Jona 2 - RUAC KUƆTH IN RƐL RƆ

La̱ŋ Jona

¹ Jic rɛ̱̈c cu Jona Kuoth Nhial in la Kuothdɛ läŋ

² wëë i̱, “Cä ji̱ cɔl rɛy rikädä, ji̱n Kuoth Nhial, kä curi ɣä loc. Cua ciöt rɛy nɛɛni tin ci li̱w, kä curi jɔwdä liŋ.

³ Ci ɣä yuɔr ni guäth mi lue̱ŋ ni lool kɛkä yiëër, guäth in ca ɣä göl piny ɛ pi̱ muɔŋädu in bum.

⁴ Cua̱ ŋa̱c ni ɣöö ci ɣä bath nhiamdu, kä /cä due̱lu in ɣɛl rɔ bi lɛ nyɔk kɛ nën.

⁵ Ci pi̱ ɣä kum ɛ dur, kä cua̱ pi̱ ŋuɔ̱ɔ̱p, kä cua wi̱cdä rith ɛ juaac yiëër.

⁶ Cä wä ni guäth mi lue̱ŋ lue̱ŋ mi thil luny jɔk, kä nɛn ɛ, ji̱n Kuothdä ni Kuoth Nhial, ci tëkdä luɔ̱ɔ̱c jɔk ni ɛn guäth ɛ mi.

⁷ Mëë ci lia̱a̱dä cop, cua̱ ji̱ läŋ, ji̱n Kuoth Nhial, kä curi ɣä liŋ ni cieŋdu in ɣɛl rɔ nhial.

⁸ Nɛy diaal tin palkɛ ni kuth guääyni, cikɛ ciaŋ ŋäthädiɛn kɛ kui̱du ba̱ny piny.

⁹ Kä bä ŋot kɛ mi liakä ji̱ kɛ diit tɛthä lɔaac, kɛnɛ luur mi la muc, kɛ lätni kä min cä gok i̱ bä la̱t. Kään ɛ jɛn Kuoth Nhial kärɔa!”

¹⁰ Kä cu Kuoth Nhial re̱c jakä bɛ Jona ŋɔak raar guäth mi kööt.