Kuen 1 - RUAC KUƆTH IN RƐL RƆ

Kuën ji̱ I-thɛ-rɛl in nhiam

¹ Cu Kuoth Nhial ruac kɛ Muthɛ rɛy dɔaar Thi-nay kɛ cäŋ in jio̱liɛn kä pay in rɛwdɛ kä ruɔ̱n in rɛwdɛ, mëë pay ji̱ I-thɛ-rɛl jiɛɛn kä I-jëp thok kɛmɛkä ro̱mä kɛ Kuoth Nhial, lar ɛ jɛ i̱,

² “Kuɛn ji̱ I-thɛ-rɛl diaal kɛ thuk duëlikiɛn kɛnɛ gua̱nikiɛn, nikɛ pek ciöötni, wutni.

³ A känɛ ni kä nɛy tin tekɛ run ti jiɛɛn da̱ŋ rɛw a wä nhial, wutni tin lua̱ŋkɛ ko̱r kä ji̱ I-thɛ-rɛl diaal, bia kɛ kuɛn yɛnɛ Ä-ron thok duël ɔ go̱lädɛ.

⁴ Kä bi thok duëël ɔ te ram mi luäk ji̱, kä ɛn ram ɛmɔ ba kuäär thok duëëliɛn.

⁵ Ti̱ti̱ kɛ kɛn ciööt wutni tin ba ji̱ luäk. Dhɔr Rɛ-u-ben, Ɛli-dhur gat Cɛ-de-ur.

⁶ Dhɔr Cim-on Cɛ-lu-mi-el gat Dhu-ri-ca-day.

⁷ Dhɔr Juda ɛ Na-con gat A-mi-na-dab.

⁸ Dhɔr Yi-tha-kar ɛ Nɛ-tan-el gat Dhu-ar.

⁹ Dhɔr Dhɛ-bu-lun ɛ Ɛli-ab gat Ɣe-lon.

¹⁰ Kä gaat Jo-thɛp kä Ɛ-pa-rim ɛ Ɛli-cama gat A-mi-ɣud, kä Ma-na-thɛ ɛ Gam-li-el gat Pɛ-daa-dhur.

¹¹ Kä dhɔr Ben-ya-min ɛ Ä-bi-dan gat Gid-oni.

¹² Dhɔr Daan, ɛ A-ɣi-ɛ-dhɛr gat A-mi-ca-day.

¹³ Dhɔr A-cɛr ɛ Pag-i-el gat Ɔk-ran.

¹⁴ Dhɔr Gad ɛ Ɛl-ya-thap gat Dɛ-u-el.

¹⁵ Dhɔr Nap-ta-li ɛ Ä-ɣi-ra gat E-nan.”

¹⁶ Ti̱ti̱ kɛ kɛn nɛy tëë ca kuany rɛy dolä tin la bööth thukni duëli gua̱ni, kä kua̱r thok duëël ji̱ I-thɛ-rɛl.

¹⁷ Cu Muthɛ kɛnɛ Ä-ron nɛy tin ca ciöötkiɛn lat cɔl,

¹⁸ kä kɛ cäŋ in jio̱l kä pay in rɛwdɛ, cukɛ nɛy diaal tin ca ciöötkiɛn gɔ̱r thukni duëli duɔl guäth kɛl, thok duëël ɔ kɛ pek nɛɛni tin ca kuɛn a känɛ ni kä nɛy tin tekɛ run ti jiɛɛn da̱ŋ rɛw ɛ wä nhial, ram ɔ kɛ ramɔ.

¹⁹ Cu Muthɛ ciöötkiɛn gɔ̱r ce̱tnikɛ mëë ci Kuoth Nhial ɛ la̱t jɛ däärdɔaar Thi-nay.

²⁰ Kä kuay Rɛ-u-ben gat A-mi-ɣud in nhiam, cua wutni diaal tin ci runkiɛn cop kä jiɛɛn da̱ŋ rɛw a wä nhial kä lua̱ŋkɛ ko̱r gɔ̱r. Thukni duëli gua̱ni, nikɛ dho̱rkiɛn, ramɔ nikɛ ciötdɛ.

²¹ Cu pek kuayni Rɛ-u-ben a nɛy ti bathdɔɔri ti jiɛɛn ŋuaan wi̱cdɛ bäkɛl wi̱cdɛ kur dhieec.

²² Kä kuay Cim-on, cua wutni diaal tin ci runkiɛn cop kä jiɛɛn da̱ŋ rɛw a wä nhial kä lua̱ŋkɛ ko̱r gɔ̱r, thuk duëli gua̱ni nikɛ dho̱rkiɛn, ram ɔ nikɛ ciötdɛ.

²³ Cu pek kuayni Cim-on a nɛy ti bathdɔɔri ti jiɛɛn dhieec wi̱cdɛ bäŋuan wi̱cdɛ kur diɔ̱k.

²⁴ Kä kuay Gad, cua wutni diaal tin ci runkiɛn cop kä jiɛɛn da̱ŋ rɛw a wä nhial kä lua̱ŋkɛ ko̱r gɔ̱r, thukni duëli gua̱ni nikɛ dho̱rkiɛn, ramɔ nikɛ ciötdɛ.

²⁵ Cu kuay Gad a nɛy ti bathdɔɔri ti jiɛɛn ŋuaan wi̱cdɛ dhieec wi̱cdɛ kur bäkɛl wi̱cdɛ jiɛɛn dhieec.

²⁶ Kä kuay Juda, cua wutni diaal tin ci runkiɛn cop kä jiɛɛn da̱ŋ rɛw a wä nhial kä lua̱ŋkɛ ko̱r gɔ̱r, thukni duëli gua̱ni nikɛ dho̱rkiɛn ram ɔ nikɛ ciötdɛ.

²⁷ Cu kuay Juda a nɛy ti bathdɔɔri ti jiɛɛn bärɔw wi̱cdɛ ŋuaan wi̱cdɛ kur bäkɛl.

²⁸ Kä kuay Yi-tha-kar, cua wutni diaal tin ci runkiɛn cop kä jiɛɛn da̱ŋ rɛw a wä nhial kä lua̱ŋkɛ ko̱r gɔ̱r, thukni duëli gua̱ni nikɛ dho̱rkiɛn, ram ɔ nikɛ ciötdɛ.

²⁹ Cu kuay Yi-tha-kar a nɛy ti bathdɔɔri ti jiɛɛn dhieec wi̱cdɛ ŋuaan wi̱cdɛ kur ŋuaan.

³⁰ Kä kuay Dhɛ-bu-lun, cua wutni diaal tin ci runkiɛn cop kä jiɛɛn da̱ŋ rɛw a wä nhial kä lua̱ŋkɛ ko̱r gɔ̱r, thukni duëli gua̱ni nikɛ dho̱rkiɛn, ram ɔ nikɛ ciötdɛ.

³¹ Cu kuay Dhɛ-bu-lun a nɛy ti bathdɔɔri ti jiɛɛn dhieec wi̱cdɛ bärɔw wi̱cdɛ kur ŋuaan.

³² Kä kuay Jo-thɛp cua wutni diaal tin ci runkiɛn cop kä jiɛɛn da̱ŋ rɛw a wä nhial kä lua̱ŋkɛ ko̱r gɔ̱r, thukni duëli gua̱ni nikɛ dho̱rkiɛn, ram ɔ nikɛ ciötdɛ.

³³ Cu kuay Jo-thɛp a nɛy ti bathdɔɔri ti jiɛɛn ŋuaan wi̱cdɛ kur dhieec.

³⁴ Kä kuay Ma-na-thɛ, cua wutni diaal tin ci runkiɛn cop kä jiɛɛn da̱ŋ rɛw a wä nhial kä lua̱ŋkɛ ko̱r gɔ̱r, thukni duëli gua̱ni nikɛ dho̱rkiɛn, ram ɔ nikɛ ciötdɛ.

³⁵ Cu kuay Ma-na-thɛ a nɛy ti bathdɔɔri ti jiɛɛn diɔ̱k wi̱cdɛ rɛw wi̱cdɛ kur rɛw.

³⁶ Kä kuay Ben-ya-min, cua wutni diaal tin ci runkiɛn cop kä jiɛɛn da̱ŋ rɛw a wä nhial kä lua̱ŋkɛ ko̱r gɔ̱r, thuk duëli gua̱ni nikɛ dho̱rkiɛn, ram ɔ nikɛ ciötdɛ.

³⁷ Cu kuay Ben-ya-min a nɛy ti bathdɔɔri ti jiɛɛn bäkɛl wi̱cdɛ rɛw wi̱cdɛ kur ŋuaan.

³⁸ Kä kuay Daan, cua wutni diaal tin ci runkiɛn cop kä jiɛɛn da̱ŋ rɛw a wä nhial kä lua̱ŋkɛ ko̱r gɔ̱r, thukni duëli gua̱ni nikɛ dho̱rkiɛn, ram ɔ nikɛ ciötdɛ.

³⁹ Cu kuay Daan a nɛy ti bathdɔɔri ti jiɛɛn bäkɛl wi̱cdɛ rɛw wi̱cdɛ kur bärɔw.

⁴⁰ Kä kuay A-cɛr, cua wutni diaal tin ci runkiɛn cop kä jiɛɛn da̱ŋ rɛw a wä nhial kä lua̱ŋkɛ ko̱r gɔ̱r, thukni duëli gua̱ni nikɛ dho̱rkiɛn ram ɔ nikɛ ciötdɛ.

⁴¹ Cu kuay A-cɛr a nɛy ti bathdɔɔri ti jiɛɛn ŋuaan wi̱cdɛ kɛl wi̱cdɛ kur dhieec.

⁴² Kä kuay Nap-ta-li, cua wutni diaal tin ci runkiɛn cop kä jiɛɛn da̱ŋ rɛw a wä nhial kä lua̱ŋkɛ ko̱r gɔ̱r, thuk duëli gua̱ni nikɛ dho̱rkiɛn, ram ɔ nikɛ ciötdɛ.

⁴³ Cu kuay Nap-ta-li a nɛy ti bathdɔɔri ti jiɛɛn dhieec wi̱cdɛ diɔ̱k wi̱cdɛ kur ŋuaan.

⁴⁴ Ti̱ti̱ kɛ kɛn nɛy tëë ci Muthɛ kɛ kuɛn kɛnɛ Ä-ron, tëë lua̱k kɛ ɛ bööth thuk duëli ji̱ I-thɛ-rɛl da̱ŋ wäl rɛw.

⁴⁵ Inɔ cu wutni ji̱ I-thɛ-rɛl diaal tëë ca kuɛn thukni duëli gua̱ni, tin ci runkiɛn cop kä jiɛɛn da̱ŋ rɛw kä lua̱ŋkɛ ko̱r,

⁴⁶ cu pekdiɛn diaal, a nɛy ti bathdɔɔri ti kur bäkɛl wi̱cdɛ diɔ̱k wi̱cdɛ kur dhieec wi̱cdɛ jiɛɛn dhieec.

⁴⁷ Ɛ ni ɣöö /ka̱n kuay ji̱ Lii-bay kuɛn kɛ kɛ kɛɛl.

⁴⁸ Kɛ ɣöö ci Kuoth Nhial Muthɛ jiök i̱,

⁴⁹ “Ɛ ni ji̱ Lii-bay kärɔ̱ /ca bi kuɛn tɔ̱ rɛy ji̱ I-thɛ-rɛl,

⁵⁰ ɛ ni ɣöö bi ji̱ Lii-bay ka̱m la̱t kɛmɛkädä kɛnɛ kuakɛ diaal, bikɛ jɛ kap kɛ kuakɛ kɛɛl, kä bikɛ jɛ tit, kä bikɛ pua̱t gëëknikɛ.

⁵¹ Kä mi görkɛ wuɔ̱c kɛmɛkä, bi ji̱ Lii-bay ɛ ruɔ̱ɔ̱l kä mi görkɛ yiɛthdɛ piny, bi jɛ la̱t ni ji̱ Lii-bay mi wä radɔ̱diɛn ben thiekädɛ ba näk.

⁵² Kä ji̱ I-thɛ-rɛl akɛ pua̱tkɛ wi̱i̱kiɛn kɛ thuk duëlikiɛn, thok duëël ɔ kɛ wecdɛ, ram ɔ kɛ dhɔrɛ.

⁵³ Bi pua̱t ni ji̱ Lii-bay gëëkni kɛmɛkä palä, inɔ dɔ̱ɔ̱ ci gak Kuɔth dëë ben kä duɔl ji̱ I-thɛ-rɛl. Kä bi ji̱ Lii-bay la̱tdiɛn a ti̱et kɛmɛkä palä.”

⁵⁴ Ti̱ti̱ kɛ tin ci ji̱ I-thɛ-rɛl kɛ la̱t nikɛ tëë diaal tëë ci Kuoth Nhial kɛ la̱t Muthɛ.