Kuen 25 - RUAC KUƆTH IN RƐL RƆ

Pal ji̱ I-thɛ-rɛl kɛ Kuoth baal Pɛ-or

¹ Mëë cieŋ ji̱ I-thɛ-rɛl kä Ci-tim cu naath ɛ tok kɛ mi tɔ̱ɔ̱ckɛ kɛ nyier Mo-ab.

² Kɛn lät tɔ̱tɔ̱ cua ji̱ I-thɛ-rɛl buath kä muc kuthnikiɛn, cukɛ kɛ cam kä cua kuthkiɛn pal.

³ Inɔ cu ji̱ I-thɛ-rɛl rɔ mat palä kuɔth Baal Pɛ-or. Kä cu Kuoth Nhial kɛ̈c kɛ ji̱ I-thɛ-rɛl.

⁴ Kä cu Kuoth Nhial Muthɛ jiök i̱, “Käni bööth nɛɛni ti̱ti̱, näkɛ kä bikɛ ŋap rɛy ca̱ŋ nhiam Kuɔth Nhial, dɔ̱ŋ bi waŋ lɔaac Kuɔth Nhial rɔ̱ ri̱t kä ji̱ I-thɛ-rɛl.”

⁵ Kä cu Muthɛ rueec I-thɛ-rɛl jiök i̱, “Ɛ ramɔ kä yɛ näk nɛɛkɛ tin ca kuoth Baal Pɛ-or wä pal.”

⁶ Kä nɛnɛ cu ram kɛl kä ji̱ I-thɛ-rɛl ciek ji̱ Mid-yan nööŋ dhɔriɛn, nhiam Muthɛ kɛnɛ duɔl ji̱ I-thɛ-rɛl diaal, min pärkɛ thok kɛmɛkä ro̱mä kɛ Kuoth Nhial.

⁷ Kä min ci Pi-nɛ-ɣath gat Ɛl-a-dhar, gat bo̱o̱th palä ni Ä-ron ɛ nɛn, cuɛ rɔ jiɛc cuɛ duɔl ba̱ny piny, kä cuɛ mut ka̱n,

⁸ kä cuɛ wä cuɛ wä kɔɔr ran I-thɛ-rɛl duëël rɛci, kä cuɛ kɛn da̱ŋ rɛw yiath raan I-thɛ-rɛl kɛnɛ ciek. Kä cu juey cu cuɔ̱ŋ kä ji̱ I-thɛ-rɛl.

⁹ Kä nɛy tëë cu li̱w kɛ juey cukɛ a nɛy ti bathdɔɔri ti jiɛɛn da̱ŋ rɛw wi̱cdɛ ŋuaan.

¹⁰ Kä cu Kuoth Nhial Muthɛ jiök i̱,

¹¹ “Ci Pi-nɛ-ɣath gat Ɛl-a-dhar gat bo̱o̱th palä ni Ä-ron kɛ̈cdä luɔc jɔk kä ji̱ I-thɛ-rɛl, kɛ ɣöö cɛ tekɛ tiɛɛl mi ce̱tkɛ tiɛɛlä rɛydiɛn, ɛ jɛn /ka̱n ji̱ I-thɛ-rɛl thum ɔ kɛ tiɛɛlä.

¹² Kɛ kui̱c ɛmɔ laarɛ jɛ i̱, ‘Ɣän la̱tdä guk malädä kɛ ji̱.

¹³ Kä bɛ tekɛ jɛ kɛnɛ kuaykɛ kɔɔrɛ, guk bo̱o̱thä palä mi do̱raar. Kɛ ɣöö cɛ tekɛ tiɛɛl kɛ kui̱ Kuɔthdɛ, kä cɛ ji̱ I-thɛ-rɛl luɛl.’ ”

¹⁴ Kä ciöt ran I-thɛ-rɛl ëë ca näk kɛɛl kɛ ciek ji̱ Mid-yan ɛ Dhim-ri gat Thalu bo̱o̱th dhɔaar Thalu.

¹⁵ Kä cua ciöt ciek Mid-yan ëë ca näk cɔɔli Kɔdh-bi nya Dhur mi la bo̱o̱th thuɔk duëël kä Mid-yan.

¹⁶ Kä cu Kuoth Nhial Muthɛ jiök i̱,

¹⁷ “Mäkni ji̱ Mid-yan, kä näk kɛ.

¹⁸ Kɛ ɣöö ca ji̱ jak kä pali kuoth Pɛ-or, kɛnɛ kui̱ nyimandiɛn ni Kɔdh-bi nya bo̱o̱thä ji̱ Mid-yan, mëë na̱kɛ mëë ci juey ben kɛ kui̱ kuɔth Pɛ-or.”