I-yob 26 - RUAC KUƆTH IN RƐL RƆ

Luɔc I-yob

¹ Kä cu I-yob jɛ loc i̱,

² “Kä ɛ luäk in mi̱th, ci luäk ni jɛn ram min thil lua̱ŋɔ! Kä ci tet raam in kɔ̱c lor i̱di!

³ Kä ɛ lui̱k in mi̱th ci ka̱m ram in thil pɛl ɔ, kä ɛ ŋäc ŋɔaani min mi̱thdiɛn!

⁴ Kä ɛŋa lät ji̱ kɛn rieet ti̱ti̱ ɔ, mɔ latdi ruacdɛ mɔ?

⁵ Kä yiey nɛɛni tëë ci li̱w a rikä, rɛy pi̱i̱ni tin te piny muɔ̱ɔ̱n.

⁶ Ro̱l jɔɔkni tëë ɣo̱o̱ŋä nhiam Kuɔth, kä da̱k thilɛ mi kum jɛ waaŋdɛ.

⁷ Kä cu Kuoth pua̱a̱r kuec caam la̱th guäthdɛ, kä cuɛ piny la̱th guäth mi thilɛ mi rɔm jɛ nhial.

⁸ Kä cuɛ pi̱w la̱th rɛy pua̱a̱rikɛ, kä /ken pua̱a̱r pa̱t kɛ thiakdiɛn.

⁹ Kä cuɛ waŋ path kum kɛ pua̱a̱rkɛ.

¹⁰ Kä cuɛ dääk nhial kɛnɛ piny la̱t wi̱i̱ pi̱i̱ni, kä cuɛ key la̱t kam muɔ̱th kɛnɛ buay.

¹¹ Kä cuɛ cuɔ̱ɔ̱ŋ nhial lath, cuɛ kɛ lath kɛ dualiɛn kɛ Kuoth.

¹² Kä kɛ buɔ̱mdɛ cuɛ bäpdiit jak kä cuŋ, kä kɛ pɛlɛ cuɛ Ra-ɣab ŋuɔ̱k ni dhoon.

¹³ Kä cuɛ pua̱a̱r jak kä ko̱k ko̱k kɛ yiëëdɛ, kä cuɛ thɔ̱l in bar rɔ näk kɛ tetdɛ.

¹⁴ Kä kɛn ti̱ti̱ kɛ gëëk lätnikɛ, kä liŋ kɔn ni kuew mi tɔt kä jɛ! Kä ɛŋa dëë ma̱a̱r bumädɛ ŋa̱c ɔ?”