I-ca-yaa 55 - RUAC KUƆTH IN RƐL RƆ

Cɔl teekä mi gɔaa

¹ Cu Kuoth Nhial wee i̱, “Yɛn nɛy diaal tin näk rɛwkɛ bia guäth pi̱i̱ni, kä yɛn nɛy tin thil yio̱w, bia kökɛ kä mi̱ethɛ! Bia kɔakɛ kɔaŋ kɛnɛ cak, bia kɔakɛ kɛ a thil yio̱w.

² Ɛŋu thuuki yio̱w ɔ kɛ mi /ci mɔ a mi̱eth ɔ, kä ɛŋu lätdi ni la̱t mi /ci ro̱ŋ lɔɔcdu mɔ? Liŋ ɣä agɔaa, kä cam ni min gɔaa ni jɛn, kä bi lɔcdu nhɔk ni mi̱eth in cuay.

³ Päli ji̱thdu piny, kä bër kä ɣä, liŋ ɣä, dɔ̱ŋ bi ti̱eydu tëk, kä ɣän bä mat ruac mi thil pek la̱t kɛ ji̱, kɛnɛ nhökdä min do̱raar mëë cä la̱r Dee-bid.

⁴ Nɛnɛ, cä jɛ jak kä neen nath, cä jak kä rueec kä bo̱o̱th dööri.

⁵ Kɛ thuɔ̱k bi döör ti kui̱ci cɔl, kä bi döör ti kueckɛ ji̱ ri̱i̱ŋ kä ji̱, kɛ ɣöö ci Kuoth Nhial ni Kuothdu, Kuoth I-thɛ-rɛl, ji̱ moc kɛ luth kɛnɛ liak.

⁶ “Go̱rɛ Kuoth Nhial bia jɛ jek, cɔalɛ jɛ jɛn a thiäkä,

⁷ kä ɛ la̱a̱t jiäkni pa̱lkɛ dupkiɛn, kä ɛ nɛy tin thil cuŋ pa̱lkɛ cärkiɛn, akɛ loc kä Kuoth Nhial, dɔ̱ŋ bɛ tekɛ kɔ̱a̱c lɔaac kɛ kɛ, akɛ bä kä Kuothdan, kɛ ɣöö tëë kɛ pälikä mi di̱i̱t.

⁸ Cu Kuoth Nhial ruac ɛn ɣöö, /ci cärkä ce̱tkɛ cärkun, kä /ci dupkä ce̱tkɛ dupkun.

⁹ Kä ce̱tnikɛ mɔ te ni pua̱a̱r nhial ɔ kä piny, ɛ jɛn nɔ̱a̱n in nɔ̱a̱n kɛ dupkä kä dupkun, kä ɛ jɛn nɔ̱a̱n in nɔ̱a̱n kɛ cärkä kä cärkun.

¹⁰ “Ce̱tnikɛ min la nhiaal kɛnɛ thäc a bëë piny nhial, tin /ci dëë loc jɔk a /ka̱n piny luäny, tin la bɛl a jak kä ciɛk, tin la muɔckɛ naath kuay pi̱thä, kä muɔckɛ naath mi̱eth,

¹¹ ɛ jɛn ta̱a̱ in bi tekɛ ruac in bä lat, /cɛ bi luny kä ɣä baaŋ, duundɛ ɣöö bɛ min göörä la̱t, kä bɛ min ja̱kä jɛ kɛ jɛ la̱t.

¹² “Bi yɛn jiɛɛn kä Bɛ̈-bi-lɔn kɛ tɛ̈th lɔaac, ba yɛ böth raar rɛy wec kɛ mal, bi pääm diit kɛt nhiamdu, kä bi jiɛn diaal tetkiɛn pat kɛ tɛ̈th lɔaac.

¹³ Kɛ gua̱a̱th buɔ̱t buɔ̱ɔ̱tni bi do̱ny ni jiɛn gaakni thi̱n, kä kɛ gua̱a̱th jiɛn kuiyni bi do̱ny ni jiɛn ti puɔth thi̱n, ɛn nɔmɔ ba jɛ la tiɛmkɛ Kuoth Nhial, bɛ la nyuuth mi te thi̱n amäni cäŋ kɛl.”