Kuen 33 - RUAC KUƆTH IN RƐL RƆ

Jiɛɛn kä I-jëp wädiɛn kä Mo-ab

¹ Nɛmɛ ɛ jiɛɛn ëë jiɛc kɛ ji̱ I-thɛ-rɛl muun I-jëp kɛ thuk duëlikiɛn kɛ böth Muthɛ kɛnɛ Ä-ron.

² Kä cu Muthɛ tuk jiɛɛnädiɛn gɔ̱r kɛnɛ gua̱th tëë la puɔ̱tkɛ thi̱n kɛ ruac Kuɔth Nhial. Kä ti̱ti̱ kɛ gua̱th tëë la puɔ̱tkɛ thi̱n ni mëë ku kɛ jiɛɛn.

³ Cu kɛ jiɛɛn kä Ra-mɛ-theth kɛ cäŋ kä wäl dhieec kä pay in jio̱l. Kɛ kɔr ca̱ŋ bälä, cu ji̱ I-thɛ-rɛl wä raar kɛ tet Kuɔth mi bum waaŋ ji̱ I-jëp diaal,

⁴ kɛ gua̱a̱th ëë kony ji̱ I-jëp gaatkiɛn diaal tin key, tëë ci Kuoth Nhial kɛ näk. Kä ci Kuoth Nhial kuthkiɛn luk.

⁵ Kä cu ji̱ I-thɛ-rɛl jiɛɛn kä Ra-mɛ-theth cu kɛ pua̱t kä Cu-koth.

⁶ Kä cu kɛ jiɛɛn kä Cu-koth cukɛ pua̱t kä E-tham min te peek rɛy dɔaar.

⁷ Kä cu kɛ jiɛɛn lockɛ jɔk kɛ Pi-ɣa-ɣi-rot kui̱ käny ca̱ŋ Baal-dhɛ-pon. Kä cu kɛ pua̱t a /ka̱n Mig-dol ni cop.

⁸ Kä cu kɛ jiɛɛn kä Pi-ɣa-ɣi-rot kä cukɛ wä kɛ Bar Gutdä wäkɛ rɛy dɔaar, cu kɛ rɛy dɔaar E-tham jäl kɛ ni̱n diɔ̱k, kä cu kɛ pua̱t kä Maraa.

⁹ Kä cu kɛ jiɛɛn kä Maraa cu kɛ pua̱t kä E-lim. Kä E-lim tëë kɛ wäŋ pi̱i̱ni da̱ŋ wäl rɛw kɛ nöör jiɛn bärɔw.

¹⁰ Kä cu kɛ jiɛɛn thi̱n, kä cu kɛ pua̱t gekä Bar Gutdä.

¹¹ Kä cu kɛ jiɛɛn Bar Gutdä cu kɛ pua̱t rɛy dɔaar thi̱n.

¹² Kä cu kɛ jiɛɛn thi̱n cu kɛ ben pua̱t kä Dɔp-kaa.

¹³ Kä cu kɛ jiɛɛn kä Dɔp-kaa cu kɛ ben pua̱t kä A-luc.

¹⁴ Kä cu kɛ jiɛɛn kä A-luc cukɛ ben pua̱t kä Rɛ-pi-dim mi cu thil pi̱w ti mathkɛ ɛ naath.

¹⁵ Kä cu kɛ jiɛɛn kä Rɛ-pi-dim cukɛ ben pua̱t rɛy dɔaar Thi-nay.

¹⁶ Kä cu kɛ jiɛɛn thi̱n cu kɛ ben pua̱t kä Kib-rot-ɣata-waa.

¹⁷ Kä cu kɛ jiɛɛn thi̱n cu kɛ ben pua̱t kä Ɣä-dhe-rot.

¹⁸ Kä cu kɛ jiɛɛn kä Ɣä-dhe-rot cukɛ ben pua̱t kä Rit-maa.

¹⁹ Kä cu kɛ jiɛɛn thi̱n cu kɛ ben pua̱t kä Rit-maa.

²⁰ Kä cu kɛ jiɛɛn thi̱n cu kɛ ben pua̱t kä Lib-na.

²¹ Kä cukɛ jiɛɛn kä Lib-na cukɛ ben pua̱t kä Ritha.

²² Kä cukɛ jiɛɛn kä Ritha cukɛ ben pua̱t kä Kɛ-ɣe-la-taa.

²³ Kä cu kɛ jiɛɛn thi̱n cukɛ ben pua̱t Pääm Ca-pɛr.

²⁴ Kä cu kɛ jiɛɛn thi̱n cukɛ ben pua̱t kä Ɣä-ra-daa.

²⁵ Kä cu kɛ jiɛɛn thi̱n cukɛ ben pua̱t kä Mak-ɣe-lot.

²⁶ Kä cukɛ jiɛɛn thi̱n cukɛ ben pua̱t kä Taath.

²⁷ Kä cukɛ jiɛɛn kä Taath, kä cukɛ pua̱t kä Tɛra.

²⁸ Kä cukɛ jiɛɛn kä Tɛra cukɛ ben pua̱t kä Mit-kaa.

²⁹ Kä cukɛ jiɛɛn kä Mit-kaa cukɛ ben pua̱t kä Ɣac-mo-naa.

³⁰ Kä cukɛ jiɛɛn thi̱n cukɛ ben pua̱t kä Mo-the-rot.

³¹ Kä cukɛ jiɛɛn thi̱n cukɛ ben pua̱t kä Bɛne-ya-äkɔn.

³² Kä cukɛ jiɛɛn thi̱n cukɛ ben pua̱t kä Ɣor-ɣa-gid-gad.

³³ Kä cukɛ jiɛɛn kä Ɣor-ɣa-gid-gad cukɛ ben pua̱t kä Yɔt-ba-taa.

³⁴ Kä cukɛ jiɛɛn thi̱n cukɛ ben pua̱t kä Ab-ro-naa.

³⁵ Kä cukɛ jiɛɛn thi̱n cukɛ ben pua̱t kä Ɛ-dhon-ga-bɛr.

³⁶ Kä cukɛ jiɛɛn thi̱n cukɛ ben pua̱t rɛy dɔaar Dhin (min la Ka-dɛc).

³⁷ Kä cukɛ jiɛɛn kä Ka-dɛc cukɛ ben pua̱t pääm Ɣor min te peek muɔ̱ɔ̱n Ɛ-dɔm.

³⁸ Kä cu bo̱o̱th palä ni Ä-ron wä wi̱i̱ Pa̱a̱m Ɣor kɛ ruac Kuɔth Nhial, kä cuɛ wä li̱w thi̱n, kɛ cäŋ in jio̱l kä pay dhieec kɛ jiɛɛn ŋuaan runi kɛ kɔr kä mëë ci ji̱ I-thɛ-rɛl ben raar muun I-jëp.

³⁹ Kä mëë li̱w Ä-ron pääm Ɣor tëë kɛ run ti kuɔ̱r wi̱cdɛ jiɛɛn da̱ŋ rɛw wi̱cdɛ diɔ̱k.

⁴⁰ Kä cu kuäär Ä-radh ni Kɛ-naan min cieŋ kä Nɛ-gɛb muun Kɛ-naan ben ji̱ I-thɛ-rɛl liŋ.

⁴¹ Kä cikɛ jiɛɛn Pääm Ɣor cikɛ ben pua̱t kä Dhal-mo-naa.

⁴² Kä cukɛ ji̱ ɛn thi̱n cukɛ ben pua̱t kä Pu-non.

⁴³ Kä cukɛ jiɛɛn thi̱n cukɛ ben pua̱t kä O-bot.

⁴⁴ Kä cukɛ jiɛɛn thi̱n cukɛ ben pua̱t kä Iye-ä-ba-rim rɛy cieŋ O-bot.

⁴⁵ Kä cukɛ jiɛɛn thi̱n cukɛ ben pua̱t kä Di-bon-gad.

⁴⁶ Cukɛ jiɛɛn thi̱n cukɛ ben pua̱t kä Al-mon-dib-la-ta-yim.

⁴⁷ Kä cukɛ jiɛɛn thi̱n cukɛ ben pua̱t pääm Ä-ba-rim a /ka̱n Nɛbo ni cop.

⁴⁸ Kä cukɛ jiɛɛn thi̱n cukɛ ben pua̱t rɛy tɔ̱ɔ̱rä Mo-ab kui̱ yiëër Jɔr-dɛn kä Jɛ-ri-ko.

⁴⁹ Cukɛ pua̱t gekä Jɔr-dɛn a känɛ ni kä Beth-yɛ-ci-moth a räth ni kä A-bel-ci-tim rɛy tɔ̱ɔ̱rä Mo-ab.

Ruaacni a /ka̱n yier Jɔr-dɛn ni jiɛth

⁵⁰ Kä cu Kuoth Nhial ruac kɛ Muthɛ rɛy tɔ̱ɔ̱rä Mo-ab kui̱ yiëër Jɔr-dɛn kä Jɛ-ri-ko i̱,

⁵¹ “Jio̱kni ji̱ I-thɛ-rɛl, mi wä yɛn wä kui̱ yiëër Jɔr-dɛn wädun muun Kɛ-naan.

⁵² Juɔcɛ nɛy diaal tin cieŋ thi̱n raar nhiamdun, kä da̱kɛ päämkiɛn diaal tin ca la̱t, kɛnɛ kuth baaŋ tin ca täth, kä da̱kɛ gua̱th pali diaal.

⁵³ Kä ciaŋɛ mun ala duŋdun, kɛ ɣöö cä ka̱m yɛ bia ciɛŋ.

⁵⁴ Kä bia ka̱n ɛn mun kɛ yor gaakni ce̱tkɛ pek dho̱rikun. Kä bia thok duëël in di̱i̱t ka̱m pek mi di̱i̱t, kä bia thok duëël mi tɔt ka̱m pek mi tɔt. Kä gua̱th ɔ bi gaak ran pɛn thi̱n ɔ ba duŋdɛ. Bia ka̱n ɛn mun nikɛ thuk duëli guuri.

⁵⁵ Kä mi wä yɛn tey a /cia nɛy tin cieŋ muun bi joc nhiamdun, kɛn tɔ̱tɔ̱ bikɛ ce̱tnikɛ pir waaŋdun, kä bikɛ ce̱tnikɛ kui̱c nenädun, kä bä yɛ moc riɛk muun in bia ciɛŋ.

⁵⁶ Kä bä yɛ lät kä min caarä dëë lät kä kɛ.”