Je-mɛth 1 - RUAC KUƆTH IN RƐL RƆ

¹ Ɛ ɣän Je-mɛth in la kuany Kuɔth, kɛnɛ Kuääran ni Yecu Kritho. Thiëcä malun, yɛn döör I-thɛ-rɛl da̱ŋ wäl wi̱cdɛ rɛw tëë ca riaw wi̱i̱ muɔ̱ɔ̱n.

Ŋa̱th kɛnɛ pɛl

² Dämaari, mi te yɛn kɛ rik ti ŋuan ti gööl a tɛth ni lo̱ckun,

³ kɛ ɣöö ŋäc yɛn ɛ ɛn ɣöö ɣɔ̱n ŋäthädun nöŋkɛ yɛ dhi̱eel.

⁴ Kä a dhi̱eel cop pekdɛ kɛ ɣöö dee ciaaŋdun kɛɛliw a mi gɔaa mi ro̱ŋ, kä thilɛ mi dee te jɔ̱ɔ̱r kä yɛ.

⁵ Mi tëëkɛ raan kä yɛ mi dak pɛlɛ, a jɛ pal Kuoth in mooc nɛy diaal kɛ tet mi lɔr kɛ tɛ̈th lɔaac, kä ba jɛ ka̱m ji̱.

⁶ Kä duundɛ ɣöö thiecɛ kɛ ŋa̱th a thil diw, kɛ ɣöö ram mi te diw ce̱tdɛ kɛ muaŋ baar mi jak jiɔam ɛ kä yɔ̱k ɛ jɛ.

^7-8 Kɛ ɣöö ram mi ce̱tkɛ nɔ cärɛ kä rɛɛw, kä thilɛ mi ŋokɛ piny kä ti diaal tin lätdɛ, a jɛ /cɛ car ɛn ɣöö bɛ duɔ̱ɔ̱r jek kä Kuäär ni Yecu.

Can kɛnɛ ria̱ŋ

⁹ A raan ŋäthä mi can Kuoth liak, kɛ ɣöö ca kɛ kap nhial,

¹⁰ kä ɛ Krith-cin mi riäŋ riäŋ lɔcdɛ gɔaa mi ca jɛ luɔ̱c piny, kɛ ɣöö ram mi riäŋ bɛ thuɔ̱k ce̱tkɛ gaakni juaacni dɔaar.

¹¹ Kɛ ɣöö la cäŋ a lɛp kɛ lëthdɛ kä bɛ juaac waŋ. Kä bɛ gaakni juaacni jakä pɛn, kä bi gɔɔydiɛn thuɔ̱k. Bɛ a jɛn ta̱a̱ raam mi riäŋ riäŋ ɛn nɔmɔ bä, jɛn bɛ ria̱r gua̱a̱th in lätdɛ lätkɛ.

Ɣɔ̱n kɛnɛ Ɣɔm

¹² Puɔ̱th akɛ ram mi ci ɣɔ̱ɔ̱n rut, kɛ ɣöö mi cɛ ɣɔ̱ndɛ luäŋ, bɛ muc teekä min cɛ lar ka̱m nɛy tin nhɔakɛ jɛ.

¹³ A thil ram mi laar jɛ, mi ca jɛ ɣɔam i̱, “Ɣɔ̱n ɣä Kuoth”, kɛ ɣöö /ca Kuoth dee ɣɔ̱n kɛ jiäk, kä thilɛ ram mi derɛ ɣɔ̱n.

¹⁴ Kä duundɛ ɣöö la raan a ɣɔ̱a̱nkɛ ɛ tin go̱o̱rɛ kä ba jɛ buath jɔ̱ɔ̱r ɛ di̱t lɔaacdɛ kɛ nyuɔɔnkɛ.

¹⁵ Di̱t lɔaac di̱ethɛ duer, kä mi ci duer piith a cɛ di̱t, duer no̱o̱ŋɛ lia̱a̱.

¹⁶ Dämaari ti nhɔakä, a yɛ /ca mɛt!

¹⁷ Ŋɔaani ti gɔw kɛnɛ muc diaal ti gɔw ɛlɔ̱ŋ bäkɛ nhial, ŋunkɛ Gua̱n buɔyä mi /ci rɔɔdɛ wany ce̱tkɛ ti̱eep in wany rɔ.

¹⁸ Kɛ ca̱rɛ kärɔaadɛ cɛ kɔn di̱eth kɛ ruacdɛ min thuɔ̱k, kɛ ɣöö bi kɔn a key nɛɛnikɛ tin nhiam tin cɛ cak.

Li̱eŋ kɛnɛ la̱t

¹⁹ Tiɛtdɛ nɛmɛ, dämaari ti nhɔakä, a nɛy diaal pɛ̈th kɛ li̱eŋ ŋɔaani kä akɛ, /ci pɛ̈th kɛ ruac, kä akɛ /ci gak kɛ pɛ̈th,

²⁰ kɛ ɣöö gak ran /cɛ lät ni ciaŋ cuŋni Kuɔth.

²¹ Kɛ kui̱ ɛmɔ wuɔcɛ ciɛŋ nyuɔɔni diaal kɛnɛ jiäk diaal. Kä nhɔakɛ ruac mi ca piɛth rɛydun kɛ ciaŋ mi kɔ̱c kä te lua̱ŋ kɛ ɣöö bɛ tieydun kän.

²² La̱tdɛ min ca la̱r yɛ, mi wä liɛŋ ni yɛn kärɔa, kaaŋ yɛn ni rɔ̱.

²³ Kɛ ɣöö mi la raan a liŋ ni ruac kärɔa, a /cɛ jɛ lät, ce̱tdɛ kɛ ram mi guic nhiamdɛ rɛy neenä.

²⁴ Kɛ ɣöö guicɛ ni rɔɔdɛ, kä ni ɛn guäth in cɛ jiɛɛn bɛ ta̱a̱ in tekɛ jɛ cu pa̱l ruëëc.

²⁵ Kä ram mi guic ŋut in thuɔ̱k pa̱ny ŋut in jak naath kä lɔr. /Ci wi̱cdɛ bi ruëëc, latdɛ ni lätkɛ diaal, kä jɛn ba jɛ poth rɛy lätnikɛ.

²⁶ Kä mi caar raan ɛn ɣöö ɛ gua̱n ŋäthä, kä /cɛ thokdɛ yien, mɛɛtdɛ ni rɔ. Ɛn ciaŋ ŋäthädɛ thilɛ jɛ luɔt.

²⁷ Ciaŋ ŋäthä min gɔaa pa̱ny kä /ka̱n nyon nhiam Kuɔth in la Gua̱a̱ra ɛ nɛmɛ, ɛ ɣöö bi tit ni gaat ti rɛ̈tni kɛnɛ män jɔɔkni rɛy riknikiɛn, kɛnɛ ɣöö bia rɔ̱ gaŋ a thil mɛ̈ɛ̈ny kä ɣɔw ɛ jiääk ɛmɛ.