I-yob 31 - RUAC KUƆTH IN RƐL RƆ

¹ “Kä ɣän cä rɔ yac, kɛ ɣöö /cä nyal bi met di̱el guec.

² Kä ɛŋu mi dëë a kui̱dä kä Kuoth, mɔ dëë a kui̱dä mɔ kä Kuoth in leny buɔ̱mdɛ ti diaal?

³ Ɛ /cɛ kua̱ riɛk kä nɛy tin jiäk, kä ɛ da̱k kä nɛy tin la̱tkɛ dueer?

⁴ Kä jɛn ɛ /cɛ duɔ̱pkä ku guic, kiɛ /cɛ ka̱a̱thkä kuɛn?

⁵ “Kä ɣän mi la̱tdä jiäk kä kaŋä naath,

⁶ (a Kuoth thɛm ɣä kɛ theem cuŋni bɛ jɛ cu ŋa̱c ɛn ɣöö thilɛ ɣä bɛ̈l!)

⁷ Kä mi cä ciɛc rɛy duɔ̱p, kä ci lɔcdä guɔ̱ɔ̱r ni tin nhɔakä, kä la̱tdä ni dueer,

⁸ a nɛy ti kɔ̱ŋ camkɛ mi̱thkä, kä a bɛl tin cä pith duɔ̱pkɛ.

⁹ “Kä mi ci lɔcdä ciek bɛc, kä cä ciek thieekädä wä lip thok duëëlɛ,

¹⁰ a ciekdä ka̱n kɛ ɛ wut mi dɔ̱ŋ, kä a jɛ ka̱nkɛ ɛ nɛy kɔ̱kiɛn.

¹¹ Kɛ ɣöö ɛn nɔmɔ ɛ pöc mi di̱i̱t, kä ɛ duer mi dëë luk.

¹² Kä nɔmɔ ɛ mac däkä, mi dëë pɛt ni nyinkä diaal.

¹³ “Kä ɣän mi cä ruac jäŋädä wut kiɛ ciek lo̱k, mi cɛ ben göny nhiamdä,

¹⁴ kä ɣän dëë kulɛ cuɔ̱ŋ nhiam Kuɔth i̱di? Kä dëë jɛ loc i̱di mi cɛ ɣä thiec?

¹⁵ Ɛ /cɛ kua̱ jɛn ram mëë cak ɣä cak kɛ mɔ? Kiɛ /ciɛ jɛn ram ɔ kɛl ɔ läth nɛy jic manikɔ mɔ?

¹⁶ “Kä mi cä can pën mi go̱o̱rɛ, kä cä ciek jɔkä ciɛŋ a jiäk,

¹⁷ kiɛ cä mi̱ethdä ɣɛl ɣän kärɔa, a /ka̱n rɛ̈tni moc thi̱n,

¹⁸ (kɛ ɣöö ni ŋuɛɛtädä cua̱ can rɔm, cua̱ ce̱tni kɛ gua̱n, kä cua̱ ciek jɔkä tit ni mëë daap maar ɣä),

¹⁹ kä mi cä raan nɛn ali̱wɛ kɛ thil biey, kiɛ can mi thil mi kumɛ rɔ,

²⁰ la ka̱mä jɛ bi̱i̱ mi̱emni deetkä, kä bɛ ɣä cu la̱r tɛ̈th lɔaac.

²¹ Kä mi cä ram mi rɛɛt la̱t a jiäk, kɛ ɣöö ba ɣä wä ɣɔr guäth luɔ̱k,

²² a tetdä guaath rɔ wukädä, a jɛ guaath rɔ ni ro̱mä cɔ̱ɔ̱ni.

²³ Kɛ ɣöö ɣän luɔ̱thä da̱k in dëë ben kä Kuoth, a /cä mi ce̱tkɛ nɔ dëë la̱t.

²⁴ “Kä mi cä ŋa̱thdä la̱th kä da̱a̱p, kä cä da̱a̱p in ko̱k ko̱k cɔli thiakdä,

²⁵ kä bi lɔcdä tɛɛth kɛ ria̱ŋ mi di̱i̱t, kiɛ kɛ ɣöö cä ti nyin ŋuan jek,

²⁶ kiɛ mi bä guic ni buay ca̱ŋ, kiɛ bä guic ni gɔɔy ja̱l path,

²⁷ kä bäkɛ pal kɛ rɛy lɔaacdä kɛ tɛ̱̈ɛ̱̈, kä bä tetkä cim kɛ kui̱diɛn.

²⁸ Ɛn nɔmɔ bä ɛ duer mi dëë luk ni ɣä, kɛ ɣöö ɛ thil ŋäthä kä ɣä Kuoth in te nhial.

²⁹ “Kä ɣän /ken lɔcdä met tɛɛth kɛ da̱k gua̱n tɛ̈rä, kä /ka̱n rɔ met liak kɛ ɣöö tëë kɛ riɛk.

³⁰ Kä /ka̱n duer met la̱t, kɛ lämdɛ lia̱a̱.

³¹ Kä ŋäc ji̱ dhɔaarä jɛ agɔaa, ɛn ɣöö nɛy diaal tin la bä dhɔrä la mi̱thkɛ a bikɛ ria̱ŋ.

³² Kä /ken juɔ̱r met tɔ̱ɔ̱c duɔ̱pni, kɛ ɣöö cä dhɔrä lëp ja̱a̱l.

³³ Ɣän /ka̱n lät ce̱tkɛ nɛy tin kɔ̱ŋ tin la tɛ̱̈ɛ̱̈kɛ dueerkiɛn, nɛy tin la la̱thkɛ ŋɔak rɛy jiɛpnikiɛn.

³⁴ Kä ɣän cä met dual kɛ min latkɛ ɛ naath, kiɛ cɛ ɣä met lath kɛ yiöŋdiɛn a bä te duëël bitdä.

³⁵ Ɣa duŋ mi ruac Kuoth in leny buɔ̱mdɛ ti diaal, dëë ciötdä gɔ̱a̱r piny, kɛ ɣöö derɛ nyoth i̱ tin cä lat kɛ thuɔ̱ɔ̱k!

³⁶ Kɛ thuɔ̱k dëë kɛ kap nikɛ ŋuäkdä, dëë kɛ la̱th ce̱tnikɛ kum wec.

³⁷ Kä dëë jɛ ka̱m lätkä diaal, kä dëë wä nhiamdɛ ɛ te wi̱cda nhial kɛ liak.

³⁸ “Kä mundä pärɛ, kiɛ wiee ka̱a̱kä kɛ kui̱dä?

³⁹ Kä ɣän cä dɛykɛ cam ɛ ka̱n kɛ kɔk, kiɛ cä ji̱kɛ jakä li̱w?

⁴⁰ Kä mi ti̱ti̱ kɛ thuɔ̱ɔ̱k, a do̱ny ni kuiy thi̱n a /ci mɔ a bɛl, kä a ciɛk ni wa̱th kɛ gua̱a̱th lääpä.” Ɛ jɛn thuɔ̱k ruac I-yob.