Jiɛth 3 - RUAC KUƆTH IN RƐL RƆ

Nhök Kuɔth mi thil pek

¹ Ɛ ɣän ram mi ci riɛk gaak Kuɔth jek.

² Cɛ ɣä tuɔ̱k raar, cɛ ɣä naŋ rɛy muɔ̱th mi thil buay,

³ ɛ thuɔ̱k cɛ rɔ riet ɣä, duääcɛ ɣä kɛ cäŋ kɛɛliw.

⁴ Ci ri̱ŋdä kɛnɛ guɔ̱pdä thɔɔt, kä cɛ cɔ̱wkä töl,

⁵ Jɛn cɛ ɣä go̱l kɛ ti bɛ̈c bɛ̈ɛ̈c kɛnɛ rik,

⁶ Cɛ ɣä jak kä cieŋ rɛy muɔ̱th ce̱tkɛ nɛy tëë ci li̱w ni wal.

⁷ Jɛn cɛ ɣä göl rɛc kɛ päny, kɛ ɣöö /cä rɔ bi bar, cɛ ɣä yian piny kɛ kuatni,

⁸ a cäŋ cä wiee bä i̱ göörä luäk, /cɛ palä liŋ.

⁹ Cɛ duɔ̱pkä ga̱k kɛ pääm ti ca kuac, cɛ dupkä jak kä gɔ̱a̱ŋ gɔa̱a̱ŋ.

¹⁰ Jɛn bi̱i̱mɛ ɣä ce̱tdɛ nikɛ lɛt, kɛnɛ lony mi ci rɔ tɛ̱̈ɛ̱̈.

¹¹ Cɛ ɣä woc dup kä cɛ ɣä ŋuɔ̱k ni dhoon, kä cɛ ɣä ba̱ny piny baaŋ.

¹² Cɛ bäärɛ ka̱n, kä lot dɔwdɛ ni ɣä.

¹³ Cɛ yiɛth ni lɔcdä kɛ dɔw bäärädɛ.

¹⁴ A dɔalkɛ ni ɣä ɛ nɛy diaal, la butkɛ kɛ mi kɛ̈t kɛ ɣä kɛ diit ni ciaŋ.

¹⁵ Cɛ ma̱a̱th ni ɣä kɛ ti kɛ̈c kɛ̈ɛ̈c, kä cɛ mi̱eeth ni ɣä kɛ kɔ̱a̱m.

¹⁶ Cɛ lɛckä töl kɛ guiy, kä cɛ ɣä dal rɛy pukä.

¹⁷ Cɛ ɣä pën mal, a cä tɛ̈th lɔaac pa̱l ruëëc.

¹⁸ Cua̱ wee i̱, “Ci min ŋa̱a̱thä kä Kuoth Nhial riaw.”

¹⁹ Ɣän cä rikä kɛnɛ ga̱a̱cdä tim, kɛ bɛ̈c bɛ̈ɛ̈c kɛ cuɔ̱c!

²⁰ Ɣän caarä kɛ, kä nyuɔnkɛ lɔcdä.

²¹ Kä min caarä nɛmɛ kɛ lɔcdä, cuɛ ɣä moc kɛ ŋa̱th.

²² Kɛ nhök Kuɔth Nhial in thil pek, /kenɛ nɛy ŋuɔk raar, kɛ ɣöö /ci pälidɛ ikä thuk.

²³ La tekɛ thi̱n ni ciaŋ kɛ runwaŋ, kɛ ɣöö di̱t gɔɔydɛ ɛlɔ̱ŋ.

²⁴ Kä cua̱ wee i̱, “Kuoth Nhial ɛ duŋdä, kɛ kui̱c ɛmɔ bä ŋäth ni jɛ.”

²⁵ Kuoth Nhial gɔaaɛ kɛ nɛy tin ŋa̱thkɛ jɛ, kɛnɛ ram mi go̱o̱r jɛ.

²⁶ Kä gɔaa ni ɣöö liipi luäk Kuɔth Nhial bitdä.

²⁷ Kä gɔaa ni ɣöö dee raan jɛ ŋa̱c ŋuɛɛtädɛ.

²⁸ A jɛ päl rɔ piny nyuurä bitdä, kɛ ɣöö ci Kuoth Nhial ɛ ka̱m jɛ.

²⁹ A jɛ yiɛth nhiamdɛ piny rɛy tupä, dɔ̱ŋ bi ŋa̱th ŋot thi̱n.

³⁰ A käm gi̱ekdɛ ram mi pat jɛ, kä a jɛ nhɔk kuethni.

³¹ /Ci Kuäär ni Kuoth naath bi lo̱k amäni cäŋ kɛl,

³² a cäŋ cɛ jiath lɔaac nööŋ, bɛ tekɛ nhök, kɛ ɣöö di̱t nhökdɛ min thil pek,

³³ kɛ ɣöö /cɛ raan gui̱c riɛk kɛnɛ jiath lɔaac.

³⁴ Kɛ ɣöö ba nɛy diaal tin ca yiɛn, dɔany kɛ ciök rɛy ɣɔaa,

³⁵ kɛnɛ ɣöö ba cuɔ̱ɔ̱ŋ ran bath, nhiam Kuɔth in Dit ni Jɛn.

³⁶ Kä ci Kuoth Nhial jɛ nhɔk, ɛn ɣöö bi raan pen cuɔ̱ɔ̱ŋdɛ.

³⁷ Kä ɛŋa mi ci kɔŋ ruac kä cua thuɔ̱k a/ken Kuäär ni Kuoth ɛ lar?

³⁸ /Ciɛ Kuoth in Dit ni Jɛn la mi gɔaa kɛnɛ mi jiääk a lat ɔ?

³⁹ Ɛŋu la ram mi tëk a ruac ɔ, mi dua̱ckɛ jɛ kɛ dueerkɛ?

⁴⁰ Pa̱lnɛ dupkɔn kä luɔcnɛ kä Kuoth Nhial!

⁴¹ Ka̱mnɛ lo̱ckɔn Kuoth nhial kɛ pal wanɛ i̱,

⁴² “Cakɔ duer, cakɔ ji̱ lo̱k kä /keni kɔ pälikä.

⁴³ “Ci kɛ̈c ɛlɔ̱ŋ a curi guɔ̱ɔ̱r ni kɔ, ci kɔ näk a thil nhök.

⁴⁴ Ci gaŋ ni rɔ kɛ wuɔ̱n, kɛ ɣöö thilɛ pal mi bi cop kä ji̱.

⁴⁵ Kä cikɔ jak kä di̱r jiäkni kä lökɛ nɛy ɛ döör.

⁴⁶ “Ci ji̱ tɛ̈ra diaal rɔ̱ riet nɛy,

⁴⁷ kɔn cakɔ cuuc kä cakɔ thuɔ̱k.”

⁴⁸ Ci mer waŋdä lo̱o̱ny ce̱tkɛ kir, kɛ kui̱ li̱eth nɛɛnikä.

⁴⁹ “Bi mer waŋdä lo̱o̱ny a thil lɔ̱a̱ŋ,

⁵⁰ amäni mi ci Kuoth Nhial guic ni nhial a cɛ kɔ liɛc.

⁵¹ Min cä nɛn cɛ ɣä moc jiath lɔaac, kɛ kui̱ li̱eth mään wec diaal.

⁵² “Ɣän kakɛ ɣä ce̱tnikɛ dit, ɛ ji̱ tɛ̈rä a thil luɔt.

⁵³ Yuɔr kɛ ɣä rɛy puɔ̱ɔ̱l a tëk, kä bök kɛ ɣä kɛ pääm.

⁵⁴ Kä cu pi̱w ɣä buɔny, cua wee i̱, ‘Ci lia̱a̱ ben.’

⁵⁵ “Kä cua Kuoth Nhial cɔl ni rɛy puɔ̱ɔ̱l.

⁵⁶ Liŋ la̱ŋdä, ‘/Cu ji̱thku kum kɛ wieedä göörä luäk!’

⁵⁷ Kä curi ben mëë cä ji̱ cɔl, kä curi wee i̱, ‘Cu dual!’

⁵⁸ “Kä curi ɣä ben luäk Kuäär ni Kuoth, curi tëkdä kän.

⁵⁹ Kä ci dueer tin la̱tkɛ kä ɣä nɛn, lö Kuoth Nhial guic lukdä.

⁶⁰ Kä ci pek lo̱kädiɛn kɛ ɣä nɛn, ca̱a̱p diaal tin la̱tkɛ kä ɣä.

⁶¹ “Kä Kuoth Nhial ci kuethnidiɛn liŋ kɛ ɣä, tin lät kɛn kɛ kä ɣä.

⁶² Min lat ji̱ tɛ̈rä jɛ kɛ kui̱dä, kɛ cäŋ kɛɛliw.

⁶³ Kä guic ta̱a̱diɛn nyuurä kɛ ta̱a̱diɛn cuŋä, kɛt kɛn ni ɣä kɛ diit.

⁶⁴ “Kä kämnikɛ min ro̱ŋ kɛ kɛ lö Kuoth Nhial, ce̱tnikɛ lätkiɛn.

⁶⁵ Mockɛ riɛk, bi lamdiɛn cu wä kä kɛ.

⁶⁶ Kä guurikɛ kɛ gak lö Kuoth Nhial, kä bikɛ cu dup piny puɔ̱ɔ̱rä.”