Kuen 36 - RUAC KUƆTH IN RƐL RƆ

Kui̱ ciek mi ca kuɛn

¹ Kä cu bööth dho̱ri kuayni Gil-yad gat Ma-kir gat Ma-na-thɛ, min la kuɛ̈ɛ̈ Jo-thɛp ben ruac nhiam Muthɛ kɛnɛ bööth, kɛ bööth thuk duëli ji̱ I-thɛ-rɛl.

² Kä cukɛ wee i̱, “Ci Kuoth Nhial ji̱ jiök i̱ kämni ji̱ I-thɛ-rɛl mun kɛ yor gaakni. Kä ci Kuoth Nhial ji̱ lɛni jiök i̱ kämni kui̱ dämaara ni Dhɛ-lɔ-pɛ-ɣadh nyieekɛ.

³ Mi wakɛ wä kuɛn ɛ gaat thuɔk duëël i̱ dɔ̱ŋ rɛy thuk duëli ji̱ I-thɛ-rɛl, ba kui̱diɛn naŋ kä kui̱ gua̱nikɔ, ba wä mat kui̱ thuɔk duëël in ba kɛ kuɛn thi̱n. Ba woc kä kui̱c in ci pɛn kä kɔ kɛ gaakni.

⁴ Mi wä ruɔ̱n lucä ŋɔaani wä ben ba kui̱diɛn mat kui̱ thuɔk duëël ɔ bakɛ kuɛn thi̱n ɔ. Ba kui̱diɛn ka̱n kä kui̱ thuɔk duëël gua̱nikɔ.”

⁵ Kä cu Muthɛ ruac kɛ ji̱ I-thɛ-rɛl ce̱tnikɛ ruac Kuɔth Nhial wee i̱, “Te thok duëël gan Jo-thɛp kɛ cuɔ̱ɔ̱ŋ.

⁶ Kä nɛmɛ ɛ min ci Kuoth Nhial ɛ lar kɛ kui̱ nyieet Dhɛ-lɔ-pɛ-ɣadh, ‘Akɛ kuɛ̈nkɛ ɛ ram in guic kɛnɛ gɔaa. Kä akɛ kuɛ̈nkɛ thok duëël gua̱ndiɛn kärɔa.

⁷ Kɛ ɣöö /Ca duŋ ji̱ I-thɛ-rɛl bi ka̱n thok duëëlɔ ba naŋ thok duëël in dɔ̱ŋ. Kä bi ramɔ kä ji̱ I-thɛ-rɛl kui̱c thuɔk duëël gua̱ni tit.

⁸ Kä nya mi ci kui̱c ka̱n kä thuk duëli ji̱ I-thɛ-rɛl diaal, ba ciek ram kɛl thok duëël gua̱n, kɛ ɣöö bi ramɔ ciɛŋ ni kui̱ gua̱n kä ji̱ I-thɛ-rɛl.

⁹ Thilɛ kui̱c mi ba ka̱n wa̱nɔ mi ba naŋ kui̱c in dɔ̱ŋ. Bi thok duëël ɔ kä thuk duëli ji̱ I-thɛ-rɛl kui̱dɛ tit.’ ”

¹⁰ Kä cu nyiee Dhɛ-lɔ-pɛ-ɣadh la̱t ni min ci Kuoth Nhial ɛ la̱r Muthɛ.

¹¹ Kä cua Maɣ-la kɛnɛ Ti̱r-dha, kɛ Ɔg-la, kɛnɛ Mil-ka kɛ Nowa nyiee Dhɛ-lɔ-pɛ-ɣadh kuɛn ɛ gaat thuɔk duëël gua̱ndiɛn.

¹² Cua kɛ kuɛn ɛ gaat Ma-na-thɛ gat Jo-thɛp, kä cu kui̱diɛn cu te thok duëël gua̱ndiɛn.

¹³ Kä cu tɔ̱tɔ̱ a ŋuɔ̱t tëë ci Kuoth Nhial kɛ la̱t Muthɛ kɛ kui̱ ji̱ I-thɛ-rɛl rɛy tɔ̱ɔ̱rä Mo-ab kui̱ yiëër Jɔr-dɛn kä Jɛ-ri-ko.