Jɔ-cua 12 - RUAC KUƆTH IN RƐL RƆ

Pëk rööl ëë ci Muthɛ ɛ käp

¹ Täämɛ, ti̱ti̱ kɛ kɛn kua̱r rööl ëë ci ji̱ I-thɛ-rɛl ɛ käp kä ci kɛn ɛ ka̱n ala mundiɛn kui̱c känyä ca̱ŋ yiëër Jɔr-dɛn, ni yie̱e̱r Ar-non wëë yiath ni pääm Ɛr-mon kɛnɛ pëk Ä-ra-ba in te känyä ca̱ŋ.

² Kɛn kua̱r tɔ̱tɔ̱ ciöötkiɛn tin. Kɛl ɛ Thi-yon kuäär ji̱ Ɛ-mor ëë ciɛɛŋ ni Ɛc-bon. Jɛn ruaacɛ ni pëk rööl in lɔthɛ ni kä Ä-ro-er in te peek tuɔ̱ɔ̱ŋ paan Ar-non kɛnɛ där paan ɛmɔ wëë yiath ni yie̱e̱r Ya-bɔk ke̱th gan A-mon. Mɛmɛ ɛ pëk wec kä Gil-yad.

³ Nɔmɔ cuɛ jɛ ka̱n ni Bar Gɛ̈-lɛ-li kä käny cäŋ bɛ wä yiath ni baar Ä-ra-ba min la Bar in Wac kui̱c känyä ca̱ŋ bɛ nööŋ kɛ duɔ̱ɔ̱p Beth-yɛ-ci-moth kä bɛ ka̱n ni cueec ɣɔaa lɛrä piny pa̱a̱m Pi̱dh-ga.

⁴ Rɛwdɛ ɛ Ög kuäär Ba-can, min mɔ kɛl kä kuay tëë ci duɔth kä ji̱ Rɛpa kä la ciɛɛŋɛ ni Ac-ta-roth kɛnɛ Ɛ-dhɛ-ri.

⁵ Kä cuɛ ruëc ni pääm Ɛr-mon kɛnɛ Thal-ka kɛnɛ rɛy Ba-can kɛɛliw wëë yiath ni ke̱th ji̱ rööl Gɛ-cur kɛnɛ ji̱ rööl Maaka. Cu nɛmɛ a pëk rööl Gil-yad in dɔ̱ŋ wëë mat ni ke̱th rööl Thi-yon kuäär Ɛc-bon.

⁶ Cu Muthɛ in la kuany Kuɔth Nhial kɛnɛ gaat I-thɛ-rɛl kɛ tiam kä cu Muthɛ in la kuany Kuɔth Nhial mundiɛn ka̱m do̱r Rɛ-u-ben kɛnɛ do̱r Gad kɛ tha̱a̱ŋ döör Ma-na-thɛ.

Ciööt kua̱ri röli tëë ci Jɔ-cua kɛ käp

⁷ Kä ti̱ti̱ täämɛ kɛ ciööt kua̱ri tëë ci Jɔ-cua kɛnɛ gaat I-thɛ-rɛl kɛ tiam kui̱c yiëër Jɔr-dɛn kä kony cäŋ känɛ ni kä Baal-gad rɛy paan Lɛ-ba-nɔn wëë yiath ni pääm A-lak in nɛ̈nkɛ kui̱c dhɔaar in cɔal i̱ rööl Ɛ-dɔm. Kä cu Jɔ-cua mun rööliɛn thöp döör gan I-thɛ-rɛl kä cuɛ jɛ däk kä kɛ nikɛ pëk in yiɛɛth rɔ kɛ do̱r ɔ.

⁸ Nɔmɔ ɛ jɛn ro̱l in te pääm thi̱n, kɛ täp, kɛ Ä-ra-ba, kɛnɛ bi̱eli, kɛ pan rɛ̈w, kɛ Nɛ-gɛb. Tɔ̱tɔ̱ kɛ kɛn dho̱r tëë ciaŋkɛ ɛ ji̱ Ɣɛ̈th, kɛ ji̱ Ɛ-mor, kɛ ji̱ rööl Kɛ-naan, kɛ ji̱ Pɛ-rii-dhi, kɛ ji̱ Iwi, amäni ji̱ Yɛ-buth.

⁹ Täämɛ kɛn kua̱r röli tɔ̱tɔ̱ kɛn tin. Kɛl ɛ kuäär Jɛ-ri-ko kɛl mɔ kuäär Aay gekä Beth-ɛl

¹⁰ kɛl mɔ kuäär Jɛ-ru-tha-lɛm kɛl mɔ kuäär Ɣɛb-ron

¹¹ kɛl mɔ kuäär Yar-muth kä kɛl mɔ kuäär La-kic

¹² kɛl mɔ kuäär Ɛg-lɔn kɛl mɔ kuäär Gɛ-dhɛr

¹³ kä kɛl mɔ kuäär Dɛ-bir kɛl mɔ kuäär Gɛ-dɛr

¹⁴ kɛl mɔ kuäär Ɣɔr-ma kɛl mɔ kuäär Ä-rad

¹⁵ kɛl mɔ kuäär Lib-na kɛl mɔ kuäär Ä-du-lam

¹⁶ kɛl mɔ kuäär Ma-ke-da kɛl mɔ kuäär Beth-ɛl

¹⁷ kɛl mɔ kuäär Ta-pu-a kɛl mɔ kuäär Ɣe-pɛr

¹⁸ kɛl mɔ kuäär Ä-pek kɛl mɔ kuäär La-ca-rɔn

¹⁹ kɛl mɔ kuäär Ma-dhön kɛl mɔ kuäär Ɣa-dhor

²⁰ kɛl mɔ kuäär Cim-rɔn-mɛ-rɔn kɛl mɔ kuäär Ak-cap

²¹ kɛl mɔ kuäär Ta-nak kɛl mɔ kuäär Mɛ-gi-do

²² kɛl mɔ kuäär Kɛ-dɛc kɛl mɔ kuäär Yɔk-naam kä Kar-mɛl

²³ kɛl mɔ kuäär Dor kä Na-poth-dor kä kɛl mɔ kuäär Gɔ-yim kä Gɛ̈-lɛ-li

²⁴ cu kɛl cua kuäär Ti̱r-dha. Pekdiɛn diaal kɛ kua̱r ti jiɛn diɔ̱k wi̱cdiɛn kuäär kɛl.