Jɔ-cua 15 - RUAC KUƆTH IN RƐL RƆ

Key rööl döör Juda

¹ Täämɛ kui̱c ëë cu pɛn kä döör gan Juda nikɛ pëk gɔalikiɛn cuɛ jɛ lɔth ni rɛy rööl Ɛ-dɔm, känɛ ni däär dɔaar in cɔal i̱ Dhin kui̱c targɛ̈w lɔthɛ ni kui̱c këth ɛmɔ.

² Cuɛ ke̱ydiɛn in lot ni kui̱c targɛ̈w tho̱p ni peek tuɔ̱ɔ̱ŋ Bar in Wac ni thok waath in te kui̱c targɛ̈w,

³ kä cuɛ räth kui̱c targɛ̈w dup in wä kä Ak-ra-bim cuɛ rɛ̈t ni Dhin, kä cuɛ jɛ nyɔk kɛ käni kä targɛ̈w Ka-dɛc-bar-ni-ya wä amäni Ɣɛdh-ron kä cuɛ räth A-dar kä cuɛ jɛ rieet kɛ Kar-kä.

⁴ Kä cuɛ rët kɛ Adh-mon wä amäni waŋ in te kä I-jëp, kä cu ke̱kdɛ ben pɛn ni Bar in Bo̱r in te kam wi̱i̱ni. Nɛmɛ cua jɛn ke̱y rööl Juda in lot ni kui̱c targɛ̈w.

⁵ Kä ke̱y in lot ni käny cäŋ ɛ Bar in Wac wëë pi̱em ni ŋɛpni Jɔr-dɛn. Kä ke̱y peek in lot ni kui̱c kayŋua̱a̱k cuɛ jɛ ka̱n ni thok Bar ɛmɔ wi̱i̱ tuɔ̱ɔ̱ŋ Jɔr-dɛn.

⁶ Kä cuɛ räth ni Beth-ɔg-la kä cuɛ ret kɛ kui̱c kayŋua̱a̱k Beth-ä-ra-ba kä cuɛ jɛ wä pi̱em ni pääm këth gatdä Rɛ-u-ben ni Bo-an,

⁷ kä cuɛ räth ni ke̱th Dɛ-bir kueer in cɔal i̱ ta̱p A-kor kä cuɛ rɔ rieet kui̱c kayŋua̱a̱k lotdä Gil-gal in caar rɔ kɛ thör Ä-du-mim in te kä targɛ̈w täpä indaan. Kä cuɛ räth kä cuɛ wä ni löli Een-cɛ-mɛc kä cuɛ pal ni raar kä Een-ro-gel.

⁸ Kä cuɛ jɛ nyɔk kɛ löth ni täpä kueer gatdä I-nɔm wëë pi̱em gekä Yɛ-buth kä targɛ̈w, nɔmɔ ɛ Jɛ-ru-tha-lɛm. Kä cu ke̱y rɔ nyɔk kɛ jiɛn kä cuɛ wä ni wi̱i̱ pa̱a̱m in gɛɛw rɔ kɛ ta̱p kueer I-nɔm kui̱c konyä ca̱ŋ känɛ ni bikä tuɔ̱ɔ̱ŋ täpä kueer kayŋua̱a̱k.

⁹ Kä cuɛ jɛ nyɔk kɛ käni niɛ wi̱i̱ pa̱a̱m wëë yiath ni löli Nɛ-po-ta kä wä ni raar rɛy cieeŋni tin thie̱e̱k kɛ päm Ɛp-rɔn. Ɛn wani cuɛ rɔ riet ni Bääla in la Kir-yath-ya-rim.

¹⁰ Kä cuɛ jɛ nyɔk kɛ löth kä kony cäŋ Bääla wëë yiath ni rööl päämni Ɛ-dɔm kä cuɛ jɛ reet kɛ gëk pa̱a̱m Ya-rim min la Kɛ-tha-lon kui̱c kayŋua̱a̱k kä cuɛ räth ni Beth-cɛ-mɛc kä cuɛ pal kɛ Tim-naa,

¹¹ kä cuɛ amäni gëk Ɛk-ron kui̱c kayŋua̱a̱k kä palɛ ni Cik-ron kä räthɛ ni pääm Bääla kä rɛtdɛ jɛ ni Yab-neel. Kä cuɛ pëk këth ɛmɔ wä pi̱em ni Bar in Bo̱r in te kam wi̱i̱ni.

¹² Cu ke̱ydɛ in lot ni kony cäŋ cua Bar in Bo̱r in te kam wi̱i̱ni taŋdɛ. Nɛmɛ ɛ jɛn pëk këth rööl ëë yiɛɛth rɔ kɛ thuk duëli gan Juda.

Käni Ka-leb kɛ Ɣɛb-ron kɛnɛ Dɛ-bir

¹³ Ɛn wa̱nɔ, ce̱tnikɛ mëë ci Kuoth Nhial ɛ la̱r jɛ, cu Jɔ-cua ram kɛl rɛy gan Juda mi cɔal i̱ Ka-leb gat wutdä mi cɔal i̱ Yɛ-pö-nɛ tëm gua̱a̱th ni Kir-yath-ar-bä, in la Ɣɛb-ron (Ar-bä min mɔ gua̱n Ä-nak).

¹⁴ Cu Ka-leb gaat Ä-nak da̱ŋ diɔ̱k ni Ce-cay kɛnɛ Ä-ɣi-man kɛ Tal-may joc.

¹⁵ Cuɛ lɛni räth kä ji̱ dhɔaar in cɔal i̱ Dɛ-bir kä ciöt Dɛ-bir ni wen ɛ Kir-yath-the-pɛr.

¹⁶ Kä cu Ka-leb ku wee i̱, “Niɛ ram in bi Kir-yath-the-pɛr luäŋ kɛ käp ko̱r kä bɛ jɛ ka̱p ɣä bä ka̱m nyaadä ni Ak-thaa”.

¹⁷ Kä cu Ɔ-thi-nel in la gat däman Ka-leb ni Kɛ-nadh ɛ ka̱n kä cu gua̱nlendɛ nyaadɛ ni Ak-thaa thöp jɛ kɛ kuen.

¹⁸ Kä nɛ̈nɛ jɛ kɛ cäŋ kuen, cu Ɔ-thi-nel ciɛkdɛ com kɛ ɣöö bɛ gua̱n thieec ni kak. Kä min känyɛ piny jɔk muɔ̱lɛ cu gua̱n ɛ thi̱ec i̱ ɛ mal jɔk?

¹⁹ Kä cuɛ jɛ loc i̱, “Mal ɣä ni lät kä gɔɔy kɛ ɣöö ji̱n ci ɣä la̱th ro̱o̱l Nɛ-gɛb. Kɛ kui̱ ɛmɔ bi ɣä moc löli pi̱i̱ni.” Kä cu gua̱n löli tin te täpni kɛ tin te loyni thöp jɛ.

²⁰ Nɛmɛ ɛ jɛn pëk rööl ëë yiɛɛth rɔ kɛ do̱r gan Juda jɛn mun ëë ca ŋun kɛ kui̱ thukni duëlikiɛn.

²¹ Kɛn rɛ̈k diaal tëë te peek këth rööl döör gan Juda thie̱e̱kɛ nikɛ ro̱l Ɛ-dɔm kui̱c targɛ̈w kɛ kɛn Kɛ̈b-dhel kɛ E-dɛr kɛnɛ Ya-gur

²² kɛ Kina kɛnɛ Dhi-mo-na kɛ Adh-a-dha

²³ kɛ Kɛ-dɛc kɛ Ɣa-dhor kɛnɛ Ith-nan,

²⁴ Dhip kɛ Tɛ-lɛm kɛnɛ Baa-loth

²⁵ kɛ Ɣa-dhor-ä-dha-ta kä Kɛ-ri-yoth-ɛdh-rɔn ɛ Ɣa-dhor

²⁶ Ä-mam kɛ Cɛmä kɛnɛ Mo-la-dha

²⁷ kɛ Ä-dhar-ga-da kɛnɛ Ɛc-mon kɛ Beth-pa-lɛt

²⁸ kɛ Ä-dhar-caal kɛnɛ Ber-cɛ-ba kɛ Bidh-yoth-ya,

²⁹ Bääla kɛnɛ I-yim kɛ A-dhɛm

³⁰ kɛ Ɛl-to-lad kɛnɛ Kɛ-thil kɛ Ɣɔr-ma

³¹ kɛ Than-tha-na

³² kɛ Lɛ-booth kɛnɛ Cil-kim kɛ A-yin kɛnɛ Ri-mon. Matdiɛn diaal kɛ rɛ̈k ti jiɛn rɛw wi̱cdiɛn bäŋuan kɛɛl kɛ dho̱rkiɛn.

³³ Täämɛ rɛ̈k diaal tëë te thäri päämni kɛ kɛn, Ɛc-tool kɛnɛ Dhɔra kɛ Ac-na

³⁴ kɛ Dha-no-a kɛnɛ Een-ga-nim kɛ Ta-pu-a kɛnɛ Ee-nam,

³⁵ Yar-muth kɛ Ä-du-lam kɛnɛ Tho-ko kɛ Ä-dhe-ka

³⁶ kɛ Cää-ra-yim kɛnɛ Ä-dhi-tha-yim kɛ Gä-de-ra kɛnɛ Gä-dhe-ro-tha-yim, rɛ̈k da̱ŋ wäl ŋuaan kɛɛl kɛ dho̱rkiɛn.

³⁷ Kɛ Dhɛ-nan kɛnɛ Ä-dha-ca kɛ Mig-dal-gad

³⁸ kɛ Dhil-yan kɛnɛ Midh-pee kɛ Yɔk-theel,

³⁹ La-kic kɛnɛ Bɔdh-kath kɛ Ɛg-lɔn

⁴⁰ kɛ Ka-bon kɛnɛ La-mam kɛ Ki-thɛ-lic

⁴¹ kɛ Gä-dhe-roth, Beth-da-gon kɛnɛ Naamaa kɛ Ma-ke-da, rɛ̈k wäl bäkɛl kɛ dho̱rkiɛn kɛɛl.

⁴² Te Lib-na thi̱n bä kɛnɛ Ɛ-thɛr kɛ A-can

⁴³ kɛ Ip-ta kɛnɛ Ac-na kɛ Nɛ-dhib

⁴⁴ kɛ Kiila kɛnɛ Ak-dhib kɛ Ma-re-ca, rɛ̈k bäŋuan kɛɛl kɛ dho̱rkiɛn.

⁴⁵ Tëë kɛ Ɛk-ron kɛɛl kɛ ciëëŋkɛ kɛnɛ dho̱rkɛ,

⁴⁶ amäni cieeŋ kɛnɛ dho̱r diaal tëë thie̱e̱k kɛ Ac-dod känɛ ni kä Ɛk-ron wëë pi̱em ni Bar in Bo̱r in te kam wi̱i̱ni.

⁴⁷ Kɛ jɛn Ac-dod kɛɛl nikɛ ciëëŋkɛ kɛnɛ dho̱rkɛ diaal kɛ Gadha ni kɛɛl kɛ ciëëŋkɛ kɛnɛ dho̱rkɛ diaal wëë yuɔr ni rɛy waŋ I-jëp kɛnɛ Bar in Bo̱r in te kam wi̱i̱ni kɛnɛ gëëkɛ diaal.

⁴⁸ Kä wuɔ̱thni päämni tëë kɛ Ca-mir kɛnɛ Ya-tir kɛ Tho-ko

⁴⁹ kɛ Dhana kɛnɛ Kir-yath-tha-na in la Dɛ-bir

⁵⁰ kɛ Ä-nab kɛnɛ Ɛc-tɛ-mo kɛ A-nim

⁵¹ kɛ Go-cɛn kɛnɛ O-lon kɛ Giloo, mat rɛ̈kni da̱ŋ wäl kɛl amäni dho̱rkiɛn.

⁵² Te Ä-rab thi̱n bä kɛnɛ Dhuma kɛ Ɛ-can

⁵³ kɛ Ya-nim kɛnɛ Beth-ta-pu-a kɛ Ä-pe-ka

⁵⁴ kɛ Ö-mɛ-ta kɛnɛ Kir-yath-ar-bä min la Ɣɛb-ron kɛ Dhi-or, kɛ rɛ̈k bäŋuan kɛɛl kɛ dho̱rkiɛn.

⁵⁵ Tha̱a̱ŋkiɛn Ma-ɣon kɛnɛ Kar-mɛl kɛ Dhip kɛnɛ Yuta

⁵⁶ kɛ Yidh-rɛɛl kɛnɛ Yɔ-kɛ-dham kɛ Dha-no-a,

⁵⁷ Ka-yën a thi̱n kɛnɛ Giba kɛ Tim-naa. Rɛ̈k wäl kɛɛl kɛ dho̱rkiɛn.

⁵⁸ Täämɛ tëë kɛ A-lul kɛnɛ Beth-dhuur kɛ Gɛ-dhor

⁵⁹ kɛ Maa-rath kɛnɛ Beth-ä-noth kɛ Ɛl-tɛ-kon tɔ̱ rɛ̈k bäkɛl kɛɛl kɛ dho̱rkiɛn.

⁶⁰ Kä tëë kɛ Kir-yath-baal (Kir-yath-ya-rim) kɛnɛ Rɛ̈-baa kɛn kɛ rɛ̈k rɛw kɛɛl kɛ dho̱rkiɛn.

⁶¹ Täämɛ tin te däär dɔaar ɛ Beth-ä-ra-ba kɛnɛ Mi-din kɛ Thɛ-ka-ka

⁶² kɛ Nib-can kɛnɛ rɛk Milɛ kɛ Een-gɛ-di, rɛ̈k bäkɛl kɛ dho̱rkiɛn kɛɛl.

⁶³ Täämɛ kɛ kui̱ ji̱ Yɛ-buth tin la ji̱ Jɛ-ru-tha-lɛm, /ken gaat Juda kɛ luäŋ kɛ tuk, kä cukɛ cu cieŋ kɛɛl kɛ gaat Juda kä Jɛ-ru-tha-lɛm amäni wa̱lɛ.