, bat ɛ jɛ pi̱i̱ni, cɛ bi gɔaa mäni thiaŋ, kä kɛ kɔrɛ bɛ cu gɔaa.

³³ Kä mi wee pɛn rɛy dhar, kɛn tin diaal tin te thi̱n cikɛ jiääk kä bia tiath ɛn dhaarɛ mɔ.

³⁴ Kä mi̱eth in camkɛ, mi /ka̱n kɛ pikɛ ɛn rɛy dhar ɛ mɔ, cɛ jiääk amäni pi̱ tin mathkɛ bä mi jälɛ ɛn rɛy dhar ɛmɔ, cikɛ jiääk.

³⁵ Pekdɛ duɔ̱ɔ̱r mi Ci ri̱ŋdiɛn pɛn thi̱n cɛ jiääk, ɛ dhaar tha̱t cɛ pɛn thi̱n ɔ kiɛ ɛ yi̱k, ba tiëëth ni ŋëëtni. Kɛ ɣöö cikɛ lɛn ŋot kɛ gɔɔy kä cikɛ dëë lɛ gɔw kɛ yɛ.

³⁶ Kä mi wee pɛn kä jiw kiɛ wa̱t pi̱, bikɛ ŋot kɛ gɔɔy, duundɛ ni ɣöö ram ɔ bi puɔ̱ny kä duɔ̱ɔ̱r thiap ɔ bɛ jiääk.

³⁷ Kä mi wee pɛn rɛy bɛɛl tin bapi̱th, bikɛ ŋot kɛ gɔɔy.

³⁸ Kä mi wee wa̱a̱ pi̱ tin wackɛ bɛɛl cɛ pɛn thi̱n ɔ, cɛ jiääk kɛ kui̱dun.

³⁹ “Ɛ jɛn täämɛ mi ci le̱y li̱w kä le̱y tin camkɛ, kä wä raan ri̱ŋdɛ wä nyɔt bɛ jiääk amäni thiaŋ.

⁴⁰ Kä ram mi wä mi̱th kä ri̱ŋdɛ, a jɛ lak bieynikɛ, kä bɛ ŋot kɛ jiääk mäni thiaŋ. Kä ram mi wä ri̱ŋdɛ wä käp, a jɛ lak bieynikɛ kä /cɛ bi gɔaa amäni thiaŋ.

⁴¹ “Kɛn muɔl diaal tin mol wi̱i̱ muɔ̱ɔ̱n jiäkɛ kɛ mi̱eth.

⁴² Tin diaal tin ɣo̱y kɛ bapdiɛn, kiɛ tin jäl kɛ ciök ŋuaan, kiɛ tekɛ ciök ti ŋuan, /cuarɛ jɛ cam, kɛ ɣöö /cɛ rɔ lot kɛ mi̱eth.

⁴³ Cuarɛ pua̱nykun yär kɛ mi̱eth ri̱ŋ kä tin mol piny, cuarɛ rɔ bi jak kä jiäk kɛ kɛ.

⁴⁴ Ɛ ɣän Kuoth Nhial Kuothdu, tiɛtdɛ pua̱nykun kɛ bia gɔw kɛ ɣöö rɛl gɔɔydä rɔ. Cuarɛ rɔ jak kä jiäk kɛ muɔɔl piny.

⁴⁵ Ɛ jɛn ɣän Kuoth Nhial mëë käm yɛ raar kä I-jëp kɛ ɣöö ba̱a̱ Kuothdun, kɛ kui̱ ɛmɔ jakɛ rɔ kä ti gɔw kɛ ɣöö rɛl gɔɔydä rɔ.

⁴⁶ “Täämɛ ti̱ti̱ kɛ kɛn ŋuɔ̱t kɛ kui̱ le̱yni, kɛn diit, kɛ tin diaal tin tëk a jäl rɛy pi̱i̱ni kɛnɛ tin jäl wi̱i̱ muɔ̱ɔ̱n.

⁴⁷ Bia jɛ dhil ti̱t agɔaa kam kä mi gɔaa kɛnɛ mi jiääk, kam le̱yni tin dëë cam kɛn le̱y tin /ca cam.”