I-yob 32 - RUAC KUƆTH IN RƐL RƆ

Ruac Ɛ-liɣu kɛ I-yob kɛnɛ mäthnikɛ

¹ Kä cu wutni da̱ŋ diɔ̱k ti̱ti̱ ɣöö bikɛ I-yob loc päl, kɛ ɣöö cɛ rɔ guic i̱ tëë kɛ cuɔ̱ɔ̱ŋ.

² Inɔ cu Ɛ-liɣu gat Ba-ra-kel raan Budhi, thok duëël Ram gaak. Cuɛ gaak kɛ I-yob kɛ ɣöö cɛ moc ni rɔ cuɔ̱ɔ̱ŋ kä ɣöö derɛ moc ni Kuoth kɛ cuɔ̱ɔ̱ŋ.

³ Kä cuɛ gaak bä kɛ mäthni I-yob da̱ŋ diɔ̱k kɛ ɣöö thilɛ mi ci kɛn ɛ lat, cäŋɛ ni mëë ŋäc kɛn ɛ ɛn ɣöö te I-yob kɛ duer.

⁴ Kä täämɛ kɛ ɣöö kuiy ni Ɛ-liɣu kä kɛn diaal, cuɛ liep amäni mëë cikɛ thuɔ̱k kɛ ruac kɛ I-yob.

⁵ Kä min ci Ɛ-liɣu jɛ ŋa̱c ɛn ɣöö thilɛ ram mi ruac kä kɛn da̱ŋ diɔ̱k, cuɛ gaak ɛlɔ̱ŋ.

⁶ Kä cu Ɛ-liɣu gat Ba-ra-kel raan Budhi ɛ loc i̱, “Ɣän kuiy ni ɣän, kä di̱t ni yɛn, kɛ kui̱c ɛmɔ ɣän pöcä kä dualä, kɛ ɣöö dëë yɛ la̱t min ŋa̱cä.

⁷ Kä ɣän cä cu wee i̱, ‘A nɛy tin di̱t ruac, a dɔŋ nyuɔ̱thkɛ naath pɛl.’

⁸ Duundɛ ɣöö ɛ yiëë Kuɔth in leny buɔ̱mdɛ ti diaal min te rɛy ran moc raan kɛ ŋäc ŋɔaani mɔ.

⁹ /Ciɛ di̱t moc raan kɛ pɛl ɔ, kä /ciɛ dɔŋ moc raan kɛ ŋäc cuŋni mɔ.

¹⁰ Kɛ kui̱c ɛmɔ bä wee i̱, ‘Liɛŋɛ ɣä, pa̱lɛ ɣä ɣöö latdä min ŋa̱cä.’

¹¹ “Nɛ̈nɛ jɛ ɣän cä rieetkun lip bitdä, kä cä ruac pɛlädun liŋ, rieet tëë go̱rɛ i̱ bia lat.

¹² Cua̱ rɔ pa̱l piny kɛ ɣöö bäkɛ liŋ, kä nɛ̈nɛ jɛ, cuɛ thil duer mi cia la̱t I-yob, cuɛ thil ram mi cu ruacdɛ loc kä yɛ.

¹³ Kä cuarɛ wee i̱, ‘Cakɔ pɛl jek, a Kuoth ku jɛ moc duer a /ci mɔ a raan.’

¹⁴ Duundɛ ɣöö /ken I-yob ruacdɛ lat kɛ kui̱dä, kä /cä jɛ bi loc kɛ ruaacnikun.

¹⁵ “Kä cukɛ ga̱a̱c ɛlɔ̱ŋ, kä cuɛ thil riet mi cu kɛn ɛ lar.

¹⁶ Kä ɣän bä ku liep ɛn täämɛ a thilɛ mi latdä, kɛ ɣöö cuŋkɛ ɛn wi̱ni kä /cikɛ ruac?

¹⁷ Kä ɣän bä ruacdä lat bä, bä min ŋa̱cä lat raar.

¹⁸ Kɛ ɣöö ci rɛydä thia̱a̱ŋ kɛ rieet, /cä kɛ dëë luäŋ kɛ ruɔ̱t rɛydä.

¹⁹ Kä ce̱tkɛ rɛydä kɛ kɔaŋ mi ca diɛl rɛy dhar, ce̱tkɛ nikɛ kɔaŋ mi pua̱a̱r rɛy dhar mi go̱o̱r pa̱t.

²⁰ Ɣän bäkɛ lat, kɛ ɣöö bä kulɛ lɔ̱ɔ̱ŋ, ɣän bäkɛ loc nikɛ lɛpdä.

²¹ Ɣän thilɛ ram mi bä nyuɔ̱th nhök, kä thilɛ ram mi bä pɛl.

²² Kɛ ɣöö ɣän kuecä pɛli ran, kä mi cä raan mɛt dëë Cääkdä ɣä näk.